Psalms 85:1-13
Vir die musiekleier. Van die seuns van Korag.+ ’n Melodie.
85 U was goed vir u land, o Jehovah.+
U het dié van Jakob wat gevange geneem is, teruggebring.+
2 U het die oortreding van u volk vergewe.
U het al hulle sondes vergewe.*+ (Sela)
3 U het al u woede teruggehou.
U het van u gloeiende woede af weggedraai.+
4 Laat ons weer u goedkeuring geniet,* o God van ons redding,en laat vaar u woede teen ons.+
5 Sal u vir ewig vir ons kwaad wees?+
Sal u u woede van geslag tot geslag laat aanhou?
6 Sal u ons nie weer nuwe krag gee,sodat u volk vreugde in u kan vind nie?+
7 Betoon u lojale liefde aan ons, o Jehovah,+en red ons.
8 Ek sal luister na wat die ware God, Jehovah, sê,want hy sal oor vrede praat met sy volk+ en sy lojales,maar laat hulle tog nie weer te veel selfvertroue kry nie.+
9 Sy redding is beslis naby dié wat hom vrees,+sodat sy heerlikheid in ons land kan woon.
10 Lojale liefde en getrouheid sal ontmoet.
Regverdigheid en vrede sal mekaar soen.+
11 Getrouheid sal uit die aarde spruit,en regverdigheid sal uit die hemel afkyk.+
12 Ja, Jehovah sal gee wat goed is,*+en ons land sal sy opbrengs lewer.+
13 Regverdigheid sal voor hom uit gaan+en ’n pad vir sy voetstappe maak.
