Tañi tuwün püchü wariba Sajonia lob mu, Republica Democratica Alemana (RDA) ngebüi. Tañi pu che chemchingebüi ka tañi chaw ka ñuke kimelelenu norngechi dungu. RDA pais comunista ngebüi, beimu bentren che Sajonia mu duamtulelai religion dungu mu. Iñche mupitulabün (beyentulabün) Chaw Dio mu. Mupitunobel Chaw Dio, comunismo engu, ngüyuleenu tañi mongen 18 tripantu peno.

¿Chemu ayübün comunismo? Ayübün kom pu che trürngeal. Mupitubün tañi abal kuñüball dungu, küme udamkaabüi pu che tañi ülmenkechi dungu. Beimu ingkabiñ wechekeche tañi trawüluwün comunista ngebüi. 14 tripantu nielu iñche müna küdawün tañi wiñopüneal papil tañi libtuñmabel mapu. Pu longkolelu Aue pingechi püchü wariba mu mañumbi tañi bemün, beimu eluenu balin yewün. Wechengebün ume, kimpobiñ kiñeke politico che RDA mu. Rakiduamkebün doi küme mongen niepoabün.

Welu kom tañi mupituken, ngünam dungu müten. 1989 tripantu mu apümkai tati bütra malal Berlin wariba mu ka kom pu comunista pais Europa mu. Müna weñangkülebün tañi peal kom norngenochi dungu upalu. Pu che ingkanobilu comunismo dungu illamngebingün. Comunismo dungu kimelelbi kom iñchiñ trürngeiñ ¿Chemu bemingün bei? Kom beichi dungu, ¿koila dungu ngepi mai müten? Kom tüba müna weñangkülenu.

Ka dungu rakiduambün, beimu ayüpobiñ ülkatun ka arte dungu. Papiltubün ülkatun dungu tañi amupool universidad. Ayübün küdawal ülkatun ka arte dungu mu. Elkünobün norngechi dungu tañi kimeletu chaw ka ñuke. Ayübün tañi küme upaleal müten, ka ñiwangebün. Welu tati ülkatun dungu, arte dungu ka ñiwal dungu newentukulaenu, beimu amulebüi tañi weñangkün. Kenü tañi küdaw pengeli tüba. Beimu ramtuwabün: ¿Chumngeai küpalechi antü mu? ¿Chumal mongeliiñ?

Kimpolu iñche pu llowdungun amatulen, nagantü mu mülelu iñche escuela mu anükünon kiñeke papiltukelu ngütramkalu küpalechi antü mu. Kidu engün mu, mülebüi Mandy⁠ * kiñe dungukelu iñi ngen Jewba ka eluenu küme ngülam. Eipienu “Andreas, ayübilmi tami peal llowdungun tami pu ramtun, mongen ka küpalechi antü mu, pebinge Biblia ñi eipin”.

Kimlabün tañi kintual, welu amulen. Mandy pengelenu Daniel tañi capitulo 2 Biblia mu, ka papiltulu iñche amatulen. Tübachi pelon dungu (profecía) bütra kuibi pengeli chem newengekechi gobierno müli taiñ antü mu. Kabei kidu pengelenu kake pelon dungu nüwkülelu pu che tañi küpalechi antü mu. Pebün llemai tañi pu llowdungun billke ramtun mu. Welu, ¿iñi am wirintukui beichi pu pelon dungu? ¿Iñi am rüb eipiabüi küpalechi antü mu ñi upalen? ¿Rüb pengelkepi mai Chaw Dio ñi mülen?

Mandy mu kimbiñ kürewen Horst ka Angelika engu, epu dungukelu iñi ngen Jewba, kiduengu kelluenu (ingkaenu) tañi doi küme kimal Biblia. Küme kimbün pu Dungukelu müten eipikingün Chaw Dio tañi üi ka kimelelbingün (Salmo 83:18; Mateo 6:9). Kimbiñ Jewba eipikünoi abnochi mongen nietuaiñ küme mulewe mu. Salmo 37:9 eipili: “Welu pu maneluwkülelu Jewba mu, ngengeai Mapu”. Müna ayüwün kimpol kom pu mupitulu Jewba tañi werkün dungu dipoabingün beichi eipikünon.

Küdawngebüi kakünol tañi mongen ka mupitubel Biblia tañi eipin. Kom ti dungu dipoabün ülkatube ka ñi küdaw arte mu rakiwün che ngepon (chekawngepon). Beimu kimpoabün ñomchengeal. Kabei küdawngi tañi elkünol ñiwal dungu. Müna mañumbiñ Jewba tañi ñochiduam, kutranpiwkeyechen ka chemchingen pu che küdawkingün ñi bemal Biblia tañi kimelün.

Mupitunobel Chaw Dio comunismo engu ngüyulenu tañi mongen 18 tripantu peno, welu tati Biblia kelluenu tañi amuleal kakünol ñi mongen. Kimün chumal mongeliiñ, beimu rakiduamlu küpalechi antü mu weñangkülewelan. 1993 tripantu mu bautisawün dungukelu iñi ngen Jewba ngepon, ka 2000 tripantu mu kürengen Tabitha kiñe ayüngechi kompañ tañi mupiñ (beyentun), mür iñchiw küme püneiñ taiñ tiempo kimeltual kake che chem pilen ti Biblia. Iñche reke, bentrenke che mupitulekebüi engün comunismo ka mupitulabingün Chaw Dio. Müna ayüwkülen kelluabel kake che kimpoal ta Jewba.

Kiñechi trawülu iñche pu dungukelu iñi ngen Jewba, tañi pu chaw trupelkünoingu. Welu upachi antü peingu chumngechi küme amuli tañi mongen. Bewla ayüwkülen kidu engu papiltuki Biblia ka amukingu pu dungukelu iñi ngen Jewba tañi trawün mu.

Tabitha iñchiw newentukeyu küme inayentobel ti dungu mülelu pu kürewen Biblia mu, beimu müna ayüwküleyu. Mupitukeyu ti dungu kiñewküleal kellukeiñmu küme yeneal tayu kürewen (Hebreos 13:4).

Bewla bill rakiduamlelan chem upan mongen mu ka küpalechi antü. Trürlen ka kom kiñewküliiñ rüb mupituken, kom ñi kintulken taiñ mongen mu.