Nsi nenùn bʼa zʼa nabte njoñ tshu fa là. A keʼ ghù ntoʼde mi ke ne ngù miagde mi. (Yobkwi 90:2) A bʼa tumnsi ntse nkùn mebwô zʼa be ntùm Ñwaʼni Nsi là. (1 Timôtio 1:11) Mba a bèn mfà yôg ben nà, be ghù neghamdʼà ndaʼ yi.​—Siañ Apokalipse 4:11

Sàm mèn keʼ toʼ yen Nsi nummbe a bʼa Ywèle, yen nà nke mbagdʼà mbe a tshùa njoñ benntùn nyiañtu fa tse bo be num nsitshaʼ là. (Yohané 1:18; 4:24) Là, be kuʼni nelèn Mèn Nsi be yi là ntshùade njam tshu tsʼa nabte là. Yen mbe o loʼ ngelañ nelôde ntàm ntù bo nsàm ntù nzenze, mba aʼ tswidʼo ju mfà num ze zenu bo ze nkôni. Mba njù loʼ nzi yi là nke ntswide ben à mbaʼ i bo ngùʼ i.​—Siañ Roma 1:20.

Be kuʼni nebèn ndèn yàme Mèn ze Nsi be yi là, ngelañ be siañ Ñwaʼni Nsi là. A num ntshob ju ze Nsi kô là ben, mba zʼa keʼ kô là, mba a be ntomde benntùn nà, mba ba ngùninu mi mbwe tshu boa mat nzenze.​—Siañ Yobkwi 103:7-10.

Yésu naʼ tshob ndù: “Tà yag zʼa be mve kamànyam nà, ghù lén so be nelàne.” (Matio 6:9) Kà mba ndù Nsi ghù ba ndén nkuʼni yàme, a ghù koʼ lén se à ntshùʼ. Mba zit ntshob lo ghù ze mat netsiañ lén Nsi. Ntùm ntshob Medumba bo nke ntsiañ i à “Yehovah” ke “Yaweh” lo.​—Siañ Yobkwi 83:18, MN.

Bo sô lén Nsi ntùm mbeʼ yàm Ñwaʼni Nsi njab à ndén nkuʼni mba Tshùaben kà Nsi lo là. Ndaʼndù ngelañ bo nke  nkide Ñwaʼni Nsi là, lén Nsi be ntùm bwe nguan yoñ 7000. Yésu naʼ ghù bo lèn lén Nsi ngelañ a nke ntswide benntùn mfà num i là.​—Siañ Yohané 17:26.

Lôde la’de netshañ Nsi ghù lén ké?

Ngeʼ nzenze ke ndaʼdʼà mbe Yaweh Nsi keʼ be nywin num ben ké? Mbeʼ yàm benntùn be ntshob mbe Nsi num ndoʼ ngeʼ ndañde ben yi, ndaʼndù a keʼ bʼa nenùne.​—Siañ Yakobo 1:13.

Nsi kuʼni mèn nyiañtu bo netshoʼ ze tu. Bag bin keʼ nyamde nelèn mbe Nsi fañ mbe be tshoʼ zebe tu neghamdʼé ké? (Yoshua 24:15) Ndaʼndù bwoñ benntùn tshoʼ neghù à nukebwô, a ju zʼa ghù ngeʼ yàm nà. A num mbag Yaweh Nsi ngelañ zʼa yen tshen nuketsin nà là.​—Siañ Netoʼde 6:5, 6.

Yaweh bʼa Nsi zʼa be nywin num ben nà. Ze nzi bʼa mbe bag bin jù bin yôg. Ndaʼndaʼ a biagde ngeʼ bo ghayab ngeʼ. Mbe bébe, a lèn ju zʼa ghù a fañ mbe ngeʼ be num metsit ngelañ nà. Ntùm bag i 8, bag bin aʼ ziʼde yen nà.​—Siañ 2 Pétro 2:9; 3:7, 13.

Yaweh Nsi tshwèt ntsiañ ben be gheptʼé ntùm leʼde. A num nywin mba num we lo. (Yobkwi 65:2; 145:18) A ghù nzi nelagde. A lèn ze be kagtùn neghù ju zʼa bwô i là, kà mba ndù moʼ ngelañ be num mfàne. Kà mba ndù bag bin keʼ làn miagde, be kuʼni nekut kushun bo Nsi.​—Siañ Yobkwi 103:12-14; Yakobo 4:8.

Mba Yaweh Nsi fà yôg ben nà, be ghù nekô i ntshùa mba mba we lo. (Marko 12:30) Mba o tshwèt ndaʼde yu nkôni mfà num Nsi nke nziʼde tshu num i mbèn nke ngù ju zʼa bètte là, o nsi nèn mbwe negheptʼé.​—Siañ 1 Timôtio 2:4; 1 Yohané 5:3.