Bibliamandaca ¿imatata yuyapangui?
-
Gentecunapa yuyailla escribishca libro cajta.
-
Llullacunatalla nij libro cajta.
-
¿Diospa Shimi cajtachu yuyapangui?
BIBLIACA NINMI
“Dios escribichishca tucui Shimicunaca paillata yarichishpa escribishcami” can nishpa. (2 Timoteo 3:16, Biblia en Quichua de Imbabura.)
BIBLIACA AYUDANMI
Ñucanchi causaipi minishtirishca tapuicunamanda yachachun (Proverbios 2:1-5).
Aliguta causachun (Salmo 119:105).
Jipa punllacunapi ima tucunata yachachun (Romanos 15:4).
¿IMAMANDATA BIBLIAPI CRINA CAPANCHI?
Quimsa yuyaicunata ricupashun:
-
Na pandarinllu. Bibliataca 40 jaricunami mil seiscientos huatacunapi escribishpa tucuchirca. Paicunaca shuj shuj tiempopi causashpapash shujlla yuyaitami escribirca.
-
Escribijcunaca imatapash na pacarcachu. Librocunata escribij gentecunaca paicunapa llacta guerracunapi mishai tucushcataca na villanllu. Cutin Bibliata escribij gentecunaca paicunallata imapi pandarishcata, paicunapa llactapash imapi pandarishcataca na pacashpami escribirca (2 Crónicas 36:15, 16; Salmo 51:1-4).
-
Bibliapi nishcacunaca tucuillami pactarin. Bibliaca 200 huatacuna faltajpillatami Babilonia llactaca tucuchi tucugrinmi nishpa villarca (Isaías 13:17-22). Ima shuti rey paicunata tucuchinatapashmi villarca (Isaías 45:1-3).
Bibliapi nishcacunaca ñami ashtacacuna pactarishca. Chaicunami ricuchin, Bibliaca Diospa Shimipacha cajta (2 Pedro 1:21).
TAPURIPAI
¿Imashinata Bibliaca ñucata ayudanga? nishpa.
Bibliapi ima nijta ricupai ISAÍAS 48:17, 18; 2 TIMOTEO 3:16, 17.
Cai temacunata ashtahuan liipai
BIBLIAPA TAPUICUNA
Bibliata aliguta intindingapaca ¿imatata rurana canchi?
Bibliapi ima yachachijtami quiquinllata yachajuita ushapangui.
BIBLIAPA TAPUICUNA
Profeciacunaca ¿imata can?
¿Tucui profeciacunachu jipacunapi ima pasanata ricuchin? Na, huaquingunaca jipacunaman ima pasanataca na ricuchinllu.
BIBLIAMANDA HUAQUIN YACHACHISHCACUNACA
Biblia cabalta nijushcataca ¿imamandata crita ushanchi?
Bibliataca Taita Diospachami escribichishca. Chaimandami Bibliaca na shuj librocunahuanga igual can.
ÑUCANCHIMANDA
¿Imamandata Bibliata yachajuna capanchi?
Mundo enteropi ashtaca gentecunami paicuna yachangapaj munashca tapuicunamanda Bibliapi yachajushca. Quiquinbash bibliamanda yachajungapaj munanguimanllu.
ÑUCANCHIMANDA
Quiquinda cayachun o visitachun mañapailla
Bibliapi imacunamandalla parlajta yachajupai. O testigo de Jehovacuna imashina cashcata yachajupai.
