Eluwnge tami küme papeltual ka kimeltucheal
Tüfachi papel kelluaeymu tami adümuwal, femngechi tami doy küme papeltual ka doy kim dungual ka kimeltucheal.
Tati Kiñewkülechi Ngünenielu ñi karta
Wülkeiñ kiñe falin werkün dungu. Ngelay doy falin-ngechi dungu ñi wülngeal.
1 KIMELTUN
Ella konlu tami feypin, ayüfalngepe
Ella konlu kiñe wewpin kam nütram, tami feypin küla dungu müley ñi diturpual.
2 KIMELTUN
Chumngechi tami nütramkaken entunge tami feypin
Chumngechi tami nütramkaken entunge tami feypin. Fey pu che küme duamay ka allkütuaeymu.
3 KIMELTUN
Entunge kümeke ramtun
Ngüneduamnge chem ñi ayünieel pu che, fey küme rakiduamnge tami entual kümeke ramtun. Femngechi rakiduamelafimi pu che ka kelluafimi ñi longkontukual tati doy falin-ngechi dungu.
4 KIMELTUN
Küme rakiduamnge chem pial petu tami papeltunofiel kiñe texto
Petu tami papeltunofiel kiñe texto, kellufinge tami pu allkütukeetew ñi pepikawküleal, femngechi ñi küme adümafiel. Faw kimaymi tüfa.
5 KIMELTUN
Welulkawlayaymi papeltun mu
Tami kimeltual Jewba ñi dungu, müna falin-ngey welulkawnoal papeltun mu.
6 KIMELTUN
Küme kimfalkünufinge ti texto
Kellufinge pu che ñi ngüneduamal chumngechi nüwküley ti texto ka tami kimeltumeken.
7 KIMELTUN
Rüfngepe tami kimeltukeel
Rüfngepe tami kimeltukeel. Tüfa falin-ngey tami welurakiduamelnoafiel pu allkütukelu.
8 KIMELTUN
Pengelün dungu mew kimeltucheaymi
Tami doy küme kimeltucheal, entuafuymi pengelün dungu. Feypiafuymi kiñe nütram, epew, kiñe che ñi rupan kam kakelu adümfalngechi dungu. Femngechi ayüwmayay pu che ka longkontukuay ti kimeltun.
9 KIMELTUN
Pengelnge adentun ka video tami kimeltucheal
Ñi doy küme longkontukungeal ti kimeltun, pengelnge video ka adentun.
10 KIMELTUN
Kakewmepe chumngechi tami dungumeken
Kiñeke mu doy newentu dunguafuymi. Kafey ñochi kam matu dunguafuymi. Femngechi puwaymi pu che ñi piwke mu ka yafültukuafimi ñi küme femal.
11 KIMELTUN
Yafüluwün mu entunge tami feypin
Yafüluwün mu entulmi tami feypin, pengelaymi ñi newenkülen tami piwke. Kafey pu che küpa allkütuaeymew.
13 KIMELTUN
Pengelnge chumngelu falin-ngey tami feypimeken
Kellufinge pu allkütukelu ñi ngüneduamal chumngechi kelluaeyew tami feypimeken, ka pengelelfinge chumngechi inayafiel.
14 KIMELTUN
Küme pengelnge ti doy falinke dungu tami wewpin mu
Kellufinge pu allkütukelu ñi küme adümal kom tami wewpikeel. Kimfalkünunge chem wewpimekeymi, chumngelu ka chuchi am tati doy falinke dungu. Ka pengelnge chumngechi nüwküley kom tüfa.
15 KIMELTUN
Tami feypin mu pengelnge tami feyentulen
Pengelnge tami feyentulen tami feypimeken. Ka ñi feyngen ka falin-ngen.
16 KIMELTUN
Yafültukufinge pu allkütukelu
Re wedake dungu nütramkalayaymi, doy may nütramkange chumngechi ñi küme elkünungetual. Küme pengelnge tati kümeke dungu Biblia mew, tüfa yafültukuchekey.
17 KIMELTUN
Adümfalngepe tami feypin
Kellufinge pu allkütukelu ñi doy adümafiel tami kimeltumeken. Küme kimfalkünufinge ti doy falinke dungu.
18 KIMELTUN
Kelluchepe tami feypin
Rakiduamelfinge pu allkütukelu, fey “rüf kelluenew ta tüfa” piayngün.
19 KIMELTUN
Puwnge pu che ñi piwke mew
Yafültukuñmafinge ñi piwke. Fey piwkeyeafi ta Chaw Dios ka ti Biblia.
20 KIMELTUN
Küme dullinge chem pial fentepuwle tami kimeltun
Küme dullinge chem pial fentepuwle tami kimeltun. Fey kelluafimi pu allkütulu ñi rüfngelu trokiafiel tañi kimürpuel, feyentuafiel ka inayafiel.
Wirintukunge chumngechi tami amulen
Wirintukunge chumngechi amuley tami papeltuken ka kimeltucheken.
Eimi ca ayüafuimi
NÜUCÜLECHI VIDEO
Eluwnge tami küme papeltual ka kimeltucheal: Fillke video
Pepikawaymi ka adümuwaymi tami doy küme papeltual ka kimeltucheal.
