Эйе. Бис христиандар деп аданып турганыстыҥ кезик шылтактары:

•   Бис Иисус Христостыҥ ӱредӱлериле, темиле јӱрерге албаданадыс (1 Петр 2:21).

•   Бис јӱк ле Иисустыҥ болужыла аргаданар арга бар деп ле «улуска аргаданарга берилген ӧскӧ кемниҥ де ады-јолы теҥери алдында јок» деп бӱдедис (Апостолдордыҥ ижи 4:12).

•   Улус Иегованыҥ Керечилери болуп јатса, Иисус Христостыҥ адынаҥ сууга чӧҥӱрилет (Матфей 28:18, 19).

•   Бис Иисустыҥ ады ажыра мӱргӱйдис (Иоанн 15:16).

•   Бис Христос — Башчы болот деп бӱдедис. Ого ончо улуска јаҥ берилген (1 Коринфтегилерге 11:3).

Је бис христиандар деп аданып турган ӧскӧ кудай јаҥдардаҥ башка болодыс. Темдектезе, бис, Иисус, Агару Бичикле болзо,— Кудайдыҥ Уулы деп бӱдедис, је Ӱчӱликтиҥ (Троицаныҥ) бӧлӱги деп эмес (Матфей 16:16; Марк 12:29). Бис кижиде ӧлбӧйтӧн сӱне бар деп, Кудай улусты чактарга ӧчпӧс отко кыйнап турганыныҥ библиялык тӧзӧлгӧзи бар деп, анайда ок кудай јаҥныҥ башчыларында олорды ӧскӧлӧринеҥ бийик эдип турган титулдар болор керек деп бӱтпей јадыс (Јарлыкчы 9:5; Иезекииль 18:4; Матфей 23:8—10).