1. Sukkun-sukkun aha do na boi ro tu pikkiranta?

HEA do hamu merasa khawatir mamikkiri ari na naeng ro? Misalna tikki dihancurhon agama palsu, tikki ro serangan Gog sian Magog, manang tikki ro porang Armagedon. Sukkun-sukkun do ra rohamuna, ‘Boi do au martahan tikki masa i sude?’ Di parsiajaran on, tabahas ma hata ni Jesus na boi mangurupi hita asa lam togu haporseaotta. Jesus mandok, “Unang pola busisaon rohamuna. Porsea ma hamu tu Debata.” (Joh. 14:1) Molo togu haporseaotta, i boi mangurupi hita asa martahan mangadopi aha na lao masa.

2. Songon dia do carana patoguhon haporseaotta, jala aha do na lao tabahas di parsiajaran on?

² Lao mamboto sadia togu do haporseaotta, tapikkirhon ma songon dia do sikapta saleleng on tikki masa hasusaan. Molo adong tahilala na hurang sian diritta, saonari ma tikkina tapadenggan i. Jala i sude boi mambahen lam togu haporseaotta, bahkan paradehon hita tu ari na naeng ro. Di artikel on, tabahas ma opat situasi na boi manguji haporseaotta. Dung i tabahas ma piga-piga contoh sian akka donganta saonari na boi mangurupi hita patoguhon haporseaotta.

3. Tikki maol mangalului hepeng, songon dia do Mateus 6:30, 33 boi mangurupi hita asa toktong togu haporseaotta?

³ Lomo do roha ni akka kepala keluarga paradehon akka na porlu di keluargana, songon sipanganon, pakkean, dohot  tempat tinggal. Alai dang sai mura mangulahon i saonari. Misalna adong piga-piga donganta na di-PHK, hape ringgas do nasida karejo. Jala maol do muse mangalului karejo na asing. Adong muse donganta na menolak karejo na melanggar prinsip ni Bibel. Di situasi songon i ma porlu hita porsea tu Jahowa, pasti paradeonna do sude na tahaporluhon. Jala dipaboa Jesus do muse taringot i tikki pasahatton Jamita di Dolok. (Jaha Mateus 6:30, 33.) Molo pos rohatta na sai donganan ni Jahowa do hita, gabe fokus ma hita melayani Ibana. Jala molo tahilala pangurupionna, gabe lam jonok ma hita tu Ibana jala lam togu ma haporseaotta.

4-5. Aha do na mangurupi si Miguel dohot keluargana asa unang sai marsak mamikkiri kebutuhan ni halak i?

⁴ Saonari taparrohahon ma jo pengalaman ni keluarga ni donganta si Miguel Castro na tinggal di Venezuela. Ikkon berjuang do halak i paradehon kebutuhan ni nasida. Martani do karejo ni halak i jala sebelumna lumayan do parhepengon ni nasida. Alai sada tikki, ro ma akka halak na marsinjata mangarampok ladang ni halak i jala diusir ma nasida. Didok si Miguel, “Saonari ladang ni halak do husewa hami. Jala holan sian i ma hami mangan. Martangiang do au tu Jahowa setiap ari lao mangido kebutuhannami di ari i.” Susa do parngoluon ni halak i, alai porsea do nasida pasti paradeon ni Jahowa do kebutuhan ni nasida. Gabe boi ma halak i torus rutin marpungu dohot marbarita. Ala melayani Jahowa do na uppetting di ngolu ni nasida, gabe dipasu-pasu Jahowa ma nasida.

⁵ Saleleng masa hasusaan i, torus do diingot si Miguel dohot istrina si Yurai songon dia Jahowa mangurupi nasida. Misalna, dipakke Jahowa do akka dongan sahaporseaon paradehon kebutuhan ni nasida jala mangurupi si Miguel mangalului karejo. Asing ni i, adong do muse bantuan sian kantor cabang. Jadi dang hea ditinggalhon Jahowa halak i. Alani i, gabe lam togu ma haporseaon ni nasida. Tikki marcerita halak i taringot songon dia Jahowa mangurupi nasida, didok si Yoselin boruna siakkangan ma songon on, “Dipatogu do rohakku tikki huida songon dia Jahowa mangurupi hami. Sahabathu do Jahowa i jala pos do rohakku sai urupanna do au.” Didok ibana do muse, “Hasusaan na huhilala hami saonari, sabotulna mampersiappon hami asa boi mangadopi hasusaan na ubborat muse haduan.”

6. Tikki susa parhepengonta, songon dia do carana asa toktong togu haporseaotta?

⁶ Tikki susa parhepengonta, pasti maol do tahilala mangadopi situasi i. Alai boi do tapakke situasi i lao patoguhon haporseaotta. Martangiang ma hita jala tarimangi ma hata ni Jesus na disurat di Mateus 6:25-34. Tapikkirhon ma muse pengalaman ni akka dongan na toktong sibuk mangulahon ulaon Harajaon jala torus do nasida dipasu-pasu Jahowa. (1 Kor. 15:58) Molo taulahon i, gabe lam togu ma haporseaotta. Jala gabe pos ma rohatta  pasti urupan ni Jahowa do hita songon akka donganta na asing. Diboto Jahowa do aha na tahaporluhon, jala pasti lehononna do i tu hita. Tikki tahilala songon dia Jahowa mangurupi hita, gabe lam togu ma haporseaotta jala boi ma taadopi hasusaan na umbalga di ari na naeng ro.​—Hab. 3:17, 18.

7. Sesuai tu Mateus 8:23-26, sian dia do tarida na hurang dope haporseaon ni akka sisean ni Jesus?

⁷ Sada tikki marlayar ma Jesus dohot akka siseanna. Ro ma badai jala masuk ma aek tu parau i. Alai modom do Jesus tikki i. Mabiar hian do akka sisean tikki i, gabe didungoi nasida ma Jesus. Didok Jesus ma tu nasida, “Boasa pola mabiar hamu, hamu siotik haporseaon?” (Jaha Mateus 8:23-26.) Alani kejadian i gabe tarida ma na hurang dope haporseaon ni akka siseanna i. Sasittongna dang pola porlu mabiar akka sisean i. Alana rap dohot Jesus do nasida tikki i. Jala nungnga diida nasida songon dia Jahowa mangurupi Jesus saleleng rap nasida. Aha do parsiajaranna tu hita? Molo togu haporseaotta boi do taadopi hasusaan na songon badai, termasuk ma i tikki masa bencana alam.

8-9. Aha do na masa tu si Anel, jala aha na mangurupi ibana?

⁸ Taparrohahon ma jo pengalaman ni donganta si Anel na tinggal di Puerto Riko. Hea do ibana mangadopi situasi na borat na manguji haporseaonna. Di taon 2017, masa ma Badai Maria di ingananna tinggal na mambahen sega jabuna. Alani badai i, gabe dang adong be karejona. Didok ibana, “Dung badai i, gabe susa do ngolukku. Jala gabe sai marsak do au. Alai nang pe songon i, berupaya do au torus manjaga haporseaokku tu Jahowa. Jala sai martangiang do au.”

⁹ Aha do na mangurupi si Anel asa martahan mangadopi situasi i? Didok ibana, “Huihutton do petunjuk ni Jahowa sian organisasina asa boi au tenang. Hurasahon do songon dia Jahowa mangurupi au marhite akka dongan. Dipatogu nasida do au jala dilean akka na huhaporluhon.” Didok ibana muse, “Dilean Jahowa do tu au aha na huhaporluhon, lobi sian na hupangido tu Ibana. Alani i gabe lam togu ma haporseaokku.”

10. Molo masa tu hamu hasusaan na songon badai, aha do na boi mangurupi hamu?

¹⁰ Sipata taadopi do hasusaan na songon badai. Misalna bencana alam manang masalah kesehatan. Gabe marsak do hita alani i. Jala sipata olo do dang taboto aha na ikkon taulahon. Alai unang ma sappe gale haporseaotta alani i. Torus ma hita jonok tu Jahowa marhite tangiang. Jala tarimangi ma songon dia Jahowa saleleng on mangurupi hita. (Ps. 77:11, 12) Molo taulahon i, gabe toktong ma togu haporseaotta. Jadi pos ma rohatta molo tung pe taadopi hasusaan, dang tadikkonon ni Jahowa hita.

11. Boasa ikkon unduk hita tu petunjuk ni organisasi?

 ¹¹ Aha do na boi mangurupi hita tikki masa hasusaan? Songon na didok si Anel nakkin, porlu do hita unduk tu petunjuk ni organisasi. Ikkon pos do rohatta tu akka dongan na manguluhon hita. Olo do dilean naposo haposan petunjuk na so masuk akkal tahilala. Alai taingot ma, dipasu-pasu Jahowa do akka halak na unduk. Terbukti ma i sian contoh na disurat di Bibel dohot sian pengalaman ni akka donganta. (2 Mus. 14:1-4; 2 Kron. 20:17) Molo tarimangi i, gabe mura ma hita unduk tu petunjuk ni organisasi saonari dohot di ari na naeng ro. (Heb. 13:17) Jala dang pola mabiar be hita molo tung pe masa hasusaan na umbalga di ari na naeng ro.​—Poda 3:25.

12. Sesuai tu ilustrasi ni Jesus di Lukas 18:1-8, boasa boi haporseaon mangurupi hita martahan manaon ketidakadilan?

¹² Diboto Jesus adong dope hasusaan na lao diadopi akka siseanna, i ma ketidakadilan. Jadi asa boi nasida martahan, dipaboa Jesus ma sada ilustrasi, i ma taringot ina na mabalu na torus mangido keadilan tu sahalak hakim na so mabiar tu Debata. Pos do roha ni ina na mabalu i nang pe dang halak na burju hakim i, alai molo torus ibana ro pasti do dioloi hakim i pangidoanna. Aha do parsiajaranna tu hita? Jahowa Debata na adil. Didok Jesus, “Pasti do bahenon ni Debata hukum na tigor tu halak na pinillitna, na jou-jou tu Ibana arian dohot borngin.” (Jaha Lukas 18:1-8.) Jadi ikkon tatiru do haporseaon ni ina na mabalu i. Alana didok Jesus taringot ibana, “Tikki ro Anak ni jolma i, juppangna dope jolma na songon i haporseaonna di tano on?” Molo tung pe manaon ketidakadilan hita, sabar ma hita. Pasti do bertindak Jahowa mambela hita. Torus ma hita martangiang. Pos ma rohatta dialusi Jahowa do tangiangta i di tikki na pas, nang pe sipata dang songon na taharappon alusna.

13. Songon dia do tangiang mangurupi keluarga ni si Vero?

¹³ Saonari, taparrohahon ma jo pengalaman ni donganta si Vero, na tinggal di Republik Demokratik Kongo. Suamina dang Saksi Jahowa jala adong do boruna na marumur 15 taon. Tikki masa porang sipil di huta ni nasida, melarikan diri ma si Vero, suamina, dohot boruna i. Tikki na melarikan diri i, ditakkup akka tentara ma nasida di perbatasan jala diancam lao dipamate. Tangis ma si Vero. Alai anggo boruna i, tenang do ibana. Dung i martangiang ma boruna i. Gogo do soarana martangiang, jala mulak-ulak do dijou ibana goar ni Jahowa. Dung sae martangiang, disukkun tentara i ma ibana, “Ise do na mangajari ho martangiang?” Dialusi boruna i ma, “Omakku do na mangajari au martangiang songon na disurat di Mateus 6:9-13.” Dung i didok tentara i ma mangalusi, “Attong lao ma hamu. Sai dijaga Jahowa ma hamu!”

14. Boha do molo dang langsung dialusi Jahowa tangiangta songon na taharappon?

 ¹⁴ Sian pengalaman ni donganta si Vero on, taboto ma penting hian do martangiang. Alai boha do molo dang langsung dialusi Jahowa tangiangta songon na taharappon? Taingot ma ina na mabalu na di ilustrasi ni Jesus i. Torus ma hita martangiang mangido tondi parbadia ni Jahowa, jala pos ma rohatta dang tinggalhonon ni Jahowa hita. Pasti do dialusi Jahowa tangiangta i di tikki na pas. (Plp. 4:13) Taingot ma, dang leleng nai be hasusaatta on. Satokkin nai, dihapus Jahowa ma akka na haccit sian rohatta. Jadi molo torus hita martahan manaon hasusaatta saonari, gabe togu ma haporseaotta. Gabe boi ma hita martahan manaon hasusaan na umbalga di ari na naeng ro.​—1 Ptr. 1:6, 7.

15. Songon na disurat di Mateus 17:19, 20, tantangan aha do na diadopi akka sisean ni Jesus?

¹⁵ Diajarhon Jesus do tu akka siseanna, molo togu haporseaon ni nasida boi ma diadopi nasida tantangan manang aha pe. (Jaha Mateus 17:19, 20.) Misalna, sada tikki dang marhasil akka sisean mangusir suru-suruan na jahat. Hape sebelumna marhasil do halak i. Attong boasa gabe dang boi nasida mangusir suru-suruan na jahat i? Jesus mandok ala hurang togu haporseaon ni nasida. Hape molo togu haporseaon ni akka sisean i, mangatasi akka tantangan na songon balga ni dolok pe, boi do halak i. Hita pe boi do mangatasi akka tantangan na borat na songon balga ni dolok molo togu haporseaotta.

16. Songon dia do haporseaon boi mangurupi donganta si Geydi asa martahan mangadopi situasi na maol?

¹⁶ Taparrohahon ma pengalaman ni donganta borua si Geydi, na tinggal di Guatemala. Tikki mulak halak i sian parpunguan, mate hona bunu ma suamina, si Edi. Aha do na mangurupi ibana toktong martahan mangadopi na masa i? Didok ibana, “Boi do au martahan manaon i ala hupasahat do sude arsak ni rohakku tu Jahowa. I ma na mambahen dame pakkilalaakku. Dipakke Jahowa do akka dongan dohot keluargakku patoguhon au. Ala torus do au sibuk marbarita na uli, gabe moru ma arsak ni rohakku. Jala dang pola khawatir be au mamikkiri ari sogot. Mulai sian i marsiajar ma au aha pe na masa di ari na naeng ro, pasti boi do taadopi molo diurupi Jahowa, Jesus, dohot organisasina.”

17. Aha do na boi mangurupi hamu mangadopi situasi na borat na songon balga ni dolok?

¹⁷ Manang aha pe tantangan na taadopi saonari, tapakke ma situasi i gabe kesempatan lao patoguhon haporseaotta. Misalna molo mate halak na tahaholongi, pasti lungun do rohatta. Alai boi do toktong togu haporseaotta molo tarimangi janji ni Jahowa taringot tu haheheon. Dung i, lungun do rohatta molo adong keluargatta na dipecat. Alai taingot ma, pengaturan ni Jahowa do na dumenggan. Pasahat ma sude arsak ni rohamuna tu  Jahowa. Unang ma mandao hamu sian akka dongan sahaporseaon, alai toktong ma hamu jonok tu nasida. (Poda 18:1) Nang pe marsak dope hamu alani situasi na borat i, toktong ma hamu sibuk. (Ps. 126:5, 6) Torus ma hamu marpungu, marbarita na uli, dohot manjaha Bibel. Asing ni i, torus ma ingot hamu akka janji ni Jahowa di ari na naeng ro. Molo nungnga dirasahon hamu songon dia Jahowa mangurupi hamu, gabe lam togu ma haporseaonmuna.

18. Molo tasadari na hurang dope haporseaotta, aha do na porlu taulahon?

¹⁸ Tikki mangadopi situasi na maol, olo do ra gabe tasadari hurang dope haporseaotta. Alai unang ma menyerah hita. Berupaya ma hita patoguhon haporseaotta. Tatiru ma akka sisean ni Jesus na mandok, “Tambai ma haporseaonnami.” (Luk. 17:5) Marsiajar ma hita sian akka pengalaman ni donganta naung dibahas di artikel on. Misalna songon si Miguel dohot si Yurai, sai taingot ma songon dia Jahowa mangurupi hita saleleng on. Molo sian boru ni si Vero dohot si Anel, marsiajar ma hita ikkon toktong do hita martangiang tu Jahowa, khususna tikki masa situasi na massai borat. Jala songon donganta si Geydi, tajalo ma bantuan ni Jahowa marhite akka dongan dohot keluargatta. Molo diloas hamu Jahowa mangurupi hamu saonari, gabe pos ma rohamuna pasti urupanna do hamu mangadopi hasusaan manang aha pe di ari na naeng ro.

19. Boasa ikkon togu haporseaotta?

¹⁹ Nang pe hea hurang haporseaon ni akka sisean ni Jesus, alai diurupi Jesus do nasida patoguhon haporseaonna. Dipapos Jesus do roha ni akka sisean i, na urupan ni Jahowa do nasida. (Joh. 14:1; 16:33) Pos do tong roha ni Jesus tu punguan bolon, na boi do halak i martahan mangadopi hasusaan bolon molo marhaporseaon na togu. (Pgk. 7:9, 14) Hamu pe pasti boi do selamat, molo diurupi Jahowa jala molo berupaya hamu patoguhon haporseaonmuna!—Heb. 10:39.