Talinhaga 24:1-34
24 Dai ka mauri sa mga maraot na tawo,Asin dai mo pagmawuton na makaibanan sinda,+
2 Huli ta kadahasan an pigpaparahurop-hurop kan puso ninda,Asin paggibo nin maraot an itinataram kan mga ngabil ninda.
3 Paagi sa kadunungan napapasarig an harong,*+Asin paagi sa pakasabot napaparigon iyan.
4 Paagi sa kaaraman napapano an mga kuwarto kaiyanNin gabos na klase nin mamahalon asin magagayon na kayamanan.+
5 An tawong madunong makusog,+Asin paagi sa kaaraman nadudugangan nin sarong tawo an saiyang kusog.
6 Paagi sa mahusay* na paggiya isasagibo mo an saimong pakikigiyera,+Asin pag dakul an parakonseho* may kapangganahan.*+
7 An tunay na kadunungan dai kayang kamtan nin sarong mangmang;+Sa may trangkahan nin siyudad mayo siyang naitataram.
8 An siisay man na nagpaplano nin maraot,Aapudon na ekspertong parapakana.+
9 An sa-buang mga pakana* pasiring sa kasalan,Asin ikinakabaldi nin mga tawo an sarong paratuya.+
10 Kun pangluyahan ka nin buot sa aldaw nin kasakitan,*An saimong kusog magigin diit na lang.
11 Iligtas mo idtong mga dinadara pasiring sa kagadanan,Asin pugulan mo idtong mga nagsasayasay* pasiring sa bunuan.+
12 Kun ika magsabi, “Pero dai mi aram an manungod digdi,”
Bako daw na an Saro na nagsisiyasat sa mga puso* nasasabutan iyan?+Iyo, an Saro na nagmamasid sa saimo* maaaraman iyan
Asin babalusan an lambang tawo sigun sa saiyang mga ginigibo.+
13 Aki ko, magkakan ka nin tangguli, ta marahay iyan;An tangguling hali sa harong nin putyukan mahamis sa pangnamit.
14 Siring man, dapat mong maaraman na an kadunungan marahay para sa saimo.*+
Kun makua mo iyan, magkakaigwa ka nin puturo
Asin dai mapapara an paglaom mo.+
15 Dai ka mag-abang harani sa harong kan matanos tanganing siya tambangan;Dai mo paggabaon an saiyang lugar na pig-iistaran.
16 Huli ta matumba man nin pitong beses an matanos, mabangon pa man giraray siya,+Pero an mga maraot magkakasiringkog dahil sa kapahamakan.+
17 Pag an kalaban mo bumagsak, dai ka maggaya-gaya,Asin pag siya masingkog, dai mo pabayaan an puso mo na mag-ugma;+
18 Ta kun iyo, mahihiling iyan ni Jehova asin dai siya mauugma,Asin hahalion Niya sa saiya* an kaanggutan niya.+
19 Dai ka maanggot* nin huli sa mga maraot;Dai ka mauri sa mga tampalasan na tawo,
20 Huli ta mayong puturo para sa siisay man na maraot;+An lampara kan mga maraot mapapalsok.+
21 Aki ko, magkaigwa ka nin pagkatakot ki Jehova asin sa hadi.+
Asin dai ka makiiba-iba sa mga parakontra,*+
22 Huli ta maabot nin bigla an kapahamakan ninda.+
Siisay an makakaaram kun anong kalaglagan an ipapaabot sa sainda kan duwa?*+
23 An mga kasabihan na ini hali man sa mga madunong:
Bakong marahay an paghusgar na may ipinapaurog.+
24 An siisay man na nagsasabi sa maraot, “Matanos ka,”+
Mamaldisyunon kan mga banwaan asin kokondenaron kan mga nasyon.
25 Alagad mapaparahay idtong mga nagsasagwi sa saiya;+Mga bendisyon nin mararahay na bagay an mapapasainda.+
26 Hahadukan kan mga tawo an mga ngabil kan saro na minasimbag nin onesto.*+
27 Ipreparar mo an saimong trabaho sa luwas, asin andamon mo an gabos sa saimong uma;Dangan itugdok mo an saimong harong.*
28 Dai ka magtestigo na mayo man nin basehan laban sa saimong kapwa.+
Dai mo paggamiton an saimong mga ngabil tanganing dayaon an iba.+
29 Dai ka magsabi: “Gigibuhon ko saiya an ginibo niya sakuya;Babaluson ko siya sa ginibo niya.”*+
30 Nag-agi ako sa uma kan saro na hugakon,+Sa ubasan kan tawong mayo nin marahay na pagmansay.*
31 Nahiling kong puro duot* na an nagtubo diyan;Pano na nin matunok na awot an daga,Asin gaba na an kudal na gapo kaiyan.+
32 Naobserbaran ko iyan asin isinapuso;Nahiling ko iyan asin nanudan an leksiyon na ini:*
33 Dikit pang pagturog-turog, dikit pang pagturutungka,Dikit pang pagkuru-kurumo* para magpahingalo,
34 Asin maabot nin siring sa sarong tulisan an pagtios mo,Asin nin siring sa sarong tawong armado an saimong pagkatikapo.+
Mga Nota
^ O “pamilya.”
^ O “madunong.”
^ O “parataong sadol.”
^ O “kaligtasan.”
^ O “An mga pakana nin sarong mangmang.”
^ O “sa mga panahon nin problema.”
^ O “nagriripay-dipay.”
^ O “motibo.”
^ O “sa kalag mo.”
^ O “mahamis sa kalag mo.”
^ An buot sabihon, sa kalaban.
^ O “mag-init.”
^ O “sa mga pabor sa pagbabago.”
^ An buot sabihon, si Jehova asin an hadi.
^ O posibleng “Siring sa paghadok an prangkang pagsimbag.”
^ O “pasarigon mo an saimong pamilya.”
^ O “Mabalos ako sa saiya.”
^ O “kulang nin marahay na pagmansay.” Sa literal, “mayong (tikapo an) puso.”
^ O “awot.”
^ Sa literal, “Inako ko an disiplina:”
^ O “pagkurukayumkom.”
