“Nungnga adong piga-piga dongan kompakku, nyaman do au tu nasida. Jadi malas do au naeng mambukka diri tu halak na asing.”​—Si Alan.

 “Dang pola lomo rohakku mardongan tu godang halak, dang pola lomo rohakku mardongan tu halak na asing manang makkatai apalagi tu halak na so hutanda.”​—Si Sara.

 Sarupa do perasaanmuna tu si Alan dohot si Sara? Holan i do donganmuna mulai sian najolo sahat tu saonari? Malas do hamu mangalului dongan na baru?

 Molo songon i do perasaanmuna, cocok do artikel on tu hamu!

•  Masalah na boi terjadi

•  Na boi diulahon hamu

•  Aha do na didok akka donganmuna

 Dang sala molo adong piga-piga halak dongan na akrab tu hamu. Molo adong songon i, dang merasa kesepian be hamu, merasa ma hamu adong halak na makkaholongi hamu jala na boi mangattusi hahuranganmuna.

 “Pasti las do rohatta molo lomo roha ni halak mangida hita jala adong na olo gabe donganta. Apalagi molo poso dope hita, pasti las do rohatta molo lomo roha ni halak mangida hita.”​—Si Karen, 19 taon.

 Diboto hamu do? Godang do dongan ni Jesus, termasuk ma i 12 apostelna i. Alai holan tolu do sian apostelna i na massai jonok tu Jesus i ma si Petrus, si Jakobus, dohot si Johannes.​—Markus 9:2; Lukas 8:51.

 Alai sala do molo bergaul hamu holan tu piga-piga halak, mandao sian halak na asing, jala dang olo mardongan tu nasida. On boi do parohon masalah tu hamu. Misalna:

•   On boi gabe menutup kesempatan di hamu lao mananda halak na asing na bisa jadi boi gabe sahabatmuna.

   “Molo holan tu halak na mirip tu hita do sifatna na tadongani, on boi do manutup kesempatan lao mandapot pengalaman na baru jala mambahen hita gabe dang mananda halak na asing na tong tabo didongani.”​—Si Evan, 21 taon.

•   Mungkin dianggap halak ma hamu halak na sombong.

   “Molo holan tu gengmuna do hamu mardongan, boi do dirippu halak na so olo hamu mardongan tu halak na asing.”​—Si Sara, 17 taon.

•   Olo do gabe dohot hamu mam-bully halak na asing.

   “Mungkin molo hita sandiri dang olo hita mambully halak na asing. Alai tikki gabung hita dohot akka donganta jala taida diulahon nasida songon i, gabe dohot ma hita mambully jala dang merasa bersala hita mangulahon i, bahkan taanggap do i lucu.”​—Si James, 17 taon.

•   Olo do hamu gabe hona masalah apalagi molo olo hamu mangulahon manang aha pe asa boi tetap bergabung tu gengmuna i.

   “Mungkin holan sada do anggota geng na jahat, alai boi do gabe sude anggota ni geng i dohot mangulahon na jahat.”​—Si Martina, 17 taon.

•   Pikkirhon ma prinsip na diihutton hamu di ngolumuna.

   Coba ma pikkirhon: ‘Prinsip na songon dia do na huihutton di ngolukku? Gabe maol do au mangihutton prinsiphi alani akka donganku? Tetap do huihutton akka donganku nang pe tindakan ni nasida dang sesuai be tu prinsip ni ngolukku?’

   Prinsip ni Bibel: “Molo mardongan hamu tu halak na so denggan, sega do pangalahomuna na denggan i.”​—1 Korint 15:33.

   “Molo dang sarupa prinsipmuna tu akka donganmuna, boi do gabe diulahon hamu ulaon na maralo tu prinsipmuna i.”​—Si Ellen, 14 taon.

•   Pikkirhon ma lomo ni roha ni ise do na uppetting diulahon hamu.

   Coba ma pikkirhon: ‘Molo diulahon akka donganku na sala, hupasombu do i asa boi au tetap bergabung di geng ni nasida?’

   Prinsip ni Bibel: “Hupissang jala hupasingot do sude na huhaholongi.”​—Pangungkapon 3:19.

   “Molo adong sahalak sian donganmuna i na mangulahon na sala pasti pasombuonmuna do i. Ai molo dipaboa hamu na sala ibana, didok ma hamu dang setia kawan manang penghianat.”​—Si Melanie, 22 taon.

•   Lului ma unggodang donganmuna.

   Coba ma pikkirhon: ‘Aha do manfaatna molo lam godang donganku?’

   Prinsip ni Bibel: “Unang ma holan mamparrohahon na porlu di hamu, alai parrohahon ma na porlu di na asing.”​—Pilippi 2:4.

   “Olo do adong halak na taanggap dang tabo didongani, alai songon i pe ibana mungkin ala na adong do masalahna di jabuna. Alai molo dekat hita tu ibana jala lam tatanda ibana, boi ma taboto tabo do hape ibana didongani.”​—Si Brian, 19 taon.

 Intina: Dang sala molo adong piga-piga dongan na jonok tu hita. Alai coba hamu ma mardongan tu halak na asing, mungkin adong do dapotmuna pengalaman na asing sian nasida. Alana Bibel mandok, “Sai lehon hamu ma tu na asing aha na adong di hamu, asa dilehon nasida tu hamu manang aha na adong di nasida.”​—Lukas 6:38.