Sada ekskavator pamasukkon tano tu bagasan truk na lao dipapinda tu inganan lao pajongjokkon kantor cabang.

Akka parkarejo sian Departemen Kelistrikan mamastihon taringot pemasangan ni kabel. Inganan on lao dipakke gabe kantor sementara dohot gabe ruang makan saleleng pajongjokkon kantor cabang na baru.

Molo diida sian ginjang, tarida ma dalan na tikko lao masuk tu kantor cabang. Molo diida tu hambirang, nungnga diparade taman dohot kolam na boi diida akka na ro dohot akka halak na tading di jonok ni inganan i.

Dipapungu do akka beton sian inganan i asa dirumpakkon jala dipakke muse lao mambahen dalan.

Di gombar on, tarida ma akka parkarejo na mambahen dalan sementara dohot permanen. Dipakke nasida do gulungan na bottar songon di gombar on lao gabe fondasi ni dalan i. Molo diida di siamun, tarida ma sada mesin penggiling na padosdoshon tano lao dibahen gabe dalan.

Akka relawan mandapot hatorangan di sada sian 18 acara di jonok ni Inggris dohot Irlandia na dibahen Panitia Proyek Pembangunan. Adong lobi sian 15.000 na ro tu acara i, jala godang sian nasida mangurupi di ulaon on.

Akka parkarejo mamupuk hau wilow na bottar na baru disuan. On ma sada sian 700 hau naung disuan di inganan i. Adong do dibahen disi kolam, asa molo ro udan, tu kolam i ma aek i jala dang banjir inganan i.

Di tikki i, toktong do akka parkarejo papindahon tano songon rencana naung dibahen nang pe gok kabut. Dipapungu jala dipapinda akka kontraktor i do hira-hira 160.000 meter kubik bahan na lao dipamasuk tu lobi sian 10.000 truk!

Akka parkarejo naeng manuan suan-suanan na lao dibahen gabe pagar. Di kobun on, nungnga disuan 11 ragam ni hau dohot 16 ragam ni suan-suanan na sian inganan i.

Di hambirang, tarida ma sada mesin na dipakke lao mambahen fondasi ni inganan i. Parjolo, dipamasuk ma sada tiang bor na balga tu bagasan tano. Dung i, dipamasuk ma beton marhite tiang i. Ujungna songon na adong di gombar, dibahen akka parkarejo ma baja dohot besi penguat lao mambahen fondasina. Nungnga dibahen lobi sian 360 titik na dipakke gabe fondasi ni inganan i.

Sogot dope jala ngali, sahalak parkarejo mamasang pipa ni aek na lao dipakke tu kantor sementara.

Ekskavator mambolokkon gambo dohot sampah di kolam na di jonok ni inganan i. Piga-piga kolam on nungnga kotor jala ingkon dipaias. Ulaon on dibahen asa unang banjir jala erosi inganan i. Andorang so diulahon dope ulaon on, lobi sian 2.500 dengke dipapinda tu kolam na asing.

Molo diida sian ginjang, nunga dibahen fondasi ni dua inganan ni angka parkarejo Betel. Di siamun, dibahen do angka fondasi na asing. Di hambirang, tarida ma fondasi ni inganan i naung sae diparade. Di tongatonga, tarida ma sada mesin na mambahen fondasi tu inganan i.

Sahalak parkarejo mandompol pintu di Inganan ni Angka na Ro andorang so dicet. Di inganan on, boi ma angka na ro mangida pameran na patuduhon ulaon on jala mangida perkembangan ni ulaon on sian inganan na timbo.

Dibahen ma sada mesin na dipangke asa mura menara i marputar. Timbo ni mesin on hirahira 40 meter jala boi mangangkat bahan na boratna hirahira 18 ton.

Sahalak parkarejo mamotong semen naung dicetak sahat tu batas naung ditontuhon. Dungkon i, diingkat ma angka bosi i sian tongatonga sahat tu na dipamasuk muse betonna.

Angka parkarejo mamasang dua tanda JW.ORG di dinding na adong di jonok ni pintu masuk laho tu kantor cabang.

Molo diida sian ginjang, tarida ma dalan na tikko naung sae dibahen jala godang motor di dalan laho masuk tu kantor cabang. Di hambirang, tarida ma tanda JW.ORG di pintu laho masuk tu kantor. Angka kolam dohot taman pe nunga sae dibahen jala gabe bagak ma dalan i.

Ganjang ni menara on 65 meter, jala boi manaruhon bahan tu opat sian lima inganan na laho dipangke angka parkarejo Betel. Tarida do angka parkarejo laho mambahen fondasi ni inganan ni parkir. Angka baja pe nunga diparade jala naeng dipangke gabe tiang dohot fondasi ni inganan i.