Ne paʼ tso Mdye Nefo ne daʼte a, a be mtsuʼ ne jiʼte ywe ye Bible gôm ne Nefo Si​—tse ghôm ye Yéso le tchwiʼte a.​—Loukasi 8:1.

A be mtsuʼ ne ha ghamte nyenyô bi Si. A be tsuʼou te pou nyapte faʼ ne sing ghôm Si tchum mbap tsuʼ bô. (Matio 24:14) Mdye Nefo te be a kwi foʼ ke kwi tchi le ne goung mtsuʼ awè pe, daʼge a be pou ka kwe ma bô ŋaʼŋaʼ é pe. Medou mbemte be she mtam tchouʼte tchum taʼ Dye Nefo. Ne meng juôjum mgouʼdzu, a be pye kwe medou Mdye Nefo, ke bing nyapte she le (a tchwe paʼ pou kwe yetô ne tyèʼdzu a), dou paʼ deng pô bo kwiʼ téʼ tchum mbemte a. A tchye kwaʼ m ge ke te be poʼo?​—Matio 19:26.

Pou de mboutchi mye pômneng de pountum ha a, ne kwe ma. Pou tchya khap bô tsuʼ ne dé mfaʼ tchum goung, jye ge a gô ghô bi mbemte mye a bo tcheng ge wap kwe taʼ Dye Nefo a ke nyapte ye a si a le.

Pô pou le pe bé wap, be fe ne tchitchi mgoung, ne kwe ma. A be tchum medou mgoung, Pô be bemte faʼ ne kwe Mdye Nefo pe si. Pe le pountum faʼa pou a mghè faʼ ne kwe Mdye Nefo bô ginte, be fe ne taʼ bemte gô ne mouʼou, be gô ba te guô sesuô, ne kwite pô pye wap pou a pou bemte gamte Si a, ne kwe map mtsuʼ ne gamte Si. Ne she mtsuʼ, Mkwithè pye wap jye faʼ a nyapte tchi paʼ pou gô ne kwe Mdye Nefo a, ba tchi paʼ pou gô ne nyapte mye a si ne taʼ pap tsuʼ a. Ba m paʼ medou Mkwithè pye wap jye faʼ, neng be tchwe beng tsuʼ ye pou we kwe Dye Nefo ne a kwite ne faʼ a, Mkwithè ye bô pap tsuʼ ne faʼ ye gheng gwye ne mfaʼ. Jwégne Jéova pou a kaktuô mfe ne kwite ne ghe ya.​—Psaume 127:1; Kolosai 3:23.

• Nweke pye khé mtsuʼ môk ne gamte Si ge Mdye Nefo?

• Pye gre m ge ke te kwe Mdye Nefo môk ne goung demtchaʼ awè?