Pe. Dulwa pe ngiyo filim, bukke, nyo wer wek kiket cik i kom gin ma ngat acel acel myero ogwokke kwede. Pingo?

Baibul cuko cwiny ngat acel acel me ‘pwonnye’ me poko gin maber ki gin marac.—Jo Ibru 5:14.

Ginacoya tye ki cik ma igi lac ma Lakricitayo twero tam iye ka en tye ka yero galowang. a Calo i kabedo ducu me kwowa, mitiwa tye me ‘medde ki timo gin ma yomo cwiny Lubanga.’—Jo Epeco 5:10.

Baibul pwonyo ni luwi odi gitye ki twero mo olo, pi meno gitwero kwero galowang mogo pi jo me ganggi. (1 Jo Korint 11:3; Jo Epeco 6:1-4) Mapat ki kwo me ot, pe tye ngat mo keken ma kimiye twero me keto kigeng i kom filim, wer, nyo lugo wer, ma Lucaden pa Jehovah weng myero gugwokke kwede.—Jo Galatia 6:5.