Hər il bütün dünyada Yehovanın Şahidləri və onların dəvət etdiyi milyonlarla qonaq İsanın buyurduğu kimi onun ölümünü anma mərasiminə toplaşırlar (Luka 22:19). Bu mərasim bizə İsanın öz həyatını bəşəriyyət üçün qurban verməsinin vacibliyini başa düşməyə və bunu qiymətləndirməyə kömək edir. Onun bu fədakarlığı bizim həm indi, həm də gələcəkdə rifahımıza xidmət edəcək (Yəhya 3:16).

 Fərqi yoxdur, bu ilki mərasimdə iştirak etmisiniz, ya yox, İsanın fidyə qurbanlığından hansı faydanı əldə edə bilərsiniz? İsa demişdi ki, biz iki vacib işi görməliyik:

1.  1. Allah və İsa barədə öyrənməliyik. Allaha duasında İsa demişdi: «Əbədi həyat odur ki, Səni, tək gerçək Allahı və göndərdiyin İsa Məsihi tanısınlar» (Yəhya 17:3).

2.  2. Öyrəndiklərimizə uyğun davranmalıyıq. İsa demişdi ki, biz onun öyrətdiklərini həyatımızda tətbiq etməliyik. Məsələn, İsa Dağüstü vəzini onun sözlərini eşidib əməl edənləri tərifləməklə bitirmişdi (Luka 6:46—48). Başqa bir vaxt o demişdi: «Madam ki bunları bilirsiniz, əməl edin, onda xoşbəxt olacaqsınız» (Yəhya 13:17).

 Allah və İsa barədə daha çox öyrənmək istəyərdiniz? Öyrəndiklərinizi necə tətbiq edə bilərsiniz? Növbəti üsullarla lazımi məlumatları əldə edə bilərsiniz:

 Bizim pulsuz Müqəddəs Kitab dərslərimiz çoxlu sayda insana Müqəddəs Kitabı araşdırmağa və öyrəndiklərini həyatlarında tətbiq etməyə kömək edir.

•   Bu dərslər barədə daha ətraflı məlumat almaq üçün Müqəddəs Kitab dərsləri (təlimatçı ilə) səhifəsinə daxil olun.

•   Müqəddəs Kitab dərslərinin necə keçirildiyi barədə daha ətraflı məlumat əldə etmək üçün «Müqəddəs Kitab dərsi ilə tanışlıq» videosuna baxın.

 Yehovanın Şahidlərinin ibadət görüşləri həftədə iki dəfə ibadət evlərində keçirilir. Bu görüşlərdə biz Müqəddəs Kitabı və oradakı təlimləri həyatımızda necə tətbiq edə biləcəyimizi araşdırırıq.

 Görüşlərdə təkcə Yehovanın Şahidləri yox, hər kəs iştirak edə bilər. Ərazinizdəki vəziyyətdən asılı olaraq, görüşdə canlı və ya videokonfrans vasitəsilə iştirak edə bilərsiniz.

•   «İbadət görüşlərimiz necə keçirilir?» adlı videoya baxın və görüşlərimiz barədə ətraflı məlumat alın.

•   Sizə yaxın ərazidə ibadət görüşünün harada keçirildiyini tapmaq üçün Yehovanın Şahidlərinin ibadət görüşləri səhifəsinə daxil olun.

 Bu saytdakı çoxlu sayda məqalələr və videolar vasitəsilə siz İsanın təlimləri və fidyə qurbanlığının dəyəri barədə daha çox öyrənə bilərsiniz.

 Məsələn, bir nəfərin ölümü milyonlarla insanın necə xeyrinə ola bilər? Bu barədə öyrənmək üçün «İsa Məsih Xilaskardır. Bu nə deməkdir?» və «Məsih nəyin naminə iztirab çəkib öldü?» adlı məqalələri oxuyun, eləcə də «İsa peyğəmbər nəyin naminə ölüb?» adlı videoya baxın.