Psalmen 84:1-12
Tu pamimpin ni akka parende: Mangihutton Gitit.* Ende ni pinoppar ni si Kora.+
84 Ale Jahowa Pamimpin ni Akka Tentara,*Holong hian do rohakku tu tabernakelmu na sangap i.+
2 Masihol do au tu alaman ni jabu ni Jahowa,+Massai sihol do rohakku,Marsurak do au sian nasa rohakku dohot sian nasa gogokku di jolo ni Debata na mangolu i alani las ni rohakku.
3 Ale Rajakku jala Debatakku,Haru pidong pe adong do asarna disi.Burung walet pe disi do marasar rap dohot anaknaDi jonok ni langgatanmu na sangap i, ale Jahowa Pamimpin ni Akka Tentara.
4 Marlas ni roha ma halak na tinggal di jabumi!+
Toktong do dipuji nasida Ho.+ (Sela)
5 Marlas ni roha ma halak na dapotan gogo sian Ho,+Halak na lomo rohana lao tu jabum.
6 Tikki lewat nasida sian Rura Baka,*Didok nasida do i inganan ni mata mual,Jala dapotan pasu-pasu do rura i sian musim udan na parjolo.*
7 Lam leleng nasida mardalan, lam gogo do nasida,+Sude do nasida manatap tu Debata na di Sion.
8 Ale Debata Jahowa Pamimpin ni Akka Tentara, tangihon ma tangiakku,Tangihon ma, ale Debata ni si Jakkob. (Sela)
9 Ale Debatanami dohot perisainami,*+Tatap ma bohi ni halak naung pinillitmi.*+
10 Ai dumenggan do sadari di alaman ni jabum sian apala saribu ari di inganan na asing!+
Tumagon do au jongjong di pintu ni jabu ni Debatakku,Sian apala tinggal di kemah ni parjahat.
11 Ai dos songon mataniari+ dohot perisai do Debata Jahowa,+Dipatudu Ibana do haburjuon dohot hasangapon.
Dang holit Jahowa mangalehon na denggan tu halak na setia tu Ibana.+
12 Ale Jahowa Pamimpin ni Akka Tentara,
Marlas ni roha ma akka halak na marpos ni roha tu Ho.+
Surat na di toru
^ Manang “Sebaot”, lapatanna pamimpin ni akka suru-suruan na di banua ginjang.
^ Manang boi do “Dibahen guru i do pasu-pasu mambukkus dirina”.
^ Manang “rura na gok ramba na marsuga”.
^ Manang boi do “Ale Debata, ida ma perisainami”.
