Ezai 2:1-22
2 Zida nin Zerizalɛmun be su ndɛ nga Amɔzu i wa Ezai wunnin i’n yɛ:+
2 Blɛ kasiɛn’n nun’n,*oka nga Zoova i sua’nwo su’n,ɔ́ táka kpa, ɔ́ trá oka’mbe su,+kpɛkun ɔ́ trá kpɔlɛ’m be su,Yɛ nvlenvle’m be kwlaabe nunfuɛ’m bé tú kpubé kɔ́ lɔ.+
3 Sran kpanngban bé kɔ́, kpɛkun bé sé kɛ:“An bla, maan e fu Zoova i oka’n su lɔ,maan e wɔ Zakɔbu i Ɲanmiɛn’n i sua’n nun lɔ.+Ɔ́ wá klé e i atin mun,yɛ é nánti i atin’m be su.”+Afin mmla’n* ɔ́ fín Siɔn lɔ,yɛ Zoova i ndɛ’n ɔ́ fín Zerizalɛmun lɔ.+
4 Ɔ́ wá dí nvlenvle’m be jɔlɛ,yɛ ɔ́ tínngɛ* nvle kpanngban be ndɛ mun.Bé wá fá be tokofi mun bé yó tokpo,yɛ bé fá be cua mun bé yó wlɔsɔ.+Nvle kun su manman tokofi su nvle uflɛ wun,yɛ be su suanman alɛkunlɛ kun.+
5 Ee, Zakɔbu i awlo, bla,bla maan e nanti Zoova i kpajalɛ’n nun.+
6 Afin a yacili ɔ nvle’n, a yacili Zakɔbu i awlo’n,+afin wia afiliɛ lɔ ninnge mun b’a yi be nvle’n piɛ.Be yi atrɛ+ kɛ Filistifuɛ mun sa,yɛ aofuɛ ba mun b’a yi be nvle’n piɛ.
7 Sika nin sika ɔkwlɛ’n b’a yi be nvle’n piɛ,yɛ be diman be ninnge kpakpa’m be yalɛ.Nnɛn kpanngɔ’m b’a yi be nvle’n piɛ,yɛ be diman be kakaklolo’m be yalɛ.+
8 Amuin mɔ be timan like fi’n b’a yi be nvle’n piɛ.+Be koto like nga be bɔbɔ be fali be sa yoli’n i bo,be koto like nga be bɔbɔ be fali be sa mma yoli’n i bo.
9 Ɔ maan sran leman ɲrun kun, i ɲin w’a gua ase,yɛ a kwlá yaciman be sa tɛ’n cɛman be.
10 Amun wlu yɔbuɛ buɛ’n nun, yɛ amun fia ndutre’n nun,Zoova i ya dan’n,ɔ nin i aɲrunɲan dan’n ti.+
11 Sran ng’ɔ yo i wun dandan’n, bé wá gúɛi ɲin ase,yɛ be nga be tu be wun’n, be wun tulɛ’n ɔ́ kán ase.Zoova kunngba cɛ yɛ ɔ́ ɲán ɲrun cɛn sɔ’n nun-ɔn.
12 Afin cɛn sɔ’n ti Zoova m’ɔ ti sonja’m be su kpɛn’n i liɛ.+Cɛn sɔ’n nun’n, ɔ́ dí be kwlaa nga be yo be wun dandan mɔ be tu be wun’n be jɔlɛ,ɔ́ dí be nga be le ɲrun’n, ɔ nin be nga be leman ɲrun’n be jɔlɛ,+
13 Ɔ́ dí Liban lɔ sɛdri waka fleinflein mɔ be o nglonglo kpa’n be kwlaa,ɔ nin Basan lɔ sɛnin waka’m be kwlaa be jɔlɛ.
14 Ɔ́ dí oka fleinflein’m be kwlaa,ɔ nin kpɔlɛ fleinflein’m be kwlaa be jɔlɛ,
15 ɔ́ dí sua fleinflein mun, ɔ nin talɛ dandan’m be kwlaa be jɔlɛ,
16 ɔ́ dí Taasisi lɔ mmeli mun,+ɔ nin mmeli nglanman’m be kwlaa be jɔlɛ.
17 Klɔ sran’n i wun dandan yolɛ’n, ɔ́ wíe,yɛ be nga be tu be wun’n, be wun tulɛ’n ɔ́ kán ase.Zoova kunngba cɛ yɛ ɔ́ ɲán ɲrun cɛn sɔ’n nun-ɔn.
18 Amuin mɔ be timan like fi’n, bé núnnún mlɔnmlɔnmlɔn.+
19 Kpɛkun sran’m bé wlú yɔbuɛ buɛ’m be nun,bé wlú kunman mɔ be o asiɛ wun’n be nun,+Zoova i ya dan’n,ɔ nin i aɲrunɲan dan’n ti.+Afin ɔ́ wá jáso kéje asiɛ’n dan kpa.
20 Cɛn sɔ’n nun’n, sran’m bé fá be amuin mɔ be timan like fi’n, mɔ be fali sika nin sika ɔkwlɛ yoli benaan bé kóto be bo’n,bé gúa be blo bé mán sru mun* nin akpannin mun,+
21 naan bé fía yɔbuɛ buɛ’mbe nun,ɔ nin yɔbuɛ dandan’m be afiɛn kunman’m be nun,Zoova i ya dan’n,ɔ nin i aɲrunɲan dan’n ti.Afin ɔ́ wá jáso kéje asiɛ’n dan kpa.
22 Ɔ bɔbɔ ɔ kpa yolɛ ti’n, nán fa ɔ wla gua klɔ sransu kun.Ɔ ti kɛ aunmuan m’ɔ fin be bue nun fite’n sa.?Ngue ti yɛ á kó fá ɔ ɲin síe i su yɛ?
Ja ngua lɔ ndɛ mun
^ Annzɛ “Mɛn’n i awieliɛ blɛ nun’n.”
^ Annzɛ “like klelɛ’n.”
^ Annzɛ “ɔ́ síesíe.”
^ Nnɛn kanngan wie mɔ be di like be ku yiman’n.
