1. Kaat yada ’yé le mukété mapep mé,

Bôt ba nléba nsañ, maséé, ni botñem.

I gwé matiñ ma ntinde bôt i héñha;

I nti “niñ,” i “nyibil” mis, ni miñem.

I loñge kaat i, i nsébla le Bibel.

Yon Djob a bi tinde bôt i tila,

Ngim bôt i bé gwés toi Djob jap Yéhôva,

Mbuu mpubi u tinde bo i tila.

2. Ba bi añal lelaa Djob a bi heg mam;

Lelaa a bi heg ngiinda yosôna;

Lelaa niñ i bé loñge i paradis,

Mbus, béba ’lo, di nimis niñ boga.

Ba bi kal le ngôk u tinde ngim añgel

I kolba kunde i Djob i énél.

Ibôdôl ha, niñ yés i gwé mandutu.

Ndi ndék ngéda Yéhôva a’ yémbél.

 3. Nano le Yéhôva a ntéé Ñane wé,

Ngéda mahak ni maséé i nkola.

Jon nano di ñañal ñañ nlam u Ane,

Ni botñem ni bisai i ga lona.

Ñwin unu won u yé ikété Kaat Djob.

I yé ndiba, bijek bi mbuma ñañ.

Kaat Djob i yé toi bañga lisôô li nkus;

I añ yo, d’a kôhna bisai ni nsañ.