Si tcheng ge pe tchwe mama tchum byagne ba ŋwègne dem tchaʼa be a ji paradisi!

Mouʼtchwe o ghôm ge, gè, a ka fing ne pe poʼo. Bible gôm ge Nefo Si gô sôʼ ghe ge a pe poʼo. Si neng bo tcheng ge pômsoung lagne nyenyô ne Nefo é ba ywe ye é bo tcheng ne ghe bi pe a.​—Psaume 37:11, 29; Isaïe 9:7.

Si bo tcheng pepoung yôkpe.

Taʼ ta pepoung tcheng a tse tsye a be a poung téʼ a bi po pye. Dendeng poʼo, Ta yôkpe ye é kèbeng a tcheng ge pe pe a tchum ŋwègne mama. (Isaïe 48:17, 18) É be é kaʼgne ge: “Mo ye é gre ywe ye Si tcheng a tchwe mama.”​—1 Yohané 2:17.

Si bo tcheng ge pe ying ne mjye mye.

Bible gôm ge Gè Pem wôkpe tcheng ne ‘ha mthôk mye bi peʼ, poʼo ge pe “ying ne mjye mye.” (Isaïe 2:2, 3) É be é tchwôʼ ‘taʼ temlaʼ ne tso tsyeʼ ne ne gre ge pou jye ywe ye é tcheng a ne demtchaʼ awè.​—Mfaʼ 15:14.

Si tcheng ge pe ghamte é tchum thamte.

Ghamte nyenyô te hapte pômneng pe, a de koungne nyenyô ne thamte wap. (Yohané 13:35) Pe we be tyôʼô be dagne bi pô be them bahale, pebè pou a pedjwi, ne ghamte Si tchum thamte? Yô paʼ ne hente yeng tchum ŋwaʼgne yenge.