Zeremin 5:1-31
5 Maan amun wlan sin Zerizalɛmun akpɔ’m be su.Amun niannian amun wun lɛ naan amun nian.Amun niɛnniɛn i lika gbawun’m be nun.Sɛ amún wún sran kun m’ɔ yo sa i nuan su’n nin-o,+sran kun m’ɔ nanti seiin’n nin-o,i liɛ’n, ń yáci ń cɛ́ klɔ’n.
2 Kannzɛ bɔbɔ be ta nda be se kɛ: “N kan Zoova m’ɔ lafiman’n,”ato yɛ be bua-ɔ.+
3 ?Ee Zoova, nán seiin nantilɛ’n yɛ a kunndɛ-ɔ?+A kleli be ɲrɛnnɛn, sanngɛ i sɔ’n w’a yoman be like fi.*A nunnunnin be, sanngɛ b’a fa tuman be wun fɔ.+Be yoli ɲin kekle,*+yɛ b’a kunndɛman kɛ bé sá be sin ɔ wun.+
4 Sanngɛ n seli min wun kɛ: “Kɔlɛ’n be nga be leman ɲrun’n mun-ɔn.Be di sinnzin, afin be siman Zoova i klun sa’n,*be siman be Ɲanmiɛn’n i mmla mun.
5 Ń kó kán ndɛ ń klé sran dandan mun,afin atrɛkpa’n, be liɛ’n be fali be ɲin sieli i Zoova i klun sa’n* su,be Ɲanmiɛn’n i mmla’mbe su.+Sanngɛ be kwlaa be bubuli waka ng’ɔ o be kɔminsu’n nun.Yɛ be kpɛkpɛli ɲanman’m be nun.”
6 I sɔ’n ti’n, asɔmɔli kun m’ɔ fin bo’n nun lɔ’n ɔ́ wá tɔ́ be su,blo alua kun m’ɔ fin aawlɛ flɛnnɛn’n nun lɔ’n ɔ́ wá sáci be,kangale kun la be klɔ’m be wun lɛ,sran kwlaa ng’ɔ fite’n ɔ́ títí i nun trɛtrɛtrɛ.Afin be sa tɛtɛ nga be yo’n w’a sɔn ngboko.Sa tɛ nga be yoli’n w’asɔn dan.+
7 ?N yaci n cɛ be-ɔ, ɔ yo ye?Ɔ mma’m be kpɔcili min,yɛ sran kun m’ɔ timan Ɲanmiɛn’n yɛ be bo i dunman be ta nda-ɔ.+N fali like ng’ɔ mian be sa’n n mannin be,sanngɛ be kunndɛli bian min bo titi,be tu sa kpu be ɔli tekle bla kun i awlo lɔ.
8 Be wun blibli be kɛ nnɛn kpanngɔ mɔ be kunndɛ kɛ bé fú bla’n sa,be kpan su sran uflɛ i yi su.+
9 Zoova waan yoo: “?Ɔ fataman kɛ n usa be sa kwlaa sɔ’n i nun ndɛ??Ɔ fataman kɛ n tu min klunngbɔ nvle kɛ ngalɛ’n sa’n i su?”+
10 “Amun wɔ i viɲin fie’m be nun lɔ naan amun ko saci be,sanngɛ nán amun nunnun be sekeseke.+Amun kpɛkpɛ i viɲin sama nga be ti nɔnman’n,afin be timan Zoova liɛ.
11 Afin Izraɛlifuɛ mun nin Zidafuɛ munBe nin min nantili gblɛ nun.” Zoova yɛ ɔ kan sɔ-ɔ.+
12 “Be kpɔcili Zoova, kpɛkun be kɛn i titi kɛ:‘Ɔ su yoman like fi.*+Ɲrɛnnɛn fi su tɔman e su.E su wunman tokofi, yɛ awe su kunman e.’+
13 Ndɛ nga Ɲanmiɛn nuan ijɔfuɛ’m be kan’n ɔ ti aunmuan ngbɛn,Yɛ ndɛ’n* nunman be nun.Maan be liɛ’n yo sɔ.”*
14 I sɔ’n ti’n, Zoova, Ɲanmiɛn m’ɔ ti sonja’m be su kpɛn’n waan yoo:“Kɛ mɔ sran sɔ’m be seli sɔ’n ti’n,ń má yó maan min ndɛ’n káci kɛ sin sa ɔ nuan nun,+yie yɛle sran sɔ mun,yɛ sin’n dí be.”+
15 Zoova waan yoo: “Izraɛlifuɛ mun, amun nian, ń kó fá nvle kun m’ɔ o mmuammua kpa’n ńbá naan ɔ fa alɛ wla amun sin.+Nvle sɔ’n o lɛ nán andɛ sa-ɔ.Lalafuɛ nun nvle-ɔ,a timan nvle sɔ’n i nunfuɛ’m be aniɛn’n,yɛ ndɛ nga be kan’n a kwlá wunmɛn i wlɛ.+
16 Be ta mma pata’n ti kɛ ndia kun mɔ b’a kataman su’n sa.Be kwlaa be ti safuɲrɛn.
17 Bé dí ɔ fie su ninnge nga a ɲannin be’n nin ɔ kpanwun’n sekeseke.+Bé kún ɔ mma yasua nin ɔ mma bla’m be kwlaa.Bé dí ɔ nannin mun nin ɔ bua nin ɔ boli’m be sekeseke.Bé dí ɔ viɲin nin ɔ figie mun sekeseke.Bé fá tokofi bé sáci ɔ klɔ nga a sisili be wun mɔ a fa ɔ wla gua be su’n.”
18 Zoova waan yoo: “Sanngɛ blɛ sɔ’n nun bɔbɔ’n, n su nunnunman amun sekeseke.”+
19 Yɛ sɛ be usa kɛ: ‘?Ngue ti yɛ Zoova m’ɔ ti e Ɲanmiɛn’n fali sa kwlaa sɔ’n yili e su-ɔ?’ Tɛ be su kɛ: ‘Kɛ mɔ amun yacili min lɛ mɔ amun sɔli amuin amun bɔbɔ amun nvle’n nun’n ti’n, amún wá sú aofuɛ mun nvle kun m’ɔ timan amun liɛ’n i nun.’”+
20 Amun kan ndɛ nga kle Zakɔbu i osu’n nunfuɛ mun,yɛ amun bo i jɔ Zida lɔ. Amun se kɛ:
21 “Amun mɔ amun ti sinnglinfuɛ mɔ amun wunman sa wlɛ’n,* amun sie amun su:+Be le ɲinma sanngɛ be wunman ase.+Be le su sanngɛ betiman sa.+
22 Zoova waan yoo: ‘?Amun sroman min??Nán usulɛ yɛ ɔ fata kɛ amun usu sa tututu min ɲin bo lɛ-ɔ?Min yɛ n fali aunɲan n fa jali jenvie’n i awɛ-ɔ.Ɔ kwlá kpɛman awɛ’n, ɔ ti mmla kun m’ɔ o lɛ tititi-ɔ.Kannzɛ jenvie’n mɛ́n i wun su sɛ’n, sanngɛ i wun yalɛ ngbɛn yɛ ɔ kle-ɔ.Kannzɛ ɔ́ bó sɛ’n, sanngɛ ɔ su traman su.+
23 Sanngɛ sran nga’m be liɛ’n, be ɲin su ti kekle dan, be awlɛn ti tɛ.Be kacili be sin sili min yɛ be ko fali be bɔbɔ beatin liɛ.+
24 Be buman akunndan seman kɛ:“Siɛn’n maan e sro Zoova m’ɔ ti e Ɲanmiɛn’n,afin kɛ i blɛ’n ju’n, ɔ man e nzue,nzue klikli mun-o, nzue kasiɛn mun-o, i yɛ ɔman e-ɔ,i yɛ ɔ siesie lemɔcuɛ nga be nun yɛ e ko kpɛ e fie su ninnge mun’n niɔn.”+
25 Amun bɔbɔ amun sa tɛ’n ti yɛ amun ɲanman ninnge sɔ mun-ɔn.Sa tɛ nga amun yoli’n ti yɛ amun ɲanman like ng’ɔ ti kpa’n niɔn.+
26 Klunwifuɛ’m be o min nvle nunfuɛ’m be afiɛn.Be ko sa cɛiin, kɛ anunman wun aya suafuɛ wie mɔ b’a sɛ nguku’n sa.Be sua aya ng’ɔ kwla kun’n.Sran mun yɛ be tra be-ɔ.
27 Ninnge nga be fali gblɛ be ɲannin be’n be tian be sua’m be nun,+kɛ anunman wie mɔ be tian be sua’n nun sa,i sɔ’n ti yɛ b’a kaci sran dan mɔ b’a ɲan be wun’n niɔn.
28 B’a cɛn sa lɔklɔlɔklɔɔ, b’a yo mlanmlanmlan.Klunwi yolɛ’n yɛ ɔ ti be nzuɛn-ɔn.Kɛ ɔ ko yo naan b’a ɲan be wun’n ti’n,be kanman be nga be leman si’n be ti ndɛ.+Yɛ be diman yalɛfuɛ mun be jɔlɛ mun klanman.’”+
29 Zoova waan yoo: “?Ɔ fataman kɛ n usa be sa kwlaa sɔ’n i nun ndɛ??Ɔ fataman kɛ n tu min klunngbɔ nvle kɛ ngalɛ’n sa’n i su?
30 Sa sroesroe kun m’ɔ yo ɲrɛnnɛn dan’n w’a tɔ nvle’n nun:
31 Ɲanmiɛn nuan ijɔfuɛ’m be bua ato,+yɛ Ɲanmiɛn ɲrun jranfuɛ’m be fa kwlalɛ mɔ be le i’n be tintin sran’m be su.Min nvle nunfuɛ’m be klo i sɔ liɛ’n kusu.+?Sanngɛ kɛ i kwlaa sɔ’n ko wie’n, amún yó i sɛ?”
Ja ngua lɔ ndɛ mun
^ Ebr., “b’a yoman fakafaka.”
^ Ebr., “Be keteli be ɲrun’n trali yɔbuɛ.”
^ Ebr., “i atin’n.”
^ Ebr., “i atin’n.”
^ Be kwla se ekun kɛ “Ɔ nunman lɛ.”
^ Yɛle kɛ, Ɲanmiɛn ndɛ’n.
^ Yɛle kɛ, kɛ ndɛ ngbɛnngbɛn nga be kan’n sa.
^ Ebr., “sinnglinfuɛ mɔ amun leman awlɛn’n.”
