Кӧп улус серкпелерге барбай токтоп калат, нениҥ учун дезе олор ондо кӧгӱс башкарту ла токунал албайдылар. Андый болзо, Иегованыҥ Керечилериниҥ туштажуларына нениҥ учун јӱрер керек?

Јалакай ла јакшы улусла куучындажадыс. Баштапкы чакта христиандарды јуундар тӧзӧп бириктирген. Олор христиан туштажуларда Кудайга кожо бажырып, Агару Бичимелди кожо ӱренип, бой-бойын кӧкӱдер аргалу болгон (Еврейлерге 10:24, 25). Олордыҥ туштажуларында сӱӱштӱ карындаштык колбулар ла чындык најылар болгон (2 Фессалоникадагыларга 1:3; Иоанныҥ 3-чи самаразы 14). Бис олордоҥ тем алып, андый ла сӱӱнчи аладыс.

Агару Бичиктеги принциптерди тузаланарга ӱренедис. Озогы ӧйлӧрдӧ эр ле ӱй улус, анайда ок балдар Кудай керегинде билгир аларга кожо јуулыжатан деп Агару Бичикте айдылат. Бис мынаҥ тем аладыс. Ченемелдӱ ӱредӱчилер бистерге принциптерди канайып тузаланар деп, оҥдоорго болужат (Јаҥды такыганы 31:12; Неемия 8:8). Кӱӱнзеген улус Агару Бичикти шӱӱжерине ле кожоҥ кожоҥдоорына туружар аргалу. Бу «бистиҥ ижемјибис керегинде бастыра албатыга јарлайтан» сӱреен јакшы арга (Еврейлерге 10:23).

Бойыстыҥ бӱдӱп турганысты тыҥыдадыс. Элчи Павел: «... слерди кӧрӱксип јадым... ортогордо болзом, бӱдӱп турганыс ажыра бой-бойыстаҥ кӧкӱдӱ аларыс, слер менеҥ, мен слердеҥ аларым» — деп, јуундардыҥ бирӱзине бичиген (Римдегилерге 1:11, 12). Ака-эјелерле јаантайын куучындашканы бистиҥ бӱдӱп турганысты тыҥыдарга ла Кудайдыҥ јасактарыла јӱрерге алаҥзыбаска болужат.

Слерди бистиҥ јуунныҥ келер туштажузына келип, ончо немени бойыгардыҥ кӧзигерле кӧрӱгер деп, акту јӱрегистеҥ кычырып турубыс. Јуундагы улус слердиҥ келгенигерге сӱӱнер. Туштажуларга келген улус акча тӧлӧбӧй јат, ондо кандый да акча јуубайдылар.

• Иегованыҥ Керечилери туштажуларын ӧткӱрерге кемдердеҥ тем алат?

• Христиан туштажуларга нениҥ учун јӱрер керек?