He ā Hō Manatu ki te Tuhi Paia?
E tali vēhea koe . . .
-
ko he tuhi e i ei te poto o tagata?
-
ko he tuhi o tala ma kakai?
-
ko te Kupu a te Atua?
KUA TAKU MAI E TE TUHI PAIA
“Ko nā Tuhituhiga Paia uma e mai te Atua.”—2 Timoteo 3:16, Ko Te Feagaiga Fou.
HE Ā TE AOGĀ MO KOE
Ko ni tali mo ni fehili e hili te tāua mo te olaga.—Fataoto 2:1-5.
Ko ni takiala fakatuatuagia mo nā aho uma o te olaga.—Halamo 119:105.
Ko he fakamoemoe moni mo e lumanaki.—Loma 15:4.
E MAFAI MONI KI TATOU KE TALITONU KI TE TUHI PAIA?
Io, mo nā mafuaga e tolu iēnei:
-
E ofoofogia te ogatahi. Na tuhi te Tuhi Paia e ni tino kehekehe e toka 40 i he vaitaimi e hili atu ma te 1,600 tauhaga. Ko te tokalahiga o ki latou e heki fetaui. Kae, ko te tuhi kātoa e ogatahi, ma ko te manatu kautū lava e tahi!
-
Talafakaholopito e fakamaoni. E vave mumuni e nā tuhitala o nā talafakaholopito o te lalolagi te hē manumālō o latou fenua. Kae e kehe nā tuhitala o te Tuhi Paia, e fakamāoni, ko ki lātou na fakamaumau e ki latou o latou vaivaiga tōtino ma nā vaivaiga o te latou fenua.—2 Nofoaiga a Tupu 36:15, 16; Halamo 51:1-4.
-
Valoaga fakatuatuagia. Na valoia e te Tuhi Paia te fakaumatiaga o te kakai anamua ko Papelonia i te 200 tauhaga ka ko heki tupu. (Ihaia 13:17-22) Na fakaalia te auala na tokilalo ai ia Papelonia ma te igoa o te tino na ia fakatōkilalogia!—Ihaia 45:1-3.
E lahi iētahi valoaga mai te Tuhi Paia na fakataunuku e pa ki nā fakamatalaga taigole. Kae e tatau ke ki tatou fakatalitalia ma te mautinoa ki te Kupu a te Atua?—2 Petelu 1:21.
KE MAFAUFAU KI EI
E fakalelei vēhea e te Kupu o te Atua tō olaga?
E tali te Tuhi Paia te fehili i te IHAIA 48:17, 18 ma te 2 TIMOTEO 3:16, 17.
Manaia Foki Na Matakupu Ie Ia
ESSENTIAL BIBLE TEACHINGS
E Vehea Ona Tatou Mautinoa E Hako Katoatoa Te Tuhi Paia?
Kafai la ko te Tuhi Paia e mai te Atua, e tatau la ke hili atu na i lo he tahi tuhi.
KI MATOU
Talohaga he Ahiahiga mai Molimau a Ieova
Talanoa he matakupu fakate-Tuhi Paia ma Moilmau a Ieova, pe fakatakitaki he hukehukega fakate-Tuhi Paia e heai he totogi.
