Ní peemi ɔ ma he ngmlɛfia enyɛmɛ?

E ma he maa pee ngmlɛfia kake.

Jije ní peemi nɛ ɔ maa ya nɔ ngɛ?

Mo bi Yehowa Odasefo ɔmɛ nɛ a tsɔɔ mo he nɛ a maa pee ngɛ ngɛ o kpɔ ɔ mi.

Anɛ e sa nɛ ma wo sika ko loko ma nyɛ ma ya ní peemi nɛ ɔ eko lo?

Dɛbi.

Anɛ a ma tsu sika ngɛ ní peemi ɔ sisi lo?

Dɛbi.

Anɛ he dlami pɔtɛɛ ko ngɛ nɛ e sa kaa ma kɛ ba ní peemi ɔ sisi lo?

E ngɛ mi kaa a wui mlaa ngɛ he dlami pɔtɛɛ nɛ e sa kaa a kɛ ya ní peemi ɔ sisi ɔ he mohu lɛɛ, se Yehowa Odasefohi bɔɔ mɔde kaa a kɛ Baiblo ga womi nɛ tsɔɔ kaa waa kɛ humi peemi kɛ bumi nɛ dla wa he ɔ tsuɔ ní. (1 Timoteo 2:9) E he hia we nɛ o wo tade nɛ he jua wa tsɔ aloo tade nɛ ngɛ kɛ̃tsɛ̃ɛ.

Mɛni maa ya nɔ ngɛ Kaimi ɔ sisi?

A laa kɛ jeɔ sisi, nɛ Yehowa Odasefo ɔmɛ a kpɛti nɔ kake sɔleɔ, nɛ a peeɔ jã hu kɛ kpaa. A daa Baiblo ɔ nɔ kɛ tuɔ munyu nɛ tsɔɔ wɔ bɔ nɛ Yesu gbenɔ ɔ he hia ha, kɛ bɔ nɛ wa ma ná nɔ́ nɛ Mawu kɛ Kristo pee kɛ ha wɔ ɔ he se ha.

Ke o ngɛ hlae nɛ o le babauu ɔ, hyɛ munyu nɛ ji “Mɛni He Je Nɛ Bɔ Nɛ Yehowa Odasefohi Yeɔ Nyɔmtsɛ ɔ Gbɔkuɛ Niye Ní ɔ Ha a Je Ekpa Ngɛ Bɔ Nɛ Jami Kpahi Peeɔ Lɛ Ha a He ɔ?”

Mɛni be nɛ a maa ye jehahi nɛ maa ba a Kaimi ɔ?

2025: Hɔ, April 12

2026: So, April 2