“Paycunap llapa wïnincunacta Diosmi pichaycun’a; manañam can’añachu wañuypis, awćhuypis, wa’acuypis, nanaypis, nï ima llaquipis lluy punta cäcunaca camacäśhañamari [can’a]” (Apocalipsis 21:3, 4, Muśhü Limalicuy).

Ima lulayninchicpis wayun’am, ñatac cushicachimaśhunmi (Isaías 65:21-23).

Manañaćhá ñacaśhunchu ishyaycunawan (1 Corintios 15:26, 27; Apocalipsis 22:1, 2).

Nunamasinchiccunawan ayllunchiccunawanpis cushisha jawcay jawcayćhá yaćhacuśhun (Mateo 5:5; 25:46).

Aw, ishcayta yaćhaycuśhun:

• Diosninchic sumä callpayümi, limaśhancäta lulalun’am. Japallantam Bibliaca śhutichayan “sumä jatun munayniyu Tayta Dios” (Apocalipsis 16:7, Muśhü Limalicuy). Chaymá niyan enterun allpäta tuqui tuquiman allichaśha, nishancätapis lulalün’amá. Bibliaca niyanmi: “Nunacunapá caycuna mana atipänam. Diospämi ichá imapis atipäna” (Mateo 19:26, Muśhü Limalicuy).

• Dios’a sumätam munayan nishancäta lulaluyta. Jehová, allictam munayan wañucücunata cawsachimuyta (Juan 5:28).

  Niyantacmi, Jehoväpa chulin Jesuspis jampilam ishyäcunactapis. ¿Imapićha jampila? Munaśhan captin (Marcos 1:40, 41). Chaymi paypa imapis lulaśhanca, taytampa munaśhanmi, mana cäniyucunata yanapaycunanmi (Juan 5:19).

  Chaymi ya’anchiccunapis yaćhalpulunchic; Jehová, ñatac Jesuspis walaśhalun śhamü tiempucunäćhu: allin cawsananchictam munayalcan (Santiago 2:15; 2 Pedro 3:9, 13).