„Небесниот Бог ќе подигне царство, кое нема никогаш да пропадне“ (Даниел 2:44, Свето писмо — превод Нов свет).

„Царската власт над светот сега му припаѓа на нашиот Господар и на неговиот Христос“ (Откровение 11:15).

• Ќе живееш под праведна влада која ќе се грижи за твоето добро (Исаија 48:17, 18).

• Наскоро Земјата ќе биде претворена во рај каде што ќе бидеш среќен и ќе имаш совршено здравје (Откровение 21:3, 4).

Да, од најмалку две причини:

• Исус покажал што ќе направи Божјето Царство. Исус ги поучил своите следбеници да се молат да дојде Божјето Царство и да се врши Божјата волја на Земјата (Матеј 6:9, 10). Исто така, покажал како ќе се оствари тоа.

  Додека бил на Земјата, Исус хранел гладни, лекувал болни и воскреснувал мртви! (Матеј 15:29-38; Јован 11:38-44). Исус, кој во иднина требало да биде поставен за Владетел на Божјето Царство, покажал какви прекрасни работи ќе направи тоа Царство за своите поданици (Откровение 11:15).

• Настаните во светот потврдуваат дека Божјето Царство ќе дојде наскоро. Исус претскажал дека, пред Царството да воспостави мир на Земјата, во светот ќе беснеат војни и ќе има глад и земјотреси (Матеј 24:3, 7).

  Сето ова го гледаме со свои очи. Затоа, можеме да бидеме сигурни дека Божјето Царство наскоро ќе им стави крај на ваквите проблеми.