Jéova be é ha demtcha’ bi pe bè ba pe djwi. A be yôkpe tsu’ tchwe. Si la te gre dendze mbè pou dendze mdjwi, Adam pou Éva, ge wap tchwe kèbeng pe—a le be é da’ gre m angélé kèbeng. (Job 38:4, 7) Si be é le pem dendze mbè neng ning é tchum ta’ paradisi pou ké ge ka Éden. (Genèse 2:15-17) Yu ba po pye le fing ne tchwe demtcha’ mama.​—Ké Psaume 37:29; 115:16.

Tchwe ne to’, da’ ka Éden ne le be ta’ paradisi. Adam pou djwi é Éva le bo gô logne demtcha’ pou a po pap. Tam le gô neng ne tchye, a wap le goung demtcha’ wè ne gre paradisi. (Genèse 1:28) Pou te gô la’ simgne demtcha’ pe. Pômneng gô la’ pe tchwe a dem o.​—Ké Psaume 104:5.

Yô vidéo Si le nyapte demtchaʼ ne ke?

Adam pou Éva be wap le tuôtse bi Jéova, é neng jeng wap tchum ka Éden. A le pe po’o pou pi paradisi; sôm mo le neng be be é khou’gne ne ping ba’ ya. Pa’ Bible gôm a, “A be pou tak demtcha’ ne pou mo tchwepoung.”—Job 9:24.​—Ké Genèse 3:23, 24.

A be Jéova la te khou’gne ne logne kwègne ne tho’ ye a le be é ghe ne ye tse pômsoung a? Gè! É be gè Mtuô Awè. Ywe te tchye é pe. (Isaïe 45:18) É gô ghe ge moneng pegne ne tchi pa’ é le bo tcheng te fe tchwe ne to’ a.​—Ké Psaume 37:11, 34.

Paradisi gô ping tchwe pe demtcha’ tchwe ye Yéso, Fo ye Si tchwô’ é a, gô po sa’ a. Yéso pou a m angélé pye gô ti simgne goung pô pye wap thé dju’ bi Si a, tchum shu ye  pou khé ge Harmagedon a. É gô neng lou ning Sata tchè ne mgou’ sha’a. Pô pye wap gamte Si a gô ti vôk ne pa’ Yéso gô tchya wap neng pômte wap a. Wap gô ti tchwe tchum paradisi ne mama.​—Ké Apokalipse 20:1-3; 21:3, 4.

Si gô ghe ge tchwepoung mi demtcha’ tchwe ke? Yéso be é le ha “mting” mye a le bo gô la’te ge tchwe ye wôdzu tchwepoung gô mi a bo sô’ô. Mnwe tchwepoung mye a bo tchyete tchwelô a bo tcheng a ne simgne pômsoung. Yeng nwe neng bo da’te ge pe be tchum “tchwe ye wôdzu tchwepoung gô mi a.”​—Ké Matio 24:3, 7-14, 21, 22.

Ne mgou’ sha’ mye Yéso gô ti tchwe kèbeng sa’ demtcha’ a, é gô ti ghe ge goung mgheghô wè mi. (Isaïe 9:6, 7; 11:9) É te gô ti fa’ da’ pa’ Fo a pe, é gô ti fa’ ba pa’ Kham Noung Pwô’ a, neng vegne mhô pô pye wap koung Si a. A neng be po’o Si tchye m ne é simgne gho, ne vo ba vu.​—Ké Isaïe 25:8; 33:24.

Pô pye wap djou’gne bi Si a ne gô ti tchwe tchum paradisi. (1 Yohané 2:17) Yéso be é le tem pekhu pye ge wap tcheng pô pye wap ghe ma fi’ne a, neng ji’te wap tchi pa’ wap fing ne ji tchi pô pye Si koung a. (Sophonie 2:3) Tyô’ô, Jéova bo nyapte mshou’shou’ pô ne ti tchwe tchum paradisi ye a we sô demtcha’ a. Tchum Mdye Nefo Mkwithè Jéova, pou dagne ne ji mdze ke mta pepoung le, ne ji pe djwi ke m ma pepoung le. Mta po pou a po pap sô’ tsu’u bemte gamte Si, neng dagne ne le pepoung tchwe tchye m ne potse tsye Bible dagne a.​—Ké Miché 4:1-4.