Τι τσσουβέν ο πο σημαντικά ανγκλάλ. «Τι αβέν σίγουροι ότι αγαβένα καλά ισί ο πο σημαντικά πράγματα», βακερέλα η Αγία Γραφή. (Φιλιππησίους 1:10) Τι κερέν εκ λίστα πραγματέντζαρ σο ισί σημαντικά ή σο πρέπει τι αβέν σουγκό. Τι ντεν-τουμέν γκοντί, όμως, ότι ο σημαντικά—σαρ για παράδειγμας, τι ψωνίνεν για τι κερέν χαμπέ ιράτ—μπέκιμ νανέ ανάγκη τι κερέν-λες σουγκό. Αλλά οντουλά-ντα σο ντικχίντιβενα ότι πρέπει τι κεράς-λεν σουγκό—σαρ για παράδειγμας τι ντικχάς αμαρό αγαπημέ σιναμάς κι τηλεόραση—μπέκιμ μα τι αβέν σημαντικά. a

Τι ντικχέν ανγκλάλ. «Άμα εκ σιδερένιος εργαλείος να τσσινέλα λατσσές ντα εκ τζενό να βερναρίνελα-λες, αζομάν βοβ κα τσσουβέλ πο μπουτ ζορ», βακερέλα ο εδάφιος Εκκλησιαστής 10:10, ντα συνεχίνελα: «Η σοφία όμως βοηθίνελα τι αβέλ επιτυχία». Σο σικλιάσα; Τι βερναρίνεν τουμαρέ εργαλεία, σαρ τι βακεράας, δηλαδή κερέν πο τζανγκλέ σχέδια για τι χρησιμοποιήνεν πο λατσσέ τροπόσαρ τουμαρό χρόνος. Μουκχέν ή μα κερέν πράγματα σο νανέ σημαντικά, σο χάνα τουμαρό σαάτι ντα τουμαρί ζορ. Κάνα κα τελειώνεν τουμαρέ μπουτιάταρ πο τζανγκλέ ντα ατσσόλα τουμένγκε χρόνος, ασταρέν τι κερέν κάτι σο ισινέ τι κερέν-λες πο σοράν. Αν κα ντικχέν ανγκλάλ, κα κερέν πο μπουτ πράγματα, σαρ εκ γκοντιαβέρ εργάτης σο βερναρίνελα πο εργαλεία.

Ατσσικιαρέν απλή τουμαρί ζωή. Σικλιόν τι βακερέν όχι πραγματέντε σο νανέ αζόμ σημαντικά ή σο χάνα τουμαρό χρόνος. Άμα κα πφερέν τουμαρό πρόγραμμας μπουτέ πραγματέντζαρ σο νανέ σημαντικά, ανταβά κα ανέλ τουμένγκε άγχος ντα κα λελ τουμαρί χαρά.

Μα μουκχέν γιαβινάκε οντουβά σο πρέπει τι κερέν αντιβές. «Οντουβά σο ντικχέλα ι μπαρμπάλ να κα φυτίνελ· ντα οντουβά σο ντικχέλα ο σύννεφα να κα τσσινέλ ο γκιβά». (Εκκλησιαστής 11:4) Σο σικλιάσα; Κάνα μουκχάσα γιαβινάκε ο πράγματα, χασαράσα αμαρό χρόνος ντα να κεράσα μπουτ πράγματα. Ο γεωργός σο μπεσέλα τι αβέν τέλεια ντιβεσά μπέκιμ μα τι φυτίνελ ντα μα τι γκίντελ ο γκιβ ποτές. Σαρ ο γεωργός, αντικάς αμέν-ντα μπέκιμ τι μουκχάσα ο ανησυχίες ι ζωγιάκε τι κερέν-αμέν μα τι κεράς πράγματα. Ή μπέκιμ τι πακιάσα ότι πρέπει τι σικλιάς ντιπ σαρέ ο πράγματα εκχέ θεμάσκε για τι λας εκ απόφαση. Σίγουρα, όμως, κάνα ισί τι λας σημαντικές αποφάσεις πρέπει τι ρόντας ντα τι σκεφτίνας λατσσές. «Ο τζενό σο ντικχέλα ανγκλάλ σκεφτίνελα λατσσές πο κάθε βήμας», βακερέλα ο εδάφιος Παροιμίες 14:15. Η αλήθεια ισί όμως ότι κο πο μπουτ αποφάσεις να τζανάσα σο κα αβέλ.—Εκκλησιαστής 11:6.

Μανγκάσα τι αβέν σαρέ τέλεια. «Η σοφία σο γουλίλα οπράλ [δηλαδή κατά Ντεβέλ] ισί . . . λογική», βακερέλα ο εδάφιος Ιακώβου 3:17. Σίγουρα, τι μανγκάς τι κεράς ο πράγματα μπουτ λατσσές αξίνελα ισαριπέ! Μερικές φορές, όμως, μπεσάσα αμένταρ τι κεράς σαρέ ο πράγματα αζόμ τελεία σο αμέν ανάσα αμαρέ νεαυτόστε ι στεναχώρια ντα ι αποτυχία. Για παράδειγμας, εκ τζενό σο σικλιόλα εκ γιαβέρ τσσιπ πρέπει τι αβέλ προετοιμασμέ ότι κα κερέλ λάθη, ντα τι αγαβέλ ότι κα σικλιόλ λένταρ. Ο τζενό, όμως σο μανγκέλα τι κερέλ-λεν σαρέ τέλεια, μπέκιμ τι ιζράλ κι σκέψη ότι κα βακερέλ κάτι λάθος—ανταβά κα τσσιναβέλ-λες τι τζαλ ανγκλάλ. Καζόμ πο λατσσό ισί τι αβάς λογικοί ντα τι κεράς οντουβά σο μπορίνασα! «Η σοφία ισί οντουλέντζαρ σο ισί μετριόφρονες», βακερέλα ο εδάφιος Παροιμίες 11:2. Επίσης ο τζενέ σο ισί μετριόφρονες ντα ταπεινοί να λένα μπουτ πουμαρό νεαυτός κο σοβαρά ντα μπουτ φαρ ασάνα κανά κερένα λάθη.

Τι κερέν μπουτί εμ τι διασκεδάνεν. «Πο λατσσές τι μπεσές χάνικ παρά τι κερές μπερεκέτι πφαρί μπουτί ντα τι κουλαντίνες ι μπαρμπάλ». (Εκκλησιαστής 4:6) Ο τζενό σο ισί κολλημέ πι μπουτιάσαρ κερέλα συνέχεια «μπερεκέτι πφαρί μπουτί». Να τθερέλα χρόνος ούτε ζορ. Κατά γιαβέρ μπάντα, ο τεμπέλης μπεϊντίνελα συνέχεια τι «μπεσέλ» ντα χασαρέλα μπουτ σημαντικός χρόνος. Η Γραφή βακερέλα αμένγκε εκ ισορροπημέ σκέψη: Τι κερέν πφαρί μπουτί ντα τι νακχέν σουκάρ οντουλένταρ σο λένα. Ανταγιά χαρά ισί «δώρος κατά Ντεβέλ».—Εκκλησιαστής 5:19.

Σοβέν λατσσές. «Κα ζαντίναβ ντα κα σοβάβ με ειρήνη», γραφιντάς εκ τζενό κι Γραφή. (Ψαλμός 4:8) Ο πο μπουτ μπαρέ τζενέ τθερένα ανάγκη τι σοβέν πασέ 8 σαάτια αντρέ κι ιράτ για τι αβέν ζουρανέ κο σώμας, τι τθερέν λατσσί ψυχολογία ντα καθαρή γκοντί. Ο σοϊπέ ισί μπουτ σημαντικός για τι τθεράς πο μπουτ χρόνος επειδή αμαρί γκοντί ισί πο συγκεντρωμέ, να μπιστράσα-αμέν ντα αντικάς ισί πο εύκολος τι σικλιάς νεβέ πράγματα. Κατά γιαβέρ μπάντα, κάνα χασαρέλα κάποιος πο σοϊπέ ναστί σικλιόλα νεβέ πράγματα, τθερέλα ατυχήματα, κερέλα μπουτ λάθη ντα τθερέλα νεύρα χωρίς λόγος.

Τι τσσουβέν στόχους σο μπορίνενα τι κερέν-λεν. Η Γραφή βακερέλα ότι πο λατσσές εκ τζενό τι αρακχέλ χαρά οντουλέσταρ σο ντικχέλα πι γιακχίντζαρ παρά τι τζαλ «εκ ακάρινγκ εκ οκόρινγκ» οντουλένταρ σο μανγκέλα. (Εκκλησιαστής 6:9) Ο γκοντιαβέρ τζενό να μουκχέλα τι κερέλ λέσκι ζωή κουμάντος οντουβά σο ντέλα λέσκο γκι, ειδικά κανά μανγκέλα κάτι σο να τθερέλα-λες ανάγκη ή σο να αβέλα-πες τι κερέλ-λες. Επίσης, να μουκχέλα πο νεαυτός τι χουχάντιβελ κατά διαφημίσεις ή κατά πράγματα σο μπορίνελα τι κινέλ εύκολα με δόσεις. Αλλά σικλιόλα τι αβέλ ευχαριστιμέ οντουλέντζαρ σο μπορίνελα τι κερέλ—οντουλέντζαρ σο ντικχένα λέσκε γιακχά.

Ντικχέν καλά ισί ο πράγματα σο τθερένα αξία τουμένγκε. Ο πράγματα σο τθερένα μπαγιά αξία τουμένγκε κα βοηθίνεν-τουμέν τι αγαβέν καλά πράγματα ισί λατσσέ, σημαντικά ντα αξίνενα. Άμα τουμαρί ζωή ισινέ εκ βέλος, ο πράγματα σο τθερένα αξία τουμένγκε κα γκερένας ανταβά βέλος κο στόχος. Αντικάς, ο σωστά πράγματα σο αξίνενα βοηθίνενα-αμέν τι τσσουβάς ο σωστά πράγματα ανγκλάλ αμαρέ ζωγιάτε ντα τι χρησιμοποιήνας αμαρό χρόνος ι πο λατσσέ τροπόσαρ κάθε σαάτι ντα κάθε ντιβές. Κάι κα αρακχάς ασακέ πράγματα σο αξίνενα ντα ισί σωστά; Μπουτ τζενέ αρακχένα-λεν κι Γραφή, επειδή αγαβένα ι σοφία σο τθερέλα.—Παροιμίες 2:6, 7.

Η αγάπη τι τθερέλ ι πο μπαρί αξία τουμένγκε. Η αγάπη «ενώνελα τέλεια ι τζενέν», βακερέλα ο εδάφιος Κολοσσαείς 3:14. Να μπορίνασα τι αβάς μπαγιά ευτυχισμέ ντα αρακχαντέ χωρίς αγάπη, ντα ατζέ πο μπουτ αντρέ κι φαμιλί. Οντουλά σο να αγαβένα-λες ανταβά ντα τσσουβένα πο οπρέ ο χουλανιπέ ή ι μπουτί, κι πραγματικότητα να κα αβέν ευτυχισμέ. Οτθάρ η Γραφή βακερέλα ότι η αγάπη τθερέλα ι πο μπαρί αξία ντα γραφίνελα-λες εκατοντάδες φαρ.—1 Κορινθίους 13:1-3· 1 Ιωάννη 4:8.

Τι τσσουβέν εκ συγκεκριμέ σαάτι ι πνευματικέ πραγματένγκε σο τθερένα-λεν ανάγκη. Ο Τζεφ τθερέλας εκχέ ρομνιά σο μανγκέλας-λες μπουτ, ντουέ ευτυχισμέ τσσαβέν, λατσσέ αμαλέν ντα κερέλας μπουτί εκχέ νοσοκομειόστε. Όμως, πι μπουτιάτε ντικχέλας συνέχεια ι ντουκχ σο νακχένας ο τζενέ ντα ο μεριπέ. Σκεφτίνελας: «Αντικάς πρέπει τι αβέλ η ζωή;» Αλλά εκ ντιβές διαβαντάς μερικά περιοδικά σο τθερένα ο Μάρτυρες ι Ιεχωβάσκε ντα λιντάς απαντήσεις σο ισινέ λογικές.

Ο Τζεφ βακερέλας ανταλά σο σικλιόλας πι ρομνιάτε ντα πι τσσαβέντε ντα βον μανγκλέ τι σικλιόν πο μπουτ. Σαρ φαμιλί αρχισάλε εκ πνευματικός ταξίδι σο κερέλας λένγκι ζωή πο λατσσί ντα βοηθίνελας-λεν τι χρησιμοποιήνεν πουμαρό χρόνος γκοντιάσαρ. Καζόμ διαβάνενας ι Γραφή τθερένας ι μπουτ σουκάρ ελπίδα τι τζουβντιόν για πάντα εκχέ ντουνιάστε σο να κα τθερέλας ντουκχ ντα βάσανα.—Αποκάλυψη 21:3, 4.

Ο παράδειγμας του Τζεφ ανέλα αμαρέ γκοντιάτε ακαλά λάφια σο βακερντάς ο Ιησούς Χριστός: «Ευτυχισμέ ισί οντουλά σο αγαβένα καζόμ μπαρί ανάγκη τθερένα ι Ντεβλές». (Ματθαίος 5:3) Μανγκένα τι ξεχωρίνεν σαάτι ι πνευματικέ πραγματένγκε σο τθερένα-λεν ανάγκη; Τι αβέν σίγουροι ότι τίποτα γιαβέρ να κα ντελ-τουμέν ι σοφία για τι χρησιμοποιήνεν λατσσές, όχι σάντε ο κάθε ντιβές, αλλά σαρί τουμαρί ζωή.