2024-cü ildə Cənubi Koreyanın dörd şəhərində 19 yanvar — 1 fevral tarixləri arasında Yeniyetmələrin Qış Olimpiya Oyunları keçirildi. Tədbirə 70-dən çox ölkədən olan minlərlə atlet, jurnalist və tamaşaçı gəlmişdi. Bu oyunlar zamanı 2600-dən çox Yehovanın Şahidi xüsusi təbliğ kampaniyasında iştirak etdi. 34 yerdə ədəbiyyat arabaları qoyulmuşdu və Müqəddəs Kitaba əsaslanan məlumat dörd dildə çatdırılırdı.

Mandarin dilində danışan bir cavan oğlan iki qardaşımıza yaxınlaşıb bildirmişdi ki, bizim ədəbiyyatları şəhərin müxtəlif yerlərində görüb. Amma bir yerdə ailə xoşbəxtliyi haqqında poster görəndə dayanıb daha çox məlumat almaq qərarına gəlib. Qardaşlar ona jw.org saytından «Xoşbəxt ailəm» broşürünü mandarin dilində necə yükləməyi izah etdilər. Həmin cavan oğlan dərhal mobil cihazından saytımıza daxil oldu və qardaşlara göstərdikləri köməyə görə minnətdarlığını bildirdi.

Yehovanın Şahidi olan bir ər-arvad Ukraynadan olan bir kişiyə qeyri-formal şahidlik etdi. Həmin dildə danışa bilmədiklərinə görə onlar onunla mobil telefonlarında olan tərcümə tətbiqi ilə ünsiyyət qurublar. Söhbət zamanı həmin kişi onlara doğma şəhərinin raket zərbəsindən sonra düşdüyü vəziyyətin şəklini göstərib. Cütlük onun vəziyyətinə acıyaraq Müqəddəs Kitabdan tezliklə müharibələrə son qoyulacağını izah edən ayəni göstərdilər. Kəlamdakı bu verilən sözü öz doğma dilində oxumaq kişiyə çox güclü təsir edib. Həmin kişi ilə söhbəti davam etmək üçün onlar vaxt da təyin ediblər.

İn-Suk adlı bacımız Finlandiyadan olan cavan idmançı qız və onun anası ilə ingilis dilində söhbətə başlayıb. Söhbət zamanı bacı saytımızdakı «Yeniyetmələrə kömək» bölməsindən bəzi məqalələrə toxunub. Qızın anası aldığı bu məlumatlara görə çox məmnun olub və saytımızı yenidən ziyarət edəcəyini bildirib.

Cənubi Koreyadakı bacı-qardaşlarımızın bu beynəlxalq tədbir zamanı «Yehovanın adına alqış» gətirərək bu qədər insana təbliğ etdiklərinə görə çox sevinirik (Zəbur 148:13).