Nagana ka papa ke yewa, wa gore o bolabola le morwayi wage wa go ba le kašupa ya mengwaga. O re gage: “Ku botala, Modimo o makiye lefase le dilo ka moka tso di leng ho ga lona, fote o makiye letšatši, ngwedi le dinanedi.” Morwayi yela o ghayela ka taba yone, ke mokane wa mmutsisa o re: “Papa, byalo Modimo yene o makiye ke mang?”

Papage wa mo fetola o re: “Aa šiyo ye a makiyeng Modimo. Ke botala a kene a le gona.” Tso papage a mmutsiyeng tsona di mo kgotsofatsa tsa gana byalo ga morwayi yene. Mara mo a kene a gola, putsiso yone yi fo ya mahlong yi mo kokona. Aa di kwisisi gore motho a ka ba gona byang go se na mo a thomisiyeng gona. Le lefase le dilo ka mokana ga tsona di na le mo di thommeng gona. Wa tiputsisa gore ‘mara Modimo o tšwa kaye?’

Bhayibele yi re king? Gabutšibutši, Bhayibele le yona yi fo tla gana mone ga mantsu ya ma hlayyeng ke papa ye go bolabodiwweng ka yene ka ho kgakala. Moše o yitseri: “Wene Jehova . . . ke wene Modimo go tlugisela go soko ba le dithaba le lefase le naga, ke wene wa botalatala, wa gore fote o ko dula a le gona go ya go yye.” (Pisalema 90:1, 2) Moporofeta Jesaya le yene o yitseri: “Anthe a o di tšibi? A wa di kwelela gale? Jehova, Yene wa gore o makiye dilo ka mokana ga tsona go segela mafelelong ya lefase, ke Modimo wa go ya go yye”! (Jesaya 40:28) Lengwalo la Juda le lona le re Modimo ke mo a le gona “go tlugisela ku nthago.”—Juda 25.

Mangwalo yane ma re šupetsa gore Modimo ke “Kgoši ya go ya go yye” ka mokgo Pawulo wa lepostola a mo hlatollang. (1 Thimothi 1:17) Tsotsone di ra gore Modimo ke botala a na a le gona, le mo o ka nagana wa boyela nthago go segela kaye. Yene o nyoko fo dula a le gona. (Kutullo 1:8) Taba ya gore o phela go ya go yye ke mong yona yo yi makang gore go be wa Matšhika ka Moka.

Ke ntaba di se lula go kwisisa taba yowa mara? Ka taba la gore a re tshwane le Jehova, lephelo la rune ke le le kopana fote a re balele nako go tshwana naye. Ka taba la gore Modimo o phela go ya go yye, gage sekete sa mengwaga se tshwana le letšatši ka lloši. (2 Petro 3:8) Mo re beyisa: Ayitsano tšiya ya gore yona yi phela gana hala ga 50 ya matšatši, yi ka di kwisisa gore rune re phela 70 kela 80 ya mengwaga? Le ka go nyana! Bhayibele yi hlatolla gore re fo ba ditšiya ga ye a makiyeng dilo ka moka. Menagano ya rune a yi segele ga yage. (Jesaya 40:22; 55:8, 9) Byalo a di makatse gore go na le tse dingwana ka Jehova tsa gore re ka sa di kwisisi.

A di lula go kwisisa taba ya gore Modimo o phela go ya go yye, mara di kwagala ka matla. Hala le gore Modimo o makiye ke motho ye mongwana, motho yene ne go nyoko ba yene a makiyeng dilo ka moka. Mara Bhayibele yi re Jehova “o makiye dilo ka mokana ga tsona.” (Kutullo 4:11) Go tokegela gana hone, re ya di tšiba tsa gore lefase le dilo ka mokana ga tsona ke mo di se šiyo mathomisong. (Genesi 1:1, 2) Di tšwa kaye? Ye a di makiyeng, ne di nyaka gore go be yene wa mathomo wa go phela. Fote ke mo a na a le gona le mo go soko ba le morwayi wage a ntoši le mangeloyi. (Jobo 38:4, 7; Makolosi 1:15) Di fo ba lekgwaying gore go thomisiye go fo ba yene a le ntoši. Yene aa ro makiwa, a go na selo sa gore a ka ba a makiye ke sona.

Taba ya gore rune re ya phela le ya gore go na le lefase le dilo ka mokana ga tsona, ya šupetsa gore go na le Modimo wa go ya go yye. Ke yene ye a makiyeng melawo ya go lawola lefase le ya go lawola dilo ka mokana ga tsona. Dilo ka mokana ga tsona tsa gore di ya phela di makiye ke yene.—Jobo 33:4.