SAONARI ON SERING DO DIBAHEN GABE BAHAN PENELITIAN TARINGOT SONGON DIA PERASAAN NI HALAK NA BERDUKA. Songon na dipaboa di halaman sebelumna, godang do akka saran ni akka pakar i na sesuai tu na didok Bibel. On patuduhon, molo akka nasehat na dipaboa di Bibel i dang ketinggalan jaman. Akka saran na dipaboa di Bibel i do saran na dumenggan. Jala boi do i mambahen terhibur akka halak na berduka. Jala dang adong dapotta saran sisongon i manang didia pe.

• Dang menderita halak naung mate i

  Didok Bibel di Parjamita 9:5, “Anggo na mate, dang diboto agia aha.” Jala nungnga ‘salpu sude pikkiranna’. (Psalmen 146:4) I do alana di Bibel, dipatudos do halak na mate i songon halak na renges modom.​—Johannes 11:11.

• Porsea do hita molo Debata parholong boi do menghibur hita

  Didok Bibel di Psalmen 34:15, “Diparrohahon Jahowa * do halak na mangulahon na sittong, jala ditangihon do angguk-angguk ni nasida na mangido asa diurupi.” Paboa ma tu Debata songon dia perasaanmuna. On dang holan mambahen lubbang pakkilalaanmuna, alai boi do mambahen gabe tenang pikkiranmuna. Jala mambahen hita lam jonok tu Debata na boi mamakke huasona lao menghibur hita.

• Adong masa depan na dumenggan na boi tapaima

  Bayakkon ma, di masa depan lao dipahehe ma muse akka na mate i di tano on. Jotjot do on dipaboa di Bibel. Lao paboahon songon dia situasina di tano on haduan, didok Bibel do “Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be.”​—Pangungkapon 21:3, 4.

Godang do halak na porsea tu Jahowa, i ma Debata na disurat di Bibel, molo halak na berduka boi do tetap sabar. Alana adong do harapan di nasida na boi do muse pajuppang dohot halak naung mate i. Contohna, si Ann naung mate suamina jala nungnga 65 taon nasida menikah. Didok ibana, “Dipapos do rohakku ala didok di Bibel, molo halak na mate i dang menderita. Jala lao dipahehe Debata do akka halak na diingot Ibana. Jadi tikki lungun rohakku, sai huingot do na didok Bibel on. On do na mangurupi au asa moru lungun ni rohakku. Alana, on do masalah na umborat na hea masa di ngolukku.”

Si Tiina na dipaboa di halaman sebelumna mandok, “Dung mate si Timo, huhilala do songon dia bantuan ni Debata. Boi do au togu, ala diurupi Debata Jahowa au tikki marsak. Porsea do au tu janji na didok di Bibel na mandok lao dipahehe do muse akka halak naung mate. On mambahen au toktong togu jala asa toktong setia sahat tu na pajuppang au muse dohot si Timo.”

Adong dope marjuta halak na asing na porsea na lao saut do sude janji na didok di Bibel on. Molo didok rohamuna dang masuk akkal na didok Bibel on manang holan nipi do on, boi do diperiksa hamu sandiri akka buktina na tutu do saut na didok Bibel on. Dapotmuna ma di Bibel akka bantuan na terbaik lao mangurupi halak na berduka.

Tonton ma video on di situsnami di jw.org/bbc

 AHA DO NA MASA TU HALAK NAUNG MATE?

LOMO DO ROHAMU MAMBEGE BARITA NA ULI?