2022-ci ilin iyun ayında Anqola filialını əlavə yaşayış və ofis otaqları ilə təmin edəcək yeni dördmərtəbəli binanın yenidənqurma işlərini başlamaq planlaşdırılır. 2003-cü ildə inşa edilmiş filial 207 beytelli üçün artıq darısqaldır.

Bu səbəbdən bəzi beytellilər hal-hazırda kirayədə qalır. Yeni bina 2021-ci ilin dekabr ayında alınıb və o, filialdan bir neçə dəqiqəlik məsafədə yerləşir.

Yenidənqurma işləri başa çatdıqdan sonra yeni binada 57 loft üslubunda yaşayış otağı və 60 ofis olacaq. Yaşayış otaqlarında iş kabineti də nəzərdə tutulub. İş sahəsi isə həm ayrı, həm də ümumi ofislərdən ibarət olacaq. Bundan əlavə, binada konfrans zalları və çoxfunksiyalı məkanlar olacaq. Ofis otaqlarının divarlarını söküb yenidən quraşdırmaq, həmçinin ehtiyaclara uyğun olaraq quruluşunu dəyişdirmək mümkün olacaq.

Kirayədə qalan beytellilərin 2024-cü ilin fevral ayında yeni binaya köçəcəyi gözlənilir.

Anqola filialının komitə üzvü Samuel Kampos deyir: «Filialın sahəsi artıq ehtiyaclarımızı qarşılamırdı. Bu problemin həlli üçün Yehovaya dua edirdik və kömək üçün Ümumdünya layihə-inşaat şöbəsinə müraciət etdik. Yeni binanın alınması və təmiri Yehovanın dualarımıza cavabı oldu».

Anqolada 160 000-dən çox Yehovanın Şahidi yaşayır. Keçən il anma mərasimində 400 000-dən çox insan iştirak etmiş, təbliğçilər isə 200 000-dən çox adama Müqəddəs Kitab dərsləri keçmişdilər. Biz əminik ki, Yehova Padşahlıq işində istifadə olunacaq yeni filial binasının yenidənqurma işlərini avand edəcək (1 Salnamələr 29:16).