Laami Sanehi A He Mlaahi

•  Bu Kɛ Ha O Laami Sanehi

•  Nɔ Nɛ Kudɔ ɔ O He Sanehi Ngɛ Wa Wɛbsaiti ɔ Nɔ

•  Sanehi A He Piɛ Pomi Kɛ Laami Sanehi

•  Jokuɛwi

•  Wɛbsaiti Kpahi Nɛ A Yeɔ Bua Wɔ Kɛ Tsuɔ Sanehi A He Ní (Third-Party Vendors)

•  Tsakemihi Nɛ A Peeɔ Ngɛ Mlaa Nɛ Ɔmɛ A He

•  Active Scripting loo JavaScript

Moo Hyɛ Enɛ Ɔmɛ Hulɔ

• Yehowa Odasefohi A Mlaahi Nɛ Poɔ Nihi Ngɛ Je Kɛ Wɛ ɔ A Sanehi He Piɛ

• Bɔ Nɛ Waa Kɛ Nihi Ngɛ Je Kɛ Wɛ ɔ A He Sanehi Tsuɔ Ní Ha a He Mlaahi

• Mlaahi Nɛ Kɔɔ Cookies Kɛ Kɔmpiuta Blɔ Nɔ Tomi Kpahi A He Ngɛ Je Kɛ Wɛ

 E ji wa blɔ nya ní tsumi kaa wa maa je bumi kpo kɛ ha o laami sanehi nɛ waa po a he piɛ hulɔ. Mlaa nɛ ɔ tsɔɔ bɔ nɛ waa kɛ o he sanehi nɛ wa nine su nɔ aloo o kɛ ha wɔ ɔ ma tsu ní ha ngɛ wa wɛbsaiti ɔ nɔ. Ke o ya wa wɛbsaiti ɔ nɔ ɔ, waa kɛ o he sane komɛ toɔ nɛ wa poɔ he piɛ saminya, jehanɛ se hu ɔ, loko waa kɛ jamɛ a ní ɔmɛ ma tsu nɔ́ ko ɔ, wa ma ha mo lemi. Ke o suɔ ɔ, o ma nyɛ maa ngɔ o he sanehi kɛ ha wɔ. Munyu nɛ ji “o he sane” nɛ a kɛ tsu ní ngɛ blɔ tsɔɔmi nɛ ɔ mi ɔ ekomɛ ji, e-mail adrɛs, mailing adrɛs, tɛlifoo nɔma aloo o he sane kpa ko nɛ waa kɛ maa le o mi tso. E he hia we kaa o ngɔ o he sanehi kɛ ha wɔ loko o ma nyɛ maa ya wa wɛbsaiti ɔ nɔ hehi nɛ a pee kɛ ha ma bi ɔ. Munyu nɛ ji “wɛbsaiti ɔ” daa si kɛ ha wa wɛbsaiti nɛ ɔ kɛ wa wɛbsaiti kpahi nɛ wa kɛ tsuɔ ní, ekomɛ ji, apps.pr2711.com, ba.pr2711.com, stream.pr2711.com, kɛ wol.pr2711.com.

 Watchtower Bible and Tract Society of New York, Inc. ɔ nɔ́ ji intanɛti ní tsumi he nɛ ɔ (“Watchtower”). E ji ní tsumi he ko nɛ a to sisi ngɛ New York. A kɛ yi jua, mohu ɔ, e fĩɔ Yehowa Odasefohi a ní tsumi slɔɔtohi kɛ a Baiblo tsɔsemi ní tsumi ɔ se. Ke o suɔ nɛ o bli account, o ha yemi kɛ buami, o bi nɛ a kɛ mo nɛ ba kase Baiblo ɔ aloo o suɔ kaa o maa pee nɔ́ kpa ko nɛ maa hia nɛ o ngɔ o he sane ko kɛ ha a, e tsɔɔ kaa o kplɛɛ Mlaa nɛ ɔ nɔ, nɛ lɔ ɔ hu tsɔɔ kaa o kplɛɛ nɔ kaa wa ma nyɛ maa ngɔ o he sanehi kɛ to ngɛ wa servers nɛ ngɛ United States of America amɛ a nɔ, jehanɛ se hu ɔ, e tsɔɔ kaa o kplɛɛ nɔ kaa Watchtower kɛ a ní tsumi he kpahi nɛ yeɔ buaa Yehowa Odasefohi ngɛ ma slɔɔtohi a nɔ ɔ ma nyɛ maa ngɔ o he sanehi kɛ tsu o ní bimi ɔ he ní. A guɔ blɔ nya tomi slɔɔtohi ngɛ je kɛ wɛ ɔ a nɔ kɛ tsuɔ ní. A kɛ asafohi slɔɔtohi ngɛ je kɛ wɛ, ní tsumi he kɔnihi, kɛ Yehowa Odasefohi a ní tsumi he kpahi ngɛ je kɛ wɛ ɔ peeɔ kake kɛ tsuɔ sanehi a he piɛ pomi nɛ ɔ he ní.

Sane nɛ o kɛ maa fɔ wa wɛbsaiti ɔ nɔ ɔ lɛ maa tsɔɔ wa ní tsumi he nɛ ma tsu o sane ɔ he ní. Kaa nɔ hyɛmi nɔ ɔ, ke o ngɔ yemi kɛ buami ko kɛ ha wa ní tsumi he ko ngɛ ma pɔtɛɛ ko nɔ ɔ, o biɛ kɛ o he sane kpahi nɛ o kɛ ha benɛ o ngɔ yemi kɛ buami ɔ kɛ ha a ma ya je jamɛ a ní tsumi he ɔ. Aloo ke o bi nɛ a kɛ mo nɛ ba kase Baiblo ɔ, o biɛ kɛ o he sane kpahi ma ya je wa asafo ɔ ní tsumi kɔni kɛ Yehowa Odasefohi a we asafo nɛ ngɛ ma nɛ o ngɛ mi ɔ dɛ mi konɛ a tsu o ní bimi ɔ he ní.

Ke ma nɛ o ngɛ mi ɔ ngɛ mlaahi nɛ kɔɔ sanehi a he piɛ pomi he ɔ, lɛɛ o ma na wa ní tsumi kɔni ngɛ ma nɛ o ngɛ mi ɔ adrɛs ngɛ Sanehi A He Piɛ Pomi Adrɛs blɔ he ɔ.

 Wa naa o laami sanehi a he piɛ nɛ wa maa poɔ kaa hɛdɔ sane, enɛ ɔ he ɔ, wa kɛ fiɛ we kulaa. Wa ngɔɔ kɔmpiuta klamahi kɛ blɔ nɔ tomihi nɛ hi saminya kɛ poɔ o he sanehi a he piɛ bɔ nɛ pee nɛ nɔ ko nɛ e ko ná a he blɔ, e ko tsake hɛ mi, e ko puɛ lɛ aloo e ko laa lɛ. Loko wa kɛ o he sanehi ma ha Intanɛti ni tsumi he kpahi kɛ nihi nɛ yeɔ buaa wɔ kɛ tsuɔ o he sanehi a he ní ɔ, wa haa nɛ a leɔ kaa e ji o laami mi sane, bɔ nɛ pee nɛ a kɛ bu nɛ tsu he ní. O he sanehi nɛ o kɛ haa wɔ ɔ hiɔ wa dɛ kɛ ya siɔ be nɛ waa kɛ ma tsu yi mi tomi he je nɛ o kɛ ha wɔ ɔ he ní, aloo kɛ ya siɔ be nɛ mlaa maa ngmɛ blɔ.

Ke waa kɛ o he sanehi ngɛ mane ɔ, waa kɛ blɔ nɔ tomi komɛ kaa Transport Layer Security (TLS) tsuɔ ní kɛ poɔ he piɛ saminya. Waa kɛ kɔmpiutahi nɛ a to a he blɔ nya saminya a tsuɔ ní bɔ nɛ pee nɛ wa kɛ po sanehi nɛ wa nine suɔ nɔ ɔmɛ a he piɛ. Wa poɔ wa ní ɔmɛ a he piɛ saminya bɔ nɛ pee nɛ nɔ kpa ko nine nɛ ko su o he sanehi a nɔ.

 Ke o ji jokuɛ ngɛ ma nɛ o kɛ wa wɛbsaiti ɔ ngɛ ní tsue ngɛ mi ɔ mi, nɛ o suɔ kaa o kɛ o he sanehi ma ha ngɛ wɛbsaiti ɔ nɔ ɔ, lɛɛ e sa nɛ o fɔli aloo nihi nɛ a ngɛ o nɔ hyɛ ɔ nɛ a ha mo he blɔ kekle loko o pee jã. Jehanɛ ɔ se hu ɔ, ke o ji fɔlɔ aloo o ngɛ jokuɛ ko nɔ hyɛe nɛ o ha lɛ he blɔ kaa e ngɔ e he sanehi kɛ fɔ wa wɛbsaiti ɔ nɔ ɔ, lɛɛ lɔ ɔ tsɔɔ kaa o kplɛɛ Mlaa nɛ ɔmɛ a nɔ ngɛ jokuɛ ɔ nane mi.

 Be komɛ ɔ, wa wɛbsaiti ɔ kɛ mo maa ya wɛbsaiti kpahi nɛ yeɔ bua wɔ kɛ tsuɔ sanehi a he ní nɛ a tsɛɛ ke third-party vendors ɔ nɔ (kaa nɔ hyɛmi nɔ́ ɔ, ke o ngɛ womi ko nɔ ní ngmae ngɛ Intanɛti ɔ nɔ.) Nɔ́ nɛ ma ha nɛ o maa le kaa o ngɛ third-party vendors wɛbsaiti ɔ nɔ ji kaa a we adrɛs bar kɛ bɔ nɛ a to a níhi a he blɔ nya ha a maa je ekpa ngɛ wa nɔ ɔ he. Loko wa maa hla third-party vendor ko ɔ, wa hyɛɛ kaa e laami sanehi a he mlaahi kɛ bɔ nɛ e kɛ nihi a he sanehi tsuɔ ní ha a kɛ wa nɔ́ ɔ kɔ lo. Se kɛ̃ ɔ, wa be third-party vendors nɛ ɔmɛ a intanɛti nɔ blɔ nɔ tomi komɛ kɛ bɔ nɛ a kɛ tsuɔ ní ha, kɛ a he mlaahi a nɔ he wami. Enɛ ɔ he ɔ, third-party vendors nɛ ɔmɛ a mlaahi kɛ a laami sanehi lɛ kudɔɔ a intanɛti blɔ nɔ tomihi slɔɔtohi nɛ a kɛ ngɛ ní tsue amlɔ nɛ ɔ ngɛ wa wɛbsaiti ɔ nɔ. Jehanɛ ɔ se hu ɔ, ke a pee tsakemi komɛ ngɛ a intanɛti blɔ nɔ tomi nɛ ɔmɛ a he ɔ, wa be lee, lɔ ɔ he ɔ, loko o kɛ third-party vendor blɔ nɔ tomi ko ma tsu ní ɔ, wa kpa mo pɛɛ nɛ o kane a he mlaahi tsuo. Ke o ngɛ sane bimi ko ngɛ mlaahi nɛ third-party vendor ko kɛ tsuɔ ní ɔ he ɔ, wa kpa mo pɛɛ nɛ o ya hyɛ mlaahi nɛ ngɛ a intanɛti ní tsumi he ɔ nɔ.

Google Laami Sanehi A He Mlaahi lɛ kudɔɔ Google Maps service nɛ o kɛ ma tsu ní ngɛ wa wɛbsaiti nɛ ɔ nɔ. Google ji wɛbsaiti ekpa nɛ yeɔ bua wɔ kɛ tsuɔ sanehi a he ní (third-party vendor), lɔ ɔ he ɔ, wa be a intanɛti nɔ blɔ nɔ tomihi, bɔ nɛ a tsuɔ ní ha, kɛ E He Mlaahi a nɔ he wami. Enɛ ɔ he ɔ, Mlaahi Nɛ Kɔɔ Google Maps/Google Earth He amlɔ nɛ ɔ nɔuu lɛ Google Maps Service ngɛ wa wɛbsaiti ɔ nɔ ɔ hu kɛ tsuɔ ní. Ke a pee tsakemi komɛ ngɛ a Intanɛti blɔ nɔ tomi nɛ ɔ he ɔ, wa be lee, lɔ ɔ he ɔ, loko o kɛ Google Maps blɔ nɔ tomi ɔ ma tsu ní ɔ, wa kpa mo pɛɛ nɛ o kane e he mlaahi tsuo. Ke o kplɛɛ we a mlaa amɛ a nɔ ɔ, lɛɛ koo ngɔ Google Maps Service ɔ kɛ tsu ní.

 Bɔ nɛ pee nɛ wa wɛbsaiti ɔ nɛ e tsu ní saminya he je ɔ, wa ngɔɔ ní hehi kɛ kɔmpiuta blɔ nɔ tomi ehehi kɛ fɔɔ nɔ nɛ wa yaa nɔ nɛ wa tsake ɔ níhi nɛ a ngɛ wɛbsaiti ɔ nɔ ɔ hu a hɛ mi. Tsakemi nɛ ɔmɛ kɛ tsakemihi nɛ a peeɔ ngɛ mlaahi kɛ kɔmpiuta blɔ nɔ tomihi a mi ɔ ma ha nɛ bɔ nɛ wa tsuɔ sanehi a he ní ha a hɛ mi maa hi tsakee. Ke waa pee tsakemi ko ngɛ wa Mlaa amɛ a he ɔ, wa maa ngɔ e he amaniɛ bɔmi kɛ fɔ wɛbsaiti ɔ nɔ, bɔ nɛ pee nɛ be fɛɛ be ɔ, o le sanehi nɛ wa ngɛ hlae, kɛ bɔ nɛ waa kɛ ma tsu ní ha.

 Waa kɛ blɔ nɔ tomi nɛ ɔ tsuɔ ní bɔ nɛ pee nɛ wa wɛbsaiti ɔ nɛ e tsu ní saminya. Scritpting blɔ nɔ tomi ɔ yeɔ bua nɛ o nine suɔ nɔ́ nɛ o ngɛ hlae ngɛ wɛbsaiti ɔ nɔ ɔ nɔ mla. Waa kɛ scritpting ɔ tsu we ní kɛ ngɔ intanɛti blɔ nɔ tomi kpa ko kɛ fɔ o kɔmpiuta a nɔ, jã kɛ̃ nɛ waa kɛ tsu we ní kɛ hla o he sanehi be mi nɛ o ngmɛ́ wɔ blɔ.

Ja Active Scripting loo JavaScript ngɛ ní tsue ngɛ o browser a nɔ saminya loko wa wɛbsaiti ɔ nɔ hehi komɛ ma nyɛ ma tsu ní bɔ nɛ sa. Browser komɛ ngmɛɔ blɔ nɛ o kɛ Active Scripting aloo JavaScript tsuɔ ní ngɛ wɛbsaiti pɔtɛɛ komɛ a nɔ, ekomɛ hu ngmɛ́ blɔ. Moo kane o browser he blɔ tsɔɔmi nɛ kɔɔ bɔ nɛ o maa ngmɛ scritpting blɔ ngɛ wɛbsaiti pɔtɛɛ komɛ a nɔ ɔ he ní.