Tüfa rüfngelai. Iñchiñ amuldunguqueiñ fill ruca püle, huelu raquiduamquelaiñ taiñ montulaeteu tüfa (Efesios 2:8). ¿Chumngelu?

 Raquiduamnge tüfa: quiñe huentru huimtulelu ñi hulal tañi chemcün feipicünule ñi eluafiel quiñe falin yehun com pu che amualu cheu ca chumül feipicünui quisu. Eimi feyentulmi tüfachi huentru ñi feipicünun, ¿inayafuimi ñi huercün dungu? Felei llemai. Cafei feipiafuimi tami pu che ca tami pu hueni ñi femal tüfachi dungu, femngechi ñi llohual engün ti yehun. Huelu tami inafiel mu ti huercün dungu, lloulayafuimi ti yehun, ti huentru ñi piel mu müten llohuafuimi llemai.

 Ca femngechi, Chau Ngünechen feipicünui ñi eluafiel rumel mongen feiti che inaniequelu tañi feipin. Iñchiñ, pu Dunguquelu Ineingen Jehová, feyentuqueiñ tüfa mu (Romanos 6:23). Fei, ayüqueiñ caquelu che ñi llohual Chau Ngünechen ñi feipicünun tañi cüme feleal engün, feimu yafüluuqueiñ taiñ amuldunguafiel. Huelu cüme quimnieiñ, taiñ amuldungun mu müten montulngelayaiñ (Romanos 1:17; 3:28). Rüfcünu llemai, iñchiñ taiñ duam mu lloulayafuiñ tüfachi afmatufalchi yehun taiñ elueteu Chau Ngünechen. Tati Biblia feipi: “Quisu montuleiñmeu tañi cutranpiuqueyechen mu, iñchiñ taiñ cüme femel mu no tati” (Tito 3:5, La Palabra de Dios para Todos, rulpadungungelu mapudungun mu).