An Inot na Surat ni Juan 1:1-10
1 Sinusuratan niyamo kamo manungod sa tataramon nin buhay+ na nag-eeksister magpuon pa sa kapinunan, na samuyang nadangog, na nahiling kan samuyang mga mata, na napagmasdan mi asin nadutan kan samuyang mga kamot.
2 (Iyo, an buhay nahayag, asin nahiling mi asin nagpapatotoo+ kami saka ibinabareta mi sa saindo an buhay na daing katapusan+ na naggikan sa Ama asin ihinayag sa samo.)
3 An samuyang nahiling asin nadangog ibinabareta mi man sa saindo,+ tanganing kamo man magkaigwa nin pakikiibahan sa samuya,* kun paanong kita gabos igwa nin pakikiibahan* sa Ama asin sa saiyang Aking si Jesu-Cristo.+
4 Asin isinusurat mi an mga bagay na ini tanganing an satuyang kaugmahan magin lubos.
5 Ini an mensaheng nadangog mi hali sa saiya asin ipinapaisi sa saindo: An Diyos liwanag,+ asin mayo lamang nin kadikluman sa saiya.*
6 Kun sasabihon ta, “May pakikiibahan kita sa saiya,” pero padagos kitang naglalakaw sa kadikluman, nagpuputik kita asin dai niyato isinasabuhay an katotoohan.+
7 Pero kun naglalakaw kita sa liwanag kun paanong siya mismo nasa liwanag, kita gabos may pakikiibahan sa lambang saro, asin linilinig kita kan dugo ni Jesus na saiyang Aki sa gabos na kasalan.+
8 Kun sasabihon ta, “Mayo kitang kasalan,” dinadaya ta an satong sadiri+ asin an katotoohan mayo sa sato.
9 Kun itinutuga niyato an satong mga kasalan, siya maimbod asin matanos, kaya andam siyang patawadon kita sa satong mga kasalan asin linigon kita sa gabos tang maraot na gibo.+
10 Kun sasabihon ta, “Dai kita nagkasala,” ginigibo ta siyang putikon, asin an saiyang tataramon mayo sa satuya.
Mga Nota
^ O “magkaigwa nin pakikisumaro sa samuya; magin kahiras niyamo.”
^ O “pakikisumaro.”
^ O “na mahihiling sa saiya.”
