Tsui
Kɛ wa plɛ kɛ le kaa ke Baiblo ɔ kɛ tsui ɔ tsu ní ɔ, e daa si kɛ ha nɔmlɔ tutuutu nɛ wa ji, nɛ́ wa susumihi, suhi, nɔ́ he je nɛ wa peeɔ ní komɛ, kɛ wa he numihi hu piɛɛ he ɔ ha kɛɛ?
La 49:3; Abɛ 16:9; Luk 5:22; Nít 2:26
Moo hyɛ 5Mo 15:7; La 19:8 ɔ hulɔ
-
Baiblo mi nɔ hyɛmi nɔ́ nɛ maa ye bua wɔ:
-
Luk 9:46-48—Yesu dla e kaseli ɔmɛ a juɛmi benɛ e ná le kaa a ngɛ susue ngɛ a tsui mi kaa a suɔ nɛ a pee nɔmlɔ ngua a
-
Mɛni he je nɛ e he hia kaa wa maa po wa tsui he piɛ ɔ?
-
Baiblo mi nɔ hyɛmi níhi nɛ maa ye bua wɔ:
-
1Mo 6:5-7—Ní yayamihi nɛ hyi adesahi a tsui mi tɔ ɔ, ha nɛ basabasa peemi ba pɔ he ngɛ je ɔ mi, nɛ lɔ ɔ ha nɛ Mawu kɛ Nyu Kpekpemi ba ha zugba a nɔ
-
1Ma 11:1-10—Matsɛ Salomo pui e tsui ɔ he piɛ, nɛ e ya ngɔ ma se yihi, nɛ yi nɛ ɔmɛ kudɔ e tsui kɛ je Yehowa he
-
Mak 7:18-23—Yesu tsɔɔ nya kaa nɔ́ nɛ ngɛ adesa tsui mi ɔ, ji nɔ́ nɛ bleɔ lɛ ngɛ Mawu hɛ mi
-
Mɛni wa maa pee kɛ po wa tsui ɔ he piɛ?
La 19:14; Abɛ 3:3-6; Luk 21:34; Flp 4:8
Moo hyɛ Ezr 7:8-10; La 119:11 ɔ hulɔ
-
Baiblo mi nɔ hyɛmi nɔ́ nɛ maa ye bua wɔ:
-
Efe 6:14-18; 1Tɛ 5:8 —Benɛ Bɔfo Paulo ngɛ ta hwumi níhi nɛ je Mawu ngɔ ɔ he munyu tue ɔ, e tsɔɔ nya kaa dami ní peemi, hemi kɛ yemi kɛ suɔmi ma nyɛ maa po wa foni peemi tsui ɔ he piɛ, kaa bɔ nɛ gugue nɔ dama po ɔ tsui ɔ he piɛ ɔ
-
Kɛ wa ma plɛ kɛ le kaa tɔ̃tɔ̃mi ko ba wa foni peemi tsui ɔ he ha kɛɛ?
Moo hyɛ Abɛ 6:12-14 ɔ hulɔ
-
Baiblo mi nɔ hyɛmi níhi nɛ maa ye bua wɔ:
-
2Kr 25:1, 2, 17-27—Matsɛ Amazia pee nɔ́ nɛ da ngɛ Mawu hɛ mi, se pi kɛ e tsui tsuo, e wo e he nɔ, e gbo Mawu nɔ tue nɛ e na mi nɔ́
-
Mat 7:17-20—Yesu tsɔɔ kaa tso yaya a, woɔ yiblii yaya, jã a kɛ̃ nɛ ke wa hɛɛ tsui yaya a, wa maa pee níhi nɛ dɛ blɔ
-
Mɛni he je nɛ e sa nɛ wa ná tsui kpakpa a, nɛ kɛ wa ma plɛ kɛ pee jã ha kɛɛ?
Moo hyɛ La 119:97, 104; Ro 12:9-16; 1Ti 1:5 ɔ hulɔ
-
Baiblo mi nɔ hyɛmi níhi nɛ maa ye bua wɔ:
-
2Ma 20:1-6—Matsɛ Hezekia kɛ anɔkuale yemi sɔmɔ Yehowa nɛ benɛ e nu hiɔ nɛ e miɔ nɛ e ma gbo ɔ, e sɔle nɛ e kpa Yehowa pɛɛ konɛ e ye bua lɛ
-
Mat 21:28-32—Yesu ngɔ nɔ́ he tomi nɔ́ ko kɛ tsɔɔ kaa, nɔ ko ní peepee nɛ a kɛ leɔ e tsui mi susumihi se pi nɔ́ nɛ e ma de kɛ e nya
-
Mɛni he je nɛ lemi nɛ wa ba le kaa Yehowa hyɛɛ wa tsui mi ɔ, woɔ wa bua a?
1Kr 28:9; Yer 17:10
Moo hyɛ 1Sa 2:3 ɔ hulɔ
-
Baiblo mi nɔ hyɛmi níhi nɛ maa ye bua wɔ:
-
1Sa 16:1-13—Gbalɔ Samuel ba na kaa Yehowa hyɛ we nɔ hɛ mi, mohu ɔ, bɔ nɛ nɔ ko ngɛ ha ngɛ e tsui mi nɛ e hyɛɛ
-
2Kr 6:28-31—Sɔlemi nɛ Matsɛ Salomo sɔle ngɛ Yehowa sɔlemi we ɔ nɔ jɔɔmi sisi ɔ, tsɔɔ kaa Yehowa naa nɔ́ nɛ yaa nɔ ngɛ wa tsui mi nɛ e daa lɔ ɔ nɔ kɛ yeɔ bua wɔ
-
Eko ɔ, O Bua Maa Jɔ Enɛ ɔ Hu He
HWƆƆMI MƆ
Moo Hyɛ Saminya Ngɛ Níhi Nɛ Ngɛ O Tsui Mi ɔ He
Eko ɔ, ja wa tɔMawu mlaa a nɔ loko wa leɔ kaa wa tsui nɛ sisi wɔ. Mɛni ma nyɛ maa ye bua wɔ konɛ wa yɔse níhi nɛ ngɛ wa tsui ɔ mi?
YESU JI BLƆ Ɔ, ANƆKUALE Ɔ, KƐ WAMI Ɔ
Mɛnɔ Ji Nɔmlɔ Ngua Pe Kulaa Ngɛ Kaseli Ɔmɛ A Kpɛti
Bɔfo ɔmɛ a hɛ je nɔ́ nɛ Yesu tsɔɔ mɛ jamɛ a gbɔkuɛ ɔ nɔuu ɔ nɔ.
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.
