He ā te Kī mo he Kāiga Fiafia?
E mafaufau vēia koe . . .
-
ko te alofa?
-
ko nā tupe?
-
ko ni iētahi mea?
KUA TAKU MAI E TE TUHI PAIA
“Amutia la nā tino e fakalogo ki te kupu a te Atua, ma uhitaki ki ei!”—Luka 11:28, Ko Te Feagaiga Fou.
HE Ā TE AOGĀ MO KOE
Maua ai te alofa.—Efeho 5:28, 29.
Maua ai te fakaaloalo.—Efeho 5:33.
Maua ai te haogalēmū.—Maleko 10:6-9.
E MAFAI MONI KI TATOU KE TALITONU KI TE TUHI PAIA?
Io, e lua ia mafuaga:
-
Na kamata e te Atua te kāiga. E lea mai te Tuhi Paia ko nā kāiga uma e nofo kaitalafu ki a Ieova te Atua na: “maua ai . . . o lātou igoa.” (Efeho 3:14, 15) I he tahi fakakupuga, ko te kāiga na fai e Ieova. Aiheā lā e tāua ai?
Ke mātau lā: kāfai kua ke kaia he meakai malie ma e fia iloa e koe pe ko ni ā nā mea e fai ai te kuka, ko ai lā te fehili koe ki ei? Ko te tino na ia faia te meakai.
Tēia lā, ke maua he kāiga fiafia, e tatau ki tatou ke fehili atu ki a Ieova, ko Tē na kamata nā kāiga uma.—Kenehe 2:18-24.
-
E manatu mamafa ia Ieova ki a te koe. E popoto nā kāiga kāfai e hakilikili ki nā fautuaga mai ia Ieova, tēia e kaumai mai tana Kupu. Aiheā? Auā “e alofa ki a te koutou.” (1 Petelu 5:6, 7) E tāua koe ki a Ieova—ma ko ana fautuaga e aogā pea!—Fataoto 3:5, 6; Ihaia 48:17, 18.
KE MAFAUFAU KI EI
E kavea vēhea koe ma he tāne, he āvaga pe he mātua lelei?
E tali e te Tuhi Paia te fehili i te EFEHO 5:1, 2 ma te KOLOHE 3:18-21.
Manaia Foki Na Matakupu Ie Ia
KI MATOU
Talohaga he Ahiahiga mai Molimau a Ieova
Talanoa he matakupu fakate-Tuhi Paia ma Moilmau a Ieova, pe fakatakitaki he hukehukega fakate-Tuhi Paia e heai he totogi.
