AYEGHLE 7
Édjiè Nzame é ne foghe dzé ?
1. Édjiè Nzame é ne foghe dzé ?
Dzé da ve naa Yésu a bo nfang Ndjiè ?—MARC 1:40-42.
Édjiè Nzame é ne ngoman y’édzôô. Da zu sangle bengoman bese bevokh, ye bo naa nkôman Nzame ô boban a kôre y’édzôô ye zu kuiñ a si va. Za mbemba fuèñ ! Melu ma zu, Édjiè te da ye ve naa é mbemba ngoman bobebôt ba yi a tobe. Da ye ve naa élar é tobe é zang bôr bese be ye é si nyi.—A lang Daniel 2:44 ; Matthieu 6:9, 10 ; 24:14.
Édjiè da yiane bele ndjiè. Nlô Édjiè dzèñ, Jehôva a nga tele ndôma dzèñ, Yésu Christ.—A lang Melere 11:15.
Deghe éngengeng Édjiè Nzame é ne foghe dzé ?
2. Amu dzé Yésu a ne nfang Ndjiè ?
É Moan Nzame a ne nfang Ndjiè amu a ne mbemba môt, ye naa aa kam fe é dzam é ne mbeng (Matthieu 11:28-30). Éde fe, a bele abim ngul é ne bo naa a vole bôt, amu a ye djiè si a too édzôô. Éde é nga bo naa, niane a nga wôme, a ne a nga bere édzôô, ye tobe Jehôva mfakh meyôm, a yaneghe naa a tuè nye éto ndjiè dzèñ (Behébreu 10:12, 13). A sughlan y’été, a ne Nzame a nga ve nye ngul ya djiè.—A lang Daniel 7:13, 14.
3. Yésu a ye djiè ba be za ?
Moan nsama bôr ba luè naa “minfufup,” é be ba ye djiè ba be Yésu é dzô (Daniel 7:27). É bôr Yésu a nga tare fèè be mbe besôsôe mintôl myèñ. Ane Jehôva a nga bera be koghlan besôsôe be fe, be fam ye binenga, ye ke kuiñ ému. Ane Yésu, ba wômô ye nyôl nsisim.—A lang Jean 14:1-3 ; 1 Becorinthien 15:42-44.
Bôr tang yaa ba ye ke édzôô ? Yésu a nga luè be naa “moan nsama” (Luc 12:32). Bese ba ye tobe bôr tang 144 000 ba ye djiè é si nyi ba be Yésu.—A lang Melere 14:1.
4. Dzé nga boban éyong be nga twè Yésu éto ndjiè ?
Édjiè Nzame é nga sum ésèñ mbu 1914. * É dzam ôsua Ndjiè Yésu a nga tare bo é mbe naa, a waa Satan ye mbia minsisim myèñ a si va. Ôlun ô nga bi nye vale, é wo ô nga bo naa Satan a ve minzukh si se ngura (Melere 12:7-10, 12). Éde, minzukh boan bebôt mi ne va vem vem. Meluman, zèñ, akoan meval mese ye mifônghan mi si, mi ne é “ndem” da lere naa Édjiè Nzame édzôô é nkunu zu kôme mam me y’a si va.—A lang Luc 21:7, 10, 11, 31.
5. Édjiè Nzame da bo dzé éyong dzi ?
Édjiè Nzame é nga lar-hang bura nsama bôr be ye mesi mese, ye ésèñ minkangle da boban si ése ngura. Bizuk bi bôt be ne asili nyôl be nga venghan-yang é bôr ba sukh édjiè Yésu a si. Édjiè Nzame da ye be baghle, éyong da ye man zu tsam émô é ngen a si va. É bôr bese ba kômô buan memvèñ me y’Édjiè te, ba yiane yeghe ane ba kang Yésu.—A lang Melere 7:9, 14, 16, 17.
Tang 1 000 mimbu, Édjié Nzame da ye bo é dzam ôsua (nge ki naa ôsiman ôsua) Nzame a nga tare bele akal bobebôt. Si se ngura da ye venghan Paradis. A sughlan y’été, ane Yésu a ye bulan ésaa wèñ Édjiè (1 Becorinthien 15:24-26). Ye ô bele môr ô ne kômô kanghle mam me ye Édjiè Nzame ?—A lang Bya 37:10, 11, 29.
^ par. 6 Na ô tugha fas minkulan medzô mi ya Bible mi ye mbu 1914, deghe nkobe Boulou abak Jé Kalate Zambe a ne ye’ele bia? mesu mefep 217-220.
