Јок. Агару Бичикле болзо, јӱк ле Кудайга мӱргӱӱр керек, јӱк ле Иисус Христос ажыра. Иисус бойыныҥ ӱренчиктерине айткан: «Мынайып мӱргигер: Теҥеридеги Адабыс! Адыҥ Сениҥ агарулалзын» (Матфей 6:9). Ол, Кудайдаҥ ӧскӧ кемге де, агаруларга да ангелдерге де мӱргӱзин деп качан да ӱретпеген.

 Иисус анайда ок ӱренчиктерине мынайда айткан: «Мен — јол, чындык ла јӱрӱм. Мен ажыра келбегенче, Адага кем де келип болбос» (Иоанн 14:6). Кудайдыҥ табыла болзо, улус Кудайга јӱк ле Иисус ажыра бажырар аргалу (Еврейлерге 7:25).

Кудайга да, агаруларга да мӱргӱӱрге јараар ба?

 Кудай Моисей ажыра берген Он јасактыҥ бирӱзинде мынайып айткан: «Мен Кайракан, Сениҥ Кудайыҥ, кӱнӱркек Кудай» (Чыгыш 20:5, Синод кӧчӱриш). «Кӱнӱркек Кудай» дегенин канайып оҥдоор? Лопухинныҥ «Толковый Библия» деген бичигинде бу ӱлгерге мындый јартамал бар: «Кудай улусты јӱк ле ого бажырар учурлу эдип јайаган. Качан улус Кудайга эмес, ӧскӧ кемге-кемге бажырза, ого коркышту тыҥ јарабай јат, ӧскӧртӧ айтса ол кӱнӱркеп јат». Кудай бисти јӱк ле ого бажырзын деп некейт, айдарда мӱргӱзеес те, бис јӱк ле ого мӱргӱӱр учурлу (Исайя 48:11).

 Бу некелтени бӱдӱрбей, ангелдерге ле агаруларга мӱргӱзеес, бис Кудайды бир де тообой турганысты кӧргӱзедис. Бу дезе апостол Иоанныҥ теминеҥ кӧрӱнет. Иоанн ангелге бажырарга јадарда, ангел оны токтодып, айткан: «Јок, онойтпо. Мен сеге ле Иисустыҥ керези бар карындаштарыҥа андый ла кул. Кудайга бажыр!» (Ачылта 19:10).