“E Mizhokjimi ajensʼe ra ñesʼe naja kʼꞹ ra manda kja o reino, dya xi nguarꞹ rga manda.” (Daniel 2:44, Traducción del Nuevo Mundo.)

“Nukʼꞹ, ra mbɇzhi na nojokʼꞹ, nangeje nge o Trʼii Mizhokjimi kʼꞹ bʼꞹbʼꞹ ajensʼe. Mizhokjimi kʼꞹ in jmugoji ra ñɇme kʼꞹ nu Trʼii ra manda [...] para siempre.” (Lucas 1:32, 33, Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)

• Ra pa̱rgoji ja rga mbøxkoji nzi dʼazgoji nu gobierno e Mizhokjimi (Isaías 48:17, 18).

• Ra pa̱rgoji ke ra søø ra mⱥji ma ra minjigua kja Xoñijomꞹ kʼꞹ mi rra jotrjo, dya kja ra sødyeji (Apocalipsis 21:3, 4).

Ja̱a̱, jñanrra kʼo mamaba:

• Kʼo go tsjaa e Jesús go ñetsʼe pje ra tsjaa ma ra manda kja nu Reino Mizhokjimi. Angeze go jichi kʼo discípulo ja rgua dyøtꞹji Mizhokjimi, go xipji ro dyøtꞹji ro mbejñe o Reino ra gobernao kja ne Xoñijomꞹ ngekʼua nrrexe yo ntee ra tsjaji kʼo nee e Mizhokjimi (Mateo 6:9, 10, Traducción del Nuevo Mundo). Kʼo go tsjaa e Jesús ñetsʼe ja rga minji yo ntee ma ra zⱥdʼⱥ yo ri øtꞹji Mizhokjimi.

  Ma e Jesús go bʼꞹbʼꞹ kja ne Xoñijomꞹ go uiñi na punkjꞹ ntee, go tsjapꞹ ro kʼueñe o ngijeme kʼo mi soji ñe o xosʼꞹtrjo kʼo ntee kʼo ya bi nrru̱u̱ (Mateo 15:29-38; Juan 11:38-44). E Jesús ngeje kʼe Rey kʼꞹ ra manda kja o Reino Mizhokjimi, ngekʼua kʼo go tsjaa angeze ñetsʼe ke ma ra zⱥdʼⱥ nu paa ma ra manda kja ne Xoñijomꞹ ra mbøsʼꞹ yo ntee (Apocalipsis 11:15).

• Yo na sʼoo yo na kjogꞹ ñetsʼe ke dya kja ra mezhe ra gobernao kja ne Xoñijomꞹ o Reino Mizhokjimi. E Jesús go mama ke ro jandaji ro kjogꞹ kʼo me na sʼoo nuba kja ne Xoñijomꞹ, ro jandaji na punkjꞹ chu̱ʼu̱ kʼꞹ ro tsjaji yo país, ro jandaji ja ga nrru̱ji trjijmi na punkjꞹ ntee ñe ro mbii na zɇzhi nu Xoñijomꞹ. Ma ro janrrajikʼo dya kja ro mezhe ro manda o Reino Mizhokjimi (Mateo 24:3, 7).

  Texeyo, nge yo na kjogꞹ kja ne Xoñijomꞹ, je ga kjanu ri unkʼoji nguenrra dya kja ra mezhe ra manda o Reino Mizhokjimi ra kjuatꞹ texe kʼo na sʼoo.