ÑI NÜTRAMCAEL | ANTONIO DELLA GATTA
Quiñe sacerdote elcünui tañi Iglesia
QUIÑE huentru Antonio Della Gatta pingelu, papeltui 9 tripantu Roma mu. Fei hula 1969 tripantu sacerdotengerpui. Rupalechi antü mu loncolerpui seminario mu, püllelei Nápoles huaria mu, Italia mapu mu. Fentren rupa tañi papeltual Biblia raquiduami ca quimürpui tachi iglesia catolica ñi feyentun mülelai Biblia mu. Tüfachi huentru nütramcayaiñmu com tañi femün, fei ñi cüme quimürpuafiel ta Chau Dios.
Feipinge chumngechi tremimi pichicalu eimi.
Choyüngen Italia mapu mu 1943 tripantu mu. Tañi peñi ca tañi lamngen iñchiñ quiñentrür tremiyiñ quiñe pichi huaria mu. Tañi chau agricultor ca carpintero ngefui. Tañi chau ca tañi ñuque tremümeiñmu catolico feyentun mu.
¿Chumngelu ayüimi tami sacerdotengeal?
Pichicalu iñche, müna ayüfun tañi amual tachi iglesia ñi allcütuafiel tachi pu sacerdote. Ayüfiñ ñi allcütuafiel ñi dungun engün ca peafiel com ñi femquen engün. Feichi antü müten ayüfun ñi sacerdotengeal. 13 tripantu nielu iñche, tañi ñuque yeeneu quiñe internado mu. Feiti mu tati pu pichique huentru yengequei ñi cüme pepicangeal ñi sacerdotengerpual.
¿Estudiaimi Biblia tami pepicahun mu?
Femlai, enseñangelan. Nielu iñche 15 tripantu, quiñe quimeltuchefe elueneu quiñe Biblia, niei meli evangelio müten. Feiti evangelio mu nütramcai Jesús tañi mongen ca tañi amuldungun. Mufü rupa papeltufiñ. Nielu iñche 18 tripantu, amun Roma huaria mu tañi pepicahual universidades catolicas mu. Feichi pu universidades loncolei ca ngüneniequei chi papa. Feiti mu estudiaquefun latin, griego, historia, filosofia, psicologia ca teologia. Loncontucuniefiñ quiñeque versiculo Biblia mu ca fentren rupa feipiquefun. Fill domingo mu allcütuqueiñ fillque papeltun Biblia sermones mu. Huelu iñchiñ estudiaquelafiyiñ Biblia.
Petu tami loncolen chi seminario, ¿ca quimeltuchequeimi?
Tañi cüdau, iñche adcünuquefun chi seminario, huelu cafei quimeltuchequefun.
¿Chumngelu am maneluucülehuelaimi iglesia mu?
Cüla dungu mu hueluraquiduamcülen. Quiñe dungu, tati iglesia coneltuquei politico dungu mu. Epu dungu, inei no rume catrütulafi tati pu sacerdote ca pu coneltulelu tati iglesia tañi huesa femün. Cüla dungu, tañi quimeltun iglesia catolica norcülelai. Quiñe ejemplo: ¿Chumngechi am Chau Dios cutrancayafi pu che deu ñi lan? Chau Dios, ¿rüf ayüniefui taiñ feipial quiñe llellipun müten rosario mu? *
¿Chem chumimi?
Ngüman mu llellipufiñ Chau Dios ñi quelluaeteu. Ngillan ti Biblia de Jerusalén pingelu, hue tripai italiano quehun mu, fei papeltufiñ. Domingo pulihuen mu, deu hul-lu ta misa, epu huentru acui seminario mu. Feipieneu pu Dunguquelu Inei Ngen Jehová ngei, feimu nütramcahuiyiñ. Doi quiñe hora dunguiñ Biblia mu.
¿Chem raquiduamfuimi tüfachi Dunguquelu Inei Ngen Jehová tami huitranmapaqueimu?
Afmatulehuen ñi fente quimün, cüdautulaingün pengelal ñi feipiel Biblia catolica mu. Rupachi antü mu, ca quiñe Dunguquelu Inei Ngen Jehová, Mario pingei, eluhui ñi quimeltuaeteu Biblia. Tüfachi peñi ñom piuquengei ca norngei. Fill sabado antü, chem rupafule rume acuquefui feichi hora ñi feipicünuel seminario mu.
¿Chem raquiduamingün caquelu pu sacerdote?
Mangelfiñ pu sacerdote ñi chillcatual Biblia tati peñi iñchiu, huelu inei no rume falintulafi tachi chillcatun. Huelu iñche rume ayüquefiñ ñi estudiamequen Biblia. Fentren tripantu mu ramtuuquefun chumngelu Chau Dios catrütulafi ti huesaque dungu ca cutrancahun. Tañi chillcatun Biblia quimürpun tüfachi dungu.
¿Catrütueimu tami chillcatun Biblia tati puque loncolelu iglesia mu?
1975 tripantu mu, amun Roma huaria mu fentren rupa ñi nütramcayal com ñi quimürpuel. Tati puque loncolelu iglesia mu ayüi ñi caletual ñi raquiduam, huelu inei no rume pünequelafi chi Biblia. Conchi 9 de enero 1976 tripantu mu, huirifiñ quiñe carta ta Roma, feipifiñ tañi coneltuhuenoal tati religion catolica mu. Rupachi epu antü, elcünufiñ chi seminario. Fei hula amun tren mu ta trahuluhual pu Dunguquelu Inei Ngen Jehová engün. Tüfa tañi hunen trahun, quiñe fütra trahun ürque. Fentren trahunche coneltuqueingün. Afmatulehuen chumngechi ñi adcünungeel. Quisuque engün nieingün quiñe Biblia, com inaqueingün Biblia mu tachi hueupife ñi feipin, fillque dungu mu hueupituqueingün.
¿Chem raquiduamingün tami familia?
Epe com tañi familia illcuingün, huelu quimfiñ tañi inan peñi chillcatuquei Biblia ca huaria mu. Fei amun tañi peafiel tañi peñi. Ca pu Dunguquelu Inei Ngen Jehová quellueneu ñi peal cüdau ca quiñe ruca tañi müleam. Feichi tripantu fautizahun.
Feula queta püllelen ta Chau Dios mu.
Com tami femel, ¿arrepentiucüleimi?
¡Femlayan llemai! Feula queta püllelen Chau Dios mu. Pu filosofia ca catolico ñi quimeltun quelluquelaeneu ñi rüf quimafiel ta Dios. Feula cüme quimfiñ ta Dios Biblia ñi quellun mu. Feula quimeltuchequelu iñche, rüf quimnien Biblia ñi quimeltuqueel.
^ parr. 13 Biblia huiñoldunguquei tüfachi ramtun ca caquelu dungu mu. Fei quintuaimi BIBLIA ÑI QUIMELTUQUEEL > FILLQUE RAMTUN BIBLIA MU.
