PAGPUON NIN PAKIKIPAG-ULAY
LEKSIYON 3
Kabuutan
Prinsipyo: “An pagkamuot . . . mabuot.”—1 Cor. 13:4.
Kun Ano an Ginibo ni Jesus
1. Hilingon an VIDEO, o basahon an Juan 9:1-7. Dangan pag-isipan an minasunod na mga hapot:
-
Ano nguna an ginibo ni Jesus—pinaumayan an lalaking buta o ihiniras an maugmang bareta saiya?—Hilingon an Juan 9:35-38.
-
Ano sa hiling mo an dahilan kaya mas andam an lalaki na magdangog sa maugmang bareta?
Ano an Manunudan Ta ki Jesus?
2. An sarong tawo mas posibleng magdangog sa mensahe ta pag namamati niyang nagmamalasakit kita sa saiya.
Arugon si Jesus
3. Magpahiling nin pakikidamay. Hinguwahon na imahinaron an namamatian niya.
-
Haputon an sadiri: ‘Ano an posibleng ikinakahadit niya? Ano daw an makakatabang asin interesante para sa saiya?’ Makakatabang iyan sa saimo na magpahiling nin kabuutan sa natural asin sinserong paagi.
-
Ipahiling na mahalaga saimo an nasa isip kan kaulay mo paagi sa pagdangog sa saiya. Pag magsabi siya kan opinyon niya manungod sa sarong bagay o mag-istorya manungod sa problemang inaatubang niya, dai pagbaguhon an tema.
4. Magin mabuot asin magalang sa pakikipag-ulay. Pag igwa ka nin pagmalasakit sa sarong tawo asin talagang gusto mo siyang tabangan, maririsa iyan sa saimong pagtaram. Magin maingat sa mga sasabihon mo asin sa tono kan boses mo, asin likayan na makataram nin mga bagay na puwedeng makakulog nin buot.
5. Magin matinabang. Maghanap nin angay na mga oportunidad para makatao nin praktikal na tabang. An pagpahiling nin kabuutan puwedeng makapahiro sa saro na makipag-ulay sa sato.
