Spreuke 30:1-33
30 Die woorde van Agur, die seun van Jake. Die belangrike boodskap wat hy aan Iʹtiël, aan Iʹtiël en Ugal, oorgedra het.
2 Ek is dommer as enigiemand anders,+en ek het nie die insig wat ’n mens moet hê nie.
3 Ek het nie wysheid geleer nie,en ek het nie die kennis van die Allerheiligste nie.
4 Wie het na die hemel opgevaar en toe neergedaal?+
Wie het die wind in die palms van sy hande versamel?
Wie het die waters in sy kleed toegedraai?+
Wie het al die eindes van die aarde vasgestel?+
Wat is sy naam en die naam van sy seun – weet jy dalk?
5 Elke woord van God is suiwer.+
Hy is ’n skild vir dié wat beskerming by hom soek.+
6 Moet niks by sy woorde voeg nie,+anders sal hy jou teregwys,en dit sal duidelik wees dat jy ’n leuenaar is.
7 Ek vra dat u hierdie twee dingevir my doen solank as wat ek lewe:
8 Verwyder valsheid en leuens ver van my af.+
Moenie vir my rykdom of armoede gee nie.
Gee my net die kos wat ek nodig het,+
9 sodat ek nie te veel het en ontrou word aan u en sê: “Wie is Jehovah?” nie.+
Laat my ook nie arm word en steel en skande oor die naam van my God bring nie.
10 Moenie ’n kneg vals beskuldig* by sy meester nie,anders sal hy jou vervloek en jy sal skuldig bevind word.+
11 Daar is mense* wat hulle pa vervloeken wat hulle ma nie seën nie.+
12 Daar is mense* wat rein is in hulle eie oë,+maar hulle vuilheid* is nie van hulle afgewas nie.
13 Daar is mense* wat baie hoogmoedig isen wie se oë vol trots is!+
14 Daar is mense* wie se tande swaarde isen wie se kakebene slagmesse is.
Hulle verslind die hulpeloses van die aardeen die armes onder die mensdom.+
15 Die bloedsuiers het twee dogters wat roep: “Gee! Gee!”
Daar is drie dinge wat nie versadig raak nie,vier wat nooit sê: “Genoeg!” nie:
16 Die Graf*+ en ’n onvrugbare baarmoeder,’n land wat nie water kry nie
en vuur wat nooit sê: “Genoeg!” nie.
17 Die oog van die een wat sy pa bespot en wat ongehoorsaam is aan sy ma,+sal deur die kraaie van die vallei* uitgepik worden deur die jong arende opgeëet word.+
18 Daar is drie dinge wat ek nie kan begryp nie
en vier wat ek nie verstaan nie:
19 Hoe ’n arend in die lug vlieg,hoe ’n slang oor ’n rots seil,hoe ’n skip op die oop see seilen hoe ’n man hom by ’n jong vrou gedra.
20 ’n Vrou wat egbreuk pleeg, tree soos volg op:
Sy eet, sy vee haar mond af,en dan sê sy: “Ek het niks verkeerds gedoen nie.”+
21 Daar is drie dinge wat die aarde laat skuden vier dinge wat dit nie kan verdra nie:
22 Wanneer ’n slaaf as koning regeer,+wanneer ’n dwaas te veel kos het om te eet,
23 wanneer ’n vrou wat gehaat word,* as vrou geneem word,en wanneer ’n diensmeisie die plek van haar meesteres inneem.+
24 Daar is vier dinge op die aarde wat klein is,maar hulle is instinktief* wys:+
25 Miere is nie sterk nie,en tog bêre hulle hulle kos in die somer.+
26 Klipdassies+ is nie magtig nie,en tog maak hulle hulle huis in die kranse.+
27 Sprinkane+ het geen koning nie,en tog beweeg hulle as ’n georganiseerde groep.+
28 Die geitjie+ klou met sy pootjies vas,en hy gaan in die paleis van ’n koning in.
29 Daar is drie lewende dinge, ja vier,wat indrukwekkend lyk wanneer hulle beweeg:
30 Die leeu, wat die magtigste onder die diere is
en wat vir niemand vlug nie,+
31 die windhond, die bokramen ’n koning wie se leërmag by hom is.
32 As jy so dwaas was om jouself te verheerlik+of as jy beplan het om dit te doen,moet jy jou hand oor jou mond sit.+
33 Want as jy melk karring, kry jy botter,as jy iemand op die neus slaan, loop die bloed,en as jy iemand kwaad maak, lei dit tot stryery.+
Voetnote
^ Of “belaster”.
^ Lett. “’n geslag”.
^ Lett. “’n geslag”.
^ Lett. “ontlasting”.
^ Lett. “’n geslag”.
^ Lett. “’n geslag”.
^ Of “wat nie geliefd is nie”.
^ Of “besonder”.
