Feula tañi conün 2023 tripantu, com ayünieiñ taiñ cüme feleal iñchiñ ca taiñ pu familia. ¿Rüf maneluupeafuiñ mai taiñ cüme feleal?

 Biblia feipi ti huesaque dungu taiñ rupamequen fachantü, pichiñma mu ngehuetulayai. Tati Biblia “huirintucungei taiñ quimeltungeal. Chau Ngünechen ñi huirintucuel yafültucuqueiñmeu [...]. Feimu nieiñ ta maneluhun” (Romanos 15:4).

•   Ayülmi tami quimal chem ñi feipicünuel ta Biblia, papeltuafuimi ti troquiñ internet mu “La esperanza real de un mañana mejor”.

 Biblia eluqueiñmu maneluhun, tüfa “nülcühue farcu reque felei taiñ mongen mu” (Hebreos 6:19). Ti ancla nehuentucuquefi quiñe farcu tañi nehuentu nengümuunoal, ca femngechi taiñ maneluhun nehuentucuqueiñmu. Maneluucüleliyiñ, cüme chaftuafiyiñ huesaque dungu taiñ rupamequen, cüme raquiduam nieaiñ ca rüf ayüucüleaiñ. Inaduamnge chumngechi ñi quelluchequen Biblia:

•   Biblia ñi feipin quellufi quiñe huentru ñi ngollifengehuenoal. Pefinge ti video Üderpun tañi mongen ñi yeniekefel.

•   Layeluuliyiñ, Biblia quelluafeiñmu taiñ maneluucüleal. Pefinge ti video Ñi yafültucungeal pu layeluulu.

 Fentren che ayüniei cümeque dungu tañi rupayal engün, huelu rüf quimlaingün ñi femtripayal tañi ayünieel. Huelu, ¿rüf quimpeafuiñ mai ñi femtripayal Biblia ñi feipin? Femafuiñ llemai. Com ñi feipicünungeel Biblia mu Jehová mu tuhui, a “fei coilatuquelai” (Tito 1:2). Jehová müten com nehuen niei, feimu huechunentuafui com tañi feipicünuel. Chem rume tañi ayünieel, femürpuafui llemai (Salmo 135:5, 6).

 Biblia ñi feipin manelfali. Eimi ca quelluafeimu tami maneluucüleal. Feyenturpuafuimi ñi rüfngen ‘cüme ngüneduamfilmi Chau Ngünechen ñi huirintucuel’ (Hechos 17:11). Iñchiñ quelluquefiyiñ ta che ñi doi cüme adümafiel tañi Biblia engün. Ayülmi, quelluhuafuyiñ llemai, cofraquelaiñ. Tüfachi tripantu mu, ¡eimi maneluhuafuimi tami cüme feleal!