УРОК 03

Ці можна верыць Бібліі?

ПРАЙГРАЦЬ

У Бібліі ёсць шмат добрых парад і абяцанняў. І хутчэй за ўсё, вам цікава з ёй пазнаёміцца. Але ці можна верыць таму, што запісана ў такой старажытнай кнізе? Ці варта карыстацца парадамі з Бібліі? Ці спраўдзіцца тое, што яна абяцае? Мільёны людзей у гэтым не сумняваюцца. Паразважайце над наступнымі аргументамі.

1. Біблія — гэта кніга фактаў або міфаў?

Біблія сцвярджае, што ў ёй запісана дакладная і праўдзівая інфармацыя (Эклезіяста 12:10). У гэтай кнізе гаворыцца пра падзеі, якія адбываліся на самай справе і з рэальнымі людзьмі. (Прачытайце Лукі 1:3; 3:1, 2.) Многія гісторыкі і археолагі пацвярджаюць дакладнасць дат, імёнаў, месцаў і падзей, узгаданых у Бібліі.

2. Адкуль мы ведаем, што Біблія не ўстарэла?

Біблія шмат у чым апярэдзіла свой час. Напрыклад, у ёй узгадваюцца некаторыя навуковыя факты. Многія з гэтых фактаў супярэчылі тагачасным уяўленням. Але сёння навука пацвярджае, што ў Бібліі запісана дакладная інфармацыя. Біблія была і застаецца надзейнай і нязменнай (Псальм 111:8).

3. Чаму біблейскім абяцанням можна давяраць?

У Бібліі ёсць прароцтвы a пра «тое, што яшчэ не адбылося» (Ісаі 46:10). У ёй падрабязна былі апісаны многія гістарычныя падзеі задоўга да таго, як яны адбыліся. Таксама яна вельмі дакладна апісвае сучасныя ўмовы ў свеце. У гэтым уроку мы разгледзім некаторыя біблейскія прароцтвы. Вас можа здзівіць, наколькі дэталёва яны спраўдзіліся.

ДАВЕДАЙЦЕСЯ БОЛЬШ

Параўнайце інфармацыю з Бібліі з сучаснымі навуковымі фактамі і пазнаёмцеся з некаторымі біблейскімі прароцтвамі.

4. Біблія ў згодзе з навукай

У старажытныя часы большасць людзей верыла, што зямля на чымсьці стаіць. Паглядзіце ВІДЭА.

ВІДЭА: «Зямля вісіць на нічым» (1:13)

Звярніце ўвагу, што было запісана ў Бібліі прыкладна 3500 гадоў таму. Прачытайце Ёва 26:7 і адкажыце:

Чаму сцверджанне, што зямля вісіць «на нічым», было дзіўным у тыя часы?

Пра тое, як адбываецца кругаварот вады ў прыродзе, стала вядома толькі каля 200 гадоў назад. Аднак паглядзіце, што было запісана ў Бібліі ўжо некалькі тысяч гадоў таму. Прачытайце Ёва 36:27, 28 і адкажыце:

Чым уражвае гэтае простае апісанне кругаварота вады ў прыродзе?
Ці ўмацоўваюць гэтыя біблейскія тэксты ваш давер да Бібліі?

5. Біблія прадказала важныя гістарычныя падзеі

Прачытайце Ісаі 44:27—45:2 і адкажыце:

Якія падрабязнасці пра заваяванне Вавілона былі запісаны ў Бібліі аж за 200 гадоў да гэтай падзеі?

Паглядзіце ВІДЭА.

ВІДЭА: «Біблія прадказала заваяванне Вавілона» (0:58)

Гісторыя пацвярджае, што Кір, цар Персіі, са сваім войскам захапіў горад Вавілон у 539 годзе да н. э. b Ён асушыў раку, якая абараняла Вавілон, а потым увайшоў у горад праз адчыненую браму. Горад захапілі без бою. Гэта адбылося больш за 2500 гадоў таму, і сёння на месцы Вавілона разваліны. Параўнайце гэта з тым, што было прадказана ў Бібліі.

Прачытайце Ісаі 13:19, 20 і абмяркуйце: