Yésu naʼ mbe a taʼ mènntùn ntùm ywèle mve kamànyam kà bo nzi mbwe i num nsitshaʼa, ju zʼa keʼ toʼ tum mèn ghua là. (Yohané 8:23) A naʼ mbe a tuswe njoñ tshu fa, mbèn njwimde nenabte njoñ tshu fa. A ndaʼ yi ze Yaweh Nsi naʼ mbom ze tu là, yen nà bèn ngù bo nke ntsiañ i ‘nkwi Mén i ntshùʼ. (Yohané 1:14) Yésu lo faʼ mba ngaket ntshob Nsi là, ndùlala bo tsiañ i “Ntshobe.”​—Siañ Tànkùt 8:22, 23, 30; Kolosé 1:15, 16.

Nsi naʼ be tshag Yésu num nsitshaʼ, ndoʼ yôg se njab ntùm bam mènngon yuda lén se be Maria là. Ndùlala, tà Yésu naʼ ke bʼa mènntùn nyiañtu. (Lukas 1:30-35) Yésu naʼ seʼ num nsitshaʼ à num (1) netswide nenùn mfà num Nsi, (2) nefà mfiʼ mba be be ghù ze nekô Nsi mba ntùm ngùtni là, (3) mbèn mfà yôg se nelàne mba “ju tshuʼ” là.​—Siañ Matio 20:28.

Ju tshuʼ bʼa ju nefà num neghù mèn tum nkuan vùkob. (Netume 21:29, 30) Vùkob mba ywèn naʼ ke be ntùm nkwade Nsi ngelañ a naʼ mbom mènntùn nyiañtu là. Be lèn yen nà à ndùke? Nsi naʼ tshob mbwe mandum, Adam, mbe a be zʼa “fàn ntshùʼ” mi là, mba aʼ kwù. Ndùlala, Adam naʼ mbe ke fàn ntshùʼ, mba a lo ke kwù. (Netoʼde 2:16, 17; 5:5) Mba Ñwaʼni Nsi tshob là, vùkob tsho ntùm njù à njam Adam. A tshùa bwe là, Adam ghù njoñ nzwil i fa tùʼ  nkuan nukebwô ntshoʼ mfaʼ mi be vùkob là. A nke mbètte bo tshuʼ ben à num nesô ben ndà nkuan vùkob zʼa fe Adam nà.​—Siañ Roma 5:12; 6:23.

We zʼa naʼ nkuʼni nebé ju tshuʼ nkwé ben bu vù à? Ngelañ be num nkwù là, be nke ntshoʼ à faʼ ndaʼ mi ben nukebwô. Sàm mèn zʼa keʼ làn miagde là keʼ kuʼni netshuʼ tsemoʼ benntùn num tshob nukebwô.​—Siañ Yobkwi 49:7-9.

Yésu naʼ mbʼa mén nelàn miagde. Ndùla, a naʼ ke ghù nekwù num tse nukebwô​—a naʼ ke toʼ fàn nu. Là, Yésu naʼ nkwù à num nukebwô ben ghua. Yaweh Nsi tswide ze tshùayaʼ nkôni à, mba a naʼ ntshag Yésu a seʼ nkwù num tu ben nà. Yésu mbèn ntshùade num ze nejuʼ ntshu tàab ndaʼde ze nkôni num ben, mba a bam nefà yôg se num tse ben nukebwô là.​—Siañ Yohané 3:16; Roma 5:18, 19.

Lôde la’de netshañ Numke Yésu naʼ nkwù à?

Ngelañ zʼa naʼ mbe num nsitshaʼ là, Yésu naʼ yade ghangokèt, mbam benntùn num vù, mbèn njwimde tsemoʼ ntùm ngeʼ. A naʼ nke ndaʼdʼà ju zʼa nsi ghù ndùmànyam num bin njoñ ba juʼ ntshu fa là. (Matio 15:30, 31; Yohané 5:28) A lo kwù, Nsi bèn mbam i num vù mba taʼ mènntùn num bag ywèt là. (1 Pétro 3:18) Yen ngelañ nà, Yésu tswe num bag bu tàab ze zwim, ke mbéb mbe Yaweh Nsi fà neta yi netô nsitshaʼ fa mba mven nà. (Héber 10:12, 13) Ndonni ze Yésu be mven mve kamànyam nà, ghaziʼde nu i num nsoñ yen nkùn mebwô là ntùm njoñ njù fa.​—Siañ Daniel 7:13, 14; Matio 24:14.

Ndaʼndaʼ, Yésu loʼ ze neta mven num nebiagde njoñ ngeʼ fa yi, mba ghayab ngeʼ. Njoñ benntùn fa tse bo ghù bamntù mfà num Yésu mbèn nke njuʼ ntshu i là, nsi ghù yôg matmat ntùm Paradis num nsitshaʼa.​—Siañ Yobkwi 37:9-11.