Femngechi feypi kiñe pichi domo nielu 13 tripantu elungelu kiñe trewa. Kiñe domo küme adümuwlu negosian dungu mu feypi: ‘Mülelu iñche kolegio mu, tañi chaw eluenew kiñe komputador, fey müna kelluenew’. Kiñe wentru we kurengelu, tañi domo wirintukuleyew kiñe ayüfal karta puwül-lu am kiñe tripantu tañi niewün engu, fey tüfa ti doy küme yewün tañi elungeel trokifi.

Fill tripantu fentren che müna yafüluwkey tañi eluafiel kiñe “doy küme” yewün tañi pu che kam weni kiñe sakin antü mu. Fey ayükeiñ ñi küme duamelafiel feychi che taiñ yewün mu, chumngechi ñi feypingeel ellaka mu. Eymi kay, ¿ayüafuymi ñi rüf falintungeal tami wülkeelchi yewün? Kam ¿tami llowal kiñe küme yewün?

Fentren che ayüwmakeeyew llowal kiñe yewün, ka küme duamkey tati wülkelu. Biblia feypilu kay: “Doy kümey ta wülael ta llowün mew” (Hecho 20:35). Feymu doy ayüwküleay pu wülkelu, rüf falintuñmangele ñi yewün.

Tami eluel mu, ¿chumngechi ayüwküleafuymi? Ka ¿chumngechi ayüwülafuymi ta kakelu che? Pepi wülnolmi kay ti “doy küme” yewün, ¿chumafuymi ñi rüf falintungeal?