Kusisita jakasiñataki suma ewjjtʼanaka
“Aka mundon jan walinak uñjasajj wal llakista. Guerranakasa, qollqet pistʼañasa, usunakas wal jiljjattaski, wawanakarus jan walinakwa lurapjjaraki. Ukampis jichhajj jutïritak mä suytʼäwiw utjitu” (ROSA). *
Rosajja Taqe Chʼamani Diosakiw kusisit jakasiñatakejj suma ewjjtʼanak churistaspa sasaw yateqäna, ukanak yatisajj kusisitaw jakasjjäna. Aka revista liytʼkasajja, kunjamsa Diosajj sum jakasiñatak yanaptʼistaspa ukwa amuytʼäta.
Familian kusisit jakasiña.
Mayninakamp suman jakasiña.
Kunatï utjkistu ukanakamp kusisitäña.
Kunatsa tʼaqestanjja jiwaraktanjja ukanak amuyaña.
Jutïrin kusisit jakasiñajj utjkani uk suytʼaña.
Luririsar sum uñtʼaña, jupar jakʼachasiña.
Diosajja janiw mä qhawqhanirukejj kusisit jakasipjjañapatakejj suma ewjjtʼanak churkiti, jan ukasti khitinakatï jupar thaqapki taqe ukanakaruw churi, ukwa aka revistan yateqarakïta.
^ Párrafo 2 Yaqhep sutinakajj cambiasiwayiwa.
