Magodang di Warialda do au, sada kota na gelleng di New South Wales. Memelihara domba dohot sapi do akka halak na disi jala martani. Ias do kota i, jala dang godang parjahat disi.

Anak siakkangan do au sian sappulu tubu ni omak. Jadi tikki marumur 13 taon, mulai ma au karejo lao mangurupi memenuhi kebutuhan keluarganami. Ala dang tamat au sikkola, karejo di peternakan do au. Tikki marumur 15 taon, nungnga gabe parmahan be au. Tugashu i ma mambahen asa jinak akka hoda.

Tabo do karejo di peternakan i. Alana lomo do rohakku tu karejokki jala bagak do lingkunganna. Tikki borngin biasana hundul do au di jonok ni api unggun sambil mangida bulan dohot bintang. Jala molo mangullus alogo tikki borngin, boi do huanggo angur ni akka rumput. Tikki i, hupikkiri do pasti adong do Debata na manoppa i sude. Alai di peternakan i, godang do akka halak na sering mamburai jala marisap. Ala mardongan au tu halak i, gabe dohot ma au sering mamburai jala marisap.

Tikki marumur 18 taon, pinda ma au tu Sydney lao melamar gabe anggota militer. Alai ala dang tamat au sikkola, gabe dang boi au masuk tusi. Dung i dapottu ma karejo di Sydney, jala disi ma au tinggal saleleng sataon. Di tikki i ma au parjolo sahali pajuppang dohot Saksi Jahowa. Dohot do au marpungu rap dohot nasida jala pittor huboto ma, ajaran na sittong do na dihaporseai nasida.

Alai dang leleng dukkon i, mulak ma muse au tu ladang. Pinda ma au tu Goondiwindi, Queensland. Disi ma au karejo jala mangoli. Alai disi mulai do au minum-minum.

Adong dua anaknami. Disi tubu nasida, mulai ma hupikkiri tujuan ni ngolukku. Gabe huingot ma, hea do au marpungu dohot Saksi Jahowa di Sydney. Jala gabe tergerak do au lao bertindak.

Juppangku ma majalah Menara Pengawal na leleng. Adong do disi alamat kantor cabang ni Saksi Jahowa di Australia. Jadi hukirim ma surat tusi. Hasilna ro ma sahalak Saksi Jahowa manjuppangi hami. Burju do ibana jala parduli do ibana tu hami. Pittor marsiajar Bibel do au dohot ibana.

Dung marsiajar Bibel, sadar ma au ikkon muba do au. Gabe sadar ma au dung hujaha ayat di 2 Korint 7:1 na mandok ikkon tapaias ma diritta sian akka na mambahen ramun dagingta.

Ujungna hubahen ma keputusan lao pasohon kecanduanki marisap jala minum-minum. Dang mura mangulahon i. Alana nungnga leleng au kecanduan. Alai bertekad do au lao mambahen las roha ni Debata di ngolukku. Tikki i, adong prinsip ni Bibel na mangurupi au, i ma Rom 12:2 na mandok, “Unang be tiru hamu akka halak na di portibi on. Alai muba ma hamu marhite paubahon pikkiranmuna.” Dung hupikkiri ayat i gabe sadar ma au, asa boi hupaso kecanduanki ikkon hupadenggan do cara berpikkirhu. Ikkon hutiru do cara berpikkir ni Debata na magigi tu kecanduanki. Ala diurupi Debata, ujungna marhasil do au pasohon kebiasaan marisap jala minum-minum.

Na paling maol hupaso, i ma kebiasaan mamburai. Huboto do nasehat di Epesus 4:29 na mandok, “Unang ma kaluar akka hata na so denggan sian pamanganmuna.” Alai dang boi hatop hupadenggan carakku makkatai. Godang do manfaatna tu au dung hupikkiri hata na disurat di Jesaya 40:26 na mandok, “Bereng ma doppak langit, jala ida ma. Ise do na manoppa sudena i? Debata, Ibana do na manjou nasida kaluar dos songon manjou tentara mangihutton bilanganna be. Dijou Ibana do goar ni nasida sada-sada. Dang adong nanggo sada pe sian nasida na so ro. Ai massai balga situtu do huasona jala massai gogo situtu do Ibana.” Ninna rohakku ma, molo tolap do Debata manoppa nasa na adong di alam semesta on na mambahen longang rohakku, pasti tolap do Ibana mangurupi au asa boi muba. Jadi torus ma au martangiang jala berusaha. Palan-palan, boi ma hupaso kebiasaan mamburai.

Tikki gabe parmahan au, jarang do au makkatai tu halak. Alana dang godang halak di peternakan i. Alai dung dapottu pelatihan di parpunguan ni Saksi Jahowa, gabe boi ma au denggan makkatai tu halak. Tarlumobi boi ma au denggan pasahatton barita na uli taringot Harajaon ni Debata tu akka halak.—Mateus 6:9, 10; 24:14.

Piga-piga taon na parpudi on, dilehon do tanggung jawab tambahan tu au gabe parmahan di huria. Sada hasangapon do on di au ala boi mangurupi akka dongan sahaporseaon.

Mandok mauliate do au tu Jahowa, ala olo Ibana mangajari au, halak na so tamat sikkola on. (Jesaya 54:13) Setuju hian do au tu hata na disurat di Poda 10:22 na mandok, “Pasu-pasu ni Jahowa do na mambahen halak mamora.” .