Amafunde pa fyo Tusunga Ifyebo

•  Ifyo Tusunga Ifyebo Twingamwishibilako

•  Ifyo Tubomfya Ifyebo Twingamwishibilako

•  Ifyo Tucita pa Kuti Abantu Bambi Belamona Ifyebo Twingamwishibilako

•  Abana Abanono

•  Amawebusaiti Yambi ayo Twingamutwalako

•  Ukumwishibisha nga ca Kuti Twayalula Amafunde pa fyo Tusunga Ifyebo

•  Ifyo Tubomfya Active Scripting na JavaScript

Belengeni ne fi

• Ifyo Inte sha kwa Yehova Shisunga Ifyebo mwi Sonde Lyonse

• Ifyo Tusunga Ifyebo fya Kumwishibilako mwi Sonde Lyonse

• Amafunde Tukonka mwi Sonde Lyonse pa Fyebo Twingatumina pa Kompyuta Yenu

Takuli umuntu nangu umo uwingamona ifyebo twingamwishibilako uushakwata insambu sha kufimona. Aya amafunde yalelangilila ifyo twingabomfya ifyebo fya kumwishibilako ifyo tupoka ilyo mulebomfya webusaiti yesu. Tulasungako ifyebo fimo ifyo twingamwishibilako ilyo mwaisa pa webusaiti yesu kabili twalishiba ico cacindamina ukukanaleka abantu bambi ukumona ifyo fyebo ne fyo cacindamina ukumweba ifyo tufibomfya. Nga mulefwaya kuti mwatupeela ifyebo ifyo abantu bamwishibilako. Ifi fyebo pamo nga ishina lyenu, email adresi yenu, adresi uko twingamutumina kalata, inambala ya foni yenu, e lyo ne fyebo fimbi ifyo bamwishibilako. Tamufwile ukutupeela ifi fyebo pa kubomfya ifipande fya cintubwingi ifya mawebusaiti yesu. Amawebusaiti yesu yambi ni apps.pr2711.com, tv.pr2711.com, stream.pr2711.com, na wol.pr2711.com.

Abene ba iyi webusaiti ni ba Watchtower Bible and Tract Society of New York, Inc. (“Watchtower”), akabungwe akabela ku New York akatungilila umulimo wa kusambilisha abantu Baibolo uo Inte sha kwa Yehova shibomba. Aka kabungwe takabelako ku kupanga indalama. Nga ca kuti mulefwaya ukwisula akaunti, ukusangwilako, ukulomba ukuti balemusambilisha Baibolo ukwabula ukulipila, nelyo ukucita icili conse icingalenga mwatupeela ifyebo fya kumwishibilako, ninshi mwasumina ifyo amafunde yano yalelanda, no kusumina ukuti tukasunge ifi fyebo mu makompyuta yesu ayaba ku America. Na kabili ninshi mwatusuminisha no kutumina ifi fyebo ku tubungwe utwafwilisha Inte sha kwa Yehova utwaba mu fyalo ifyalekanalekana no kufibomfya pa kuti tucite ifyo mulefwaya. Tulabomfya utubungwe twalekanalekana mwi sonde lyonse. Tulabomfya ifilonganino, amaofeshi ya Nte sha kwa Yehova e lyo no tubungwe tumbi utwa Nte sha kwa Yehova.

Ifyo tubomfya ifyebo twingamwishibilako filapusanapusana ukulingana ne fyo mulebomfya webusaiti yesu. Ku ca kumwenako, nga ca kuti mwapeela ubupe ku kwafilisha akabungwe kesu aka mwi funde akaba mu calo cimo, mu katupeela ishina lyenu na email adresi yenu. Na kabili, nga mulefwaya tulemusambilisha Baibolo ukwabula ukulipila, mukatupeela ishina lyenu ne fyebo fimbi ifyo twingabomfya pa kumusanga, kabili tukapeela ifi fyebo ku ba pa maofeshi yesu na ba mu cilonganino ca Nte sha kwa Yehova ababa uko mwikala pa kuti bakamutandalile.

Nga mulefwaya ukwishiba nga ca kuti mu calo cenu mwaliba amafunde pa fya kusunga ifyebo fya pa Intaneti, kuti mwaya pa cipande cileti, Uko Mwingasanga Ifyebo Ifilanda pa fya Kusunga Ifyebo pa Intaneti.

Tulabika sana amano ku kusunga bwino ifyebo mutupeela. Amakompyuta umo tusungila ifyebo yasuma kabili tulayacingilila bwino pa kuti tatulufishe ifyebo fya kumwishibilako ifyo mutupeela na pa kuti abantu abashakwata insambu sha kufimona tabafimwene nelyo ukwalulamo fimo. Abantu bonse abamona nelyo ukubomfya ifyebo fya kumwishibilako tulabasainisha pa kuti tabatwele ifi fyebo ku bantu bambi. Tusunga fye ifi fyebo pa nshita iyo tulefibomfya kabili tulakonka ifyo amafunde yalanda pa fyo tulingile ukulafisunga.

Nga tuletuma ifyebo fya kumwishibilako, tulaficingilila ukubomfya Transport Layer Security (TLS) pa kuti abantu bambi tabafimwene. Tulabomfya amakompyuta ayo abantu bambi bashingesula, kabili tulayabika mu fikuulwa ifyo twacingilila bwino pa kuti abantu bambi belamona ifyebo tupokelela.

Nga taulafisha imyaka iyo batendekelapo ukulanda ukuti umuntu mukalamba ukulingana na mafunde yaba mu calo wikala kabili ulebomfya webusaiti yesu, kuti watutumina ifyebo fya kukwishibilako nga wapoka insambu ku bafyashi bobe nangu aba kusunga. Nga ca kuti muli bafyashi kabili mwasuminisha umwana wenu ukututumina ifyebo fya kumwishibilako, ninshi namusumina ku fyo amafunde yano yalelanda.

Inshita shimo pali iyi webusaiti tulabikapo amawebusaiti yambi ayashili yesu ayo mwingabomfya pa kucita ifintu fimo (pamo nga ukulemba formu pa Intaneti). Kuti mwaishiba ukuti mwatendeka ukubomfya webusaiti imbi iyo twabika pa webusaiti yesu nga mwamona ifyo yacilamoneka fyayaluka kabili mwamona ne shina lya webusaiti lyayaluka. Ilyo tulesala amawebusaiti twingabikapo, tulapituluka mu fyo basunga ifyebo fya kumwishibilako pa kuti tushininkishe ukuti nabo bene balafisunga fye bwino. Nga mulefwaya ukwishiba ifingi pa mafunde yabo, kuti mwayabelenga pa mawebusaiti yabo.

Tulatwalilila ukuwamyako iyi webusaiti no kubikamo ifintu na fimbi pa kuti tuleibomfya na ku fintu ifyo tushaleibomfeshako kale. Apo ilatwalilila ukwaluka kabili amafunde ne fyo tubomfya na fyo filaaluka, tulatwalilila ukwalula amafunde pa nshila tusungilamo ifyebo. Nga twamona ukuti tufwile ukwalula amafunde pa fyo tusunga ifyebo, tukalalemba ifyalwike pali lino ibula pa kuti mwaishiba ifyebo tusunga ne fyo tufibomfya.

Tulabomfya aya amaprogramu pa kuti webusaiti yesu ilebomba bwino. Aya amaprogramu yalalenga tulemutumina bwangu ifyebo. Tatubomfya aya amaprogramu pa kuti tulebika amaprogramu mu kompyuta yenu nelyo pa kuti tulesenda ifyebo tushilingile ukusenda.

Pa kuti mubomfye bwino ifiputulwa fimo ifya webusaiti yesu, mufwile ukwasha Active Scripting nelyo JavaScript. Amaprogramu ayengi ayo mwingabomfya pa kuya pa Intaneti yalakwata apo mwingashiisha nelyo ukushimisha aya amaprogramu nga mulebomfya amawebusaiti yamo. Nga mulefwaya ukwishiba ifyo mwingacita pa kwasha nelyo ukushimya, mufwile ukubelenga ifyebo pa fya kubomfya programu mubomfya pa kuya pa Intaneti.