መዝሙር 130:1-8
ወደ ላይ የመውጣት መዝሙር።
130 ይሖዋ ሆይ፣ ከጥልቅ ውስጥ አንተን እጣራለሁ።+
2 ይሖዋ ሆይ፣ ድምፄን ስማ።
ጆሮዎችህ እርዳታ ለማግኘት የማቀርበውን ልመና በትኩረት ያዳምጡ።
3 ያህ* ሆይ፣ አንተ ስህተትን የምትከታተል* ቢሆን ኖሮ፣ይሖዋ ሆይ፣ ማን ሊቆም ይችል ነበር?+
4 በአንተ ዘንድ በእርግጥ ይቅርታ አለና፤+ይህም ሰዎች አንተን እንዲፈሩ* ያደርጋል።+
5 ይሖዋን ተስፋ አደርጋለሁ፤ ሁለንተናዬ በእሱ ተስፋ ያደርጋል፤*ቃሉን በትዕግሥት እጠብቃለሁ።
6 ንጋትን ከሚጠባበቁ፣አዎ፣ ንጋትን ከሚጠባበቁ ጠባቂዎች ይበልጥይሖዋን በጉጉት እጠባበቃለሁ።*+
7 እስራኤል ይሖዋን በትዕግሥት ይጠባበቅ፤ይሖዋ በፍቅሩ ታማኝ ነውና፤+ሕዝቡንም ለመዋጀት ታላቅ ኃይል አለው።
8 እስራኤልን ከበደላቸው ሁሉ ይዋጃል።
የግርጌ ማስታወሻዎች
^ “ያህ” የይሖዋ ስም አጭር መጠሪያ ነው።
^ ወይም “በትኩረት የምትመለከት።”
^ ወይም “ለአንተ አክብሮታዊ ፍርሃት እንዲያድርባቸው።”
^ ወይም “ነፍሴ በእሱ ተስፋ ታደርጋለች።”
^ ወይም “ነፍሴ ይሖዋን በጉጉት ትጠባበቃለች።”
