Salmo 85:1-13
Para sa direktor nin musika. Salmo kan mga aki ni Kora.+ Sarong kanta.
85 Kinahirakan mo, O Jehova, an saimong daga;+Ibinalik mo an mga nabihag hali sa Jacob.+
2 Pinatawad mo an pagkakasala kan saimong banwaan;Pinara* mo an gabos nindang kasalan.+ (Selah)
3 Pinugulan mo an bilog mong kabangisan;Ruminayo ka sa nag-iinit mong kaanggutan.+
4 Ibalik mo kami sa dati,* O Diyos nin samong kaligtasan,Asin ipagilid mo an kaanggutan mo sa samo.+
5 Maaanggot ka daw na marhay sa samo sagkod lamang?+
An kaanggutan mo daw papalawigon mo sagkod sa gabos na henerasyon?
6 Dai mo daw kami papakusugon girarayTanganing mag-urugma an banwaan mo nin huli sa saimo?+
7 Ipahiling mo sa samuya an saimong maimbod na pagkamuot, O Jehova,+Asin itao mo sa samuya an saimong pagliligtas.
8 Dadangugon ko an sasabihon kan tunay na Diyos na si Jehova,Huling manungod sa katuninungan an itataram niya sa banwaan niya,+ sa mga maimbod sa saiya,Alagad, lugod na dai na sinda sa giraray sobrang magtiwala sa sadiri ninda.+
9 Sigurado nanggad na an saiyang pagliligtas harani sa mga may pagkatakot sa saiya,+Tanganing an kamurawayan niya magpirmi sa satuyang daga.
10 Magkakanuparan an maimbod na pagkamuot asin kaimbudan;Mahadok sa lambang saro an katanusan asin katuninungan.+
11 Matubo sa daga an kaimbudan,Asin madungaw hali sa kalangitan an katanusan.+
12 Iyo, itatao ni Jehova kun ano an marahay,*+Asin itatao kan satong daga an ani kaiyan.+
13 An katanusan malakaw sa atubangan niya,+Asin magibo iyan nin dalan para sa mga lakad niya.
