Isaías 55:1-13
55 ¡Taqe khitinakatï umat pharjatäpkta* ukanakajj jutapjjam!+ ¡Jutapjjam, um umtʼir jutapjjam!+
Khitinakatï jan qollqenïpkta ukanakajj ¡jutapjjam, alasipjjam, manqʼapjjarakim!
Jïsa, jutapjjam, vinsa lechsa jan qollqempik alasipjjam,+ jan kun pagasak alasipjjam.+
2 ¿Kunatsa jumanakajj jan cheqpach tʼantʼäki ukat pagasipkakta?
¿Kunatsa jan sistʼayki ukanak alasa chʼaman jikjjatat qollqenakam gastapjjta?
Sum istʼapjjeta, suma manqʼäkis uk manqʼapjjam,+suma manqʼanak manqʼasajj kusisipjjätawa.+
3 Sum istʼapjjam, nayan ukar jutapjjam.+
Istʼapjjam, ukhamatwa jakasipkakïta,cheqpachapuniw nayajj jumanakamp mä wiñay pacto luräjja,+nayajj kunjamtï Davidar arskayätjja, uka pachpa munasiñwa jumanakarojj uñachtʼayapjjäma, janirakiw jaytjapkämati, uka promesajj confiykañawa.+
4 Markanakatakejj mä testigoruw juparojj tukuyta,+markanakatakejj mä pʼeqtʼiriru,+ mä gobernanteruw+ tukuyarakta.
5 Jan uñtʼkta uka markaruw jumajj jawsäta,jan uñtʼapktam uka markatwa juman ukarojj tʼijunipjjani,Jehová Diosam layku,+ mä arunjja Israelan Santo Diosap laykuw jutapjjani,kuna laykutejj jupajj jachʼañchätamwa.+
6 Jikjjatañjamäkipana Jehová Diosar thaqapjjam.+
Jakʼankkipana jupar jawsapjjam.+
7 Jan wali jaqejj thakip jaytpan,+yaqhanakar jan walinak lurir jaqejja jan wali amuyunakap jaytpan,Jehová Diosan ukar kuttʼanjjpan, Diosasti jupat khuyaptʼayasiniwa,+Diosasan ukar kuttʼanjjpan, jupasti taqe chuymaw juparojj perdonani.+
8 “Kuna laykutejj nayan amuyunakajajj janiw jumanakan amuyunakamäkiti,+jumanakan thakinakamajj janiw nayan thakinakajäkiti” siw Jehová Diosajja.
9 “Kunjamtï alajjpachanakajj oraqet sipansa jukʼamp altonkkejja,ukhamarakiw thakinakajajj jumanakan thakinakamat sipansa jukʼamp altonki,amuyunakajas jumanakan amuyunakamat sipansa jukʼamp altonkarakiwa.+
10 Kunapachatï alajjpachat jallojj purjjatki khunus khununtki ukhajja,oraqer sum chʼarantʼañkamajj janiw ukajj alajjpachar kuttʼkiti, jan ukasti alinakwa jiltayi, achunakwa achoqayaraki,satir jaqerojj jathanakwa churi, manqʼañatakejj manqʼañanakwa churaraki,
11 lakajat mistki uka arunakajajj ukhamarakïniwa.+
Janiw nayan ukarojj jan kun lurasajj kuttʼankaniti,+kuntï nayajj munkta ukjja cheqpachapuniw lurani,+kun lurañatakitejj nayajj khitkta ukjja kunjamatsa phoqapuniniwa.
12 Kuna laykutejj jumanakajj kusisitaw mistupjjäta,+sumankañampi kuttʼayatäpjjarakïtawa.+
Qollunakasa jiskʼa qollunakasa jumanak nayraqatan kusisipjjaniwa, kusisiñat arnaqasipjjarakiniwa,+camponkir taqpach qoqanakajj* tʼajjllirapjjarakiniwa.+
13 Chʼapinak lantejja enebro qoqanakaw* jilapjjani.+
Itapallunak lantejja mirto qoqanakaw jilapjjani.
Ukajja Jehová Diosarojj wali uñtʼat Diosaruw tukuyani,+wiñayatak mä señalarakïniwa, janipuniw chhaqtkaniti”.
